Zɛnɛse 18:20 - Yálá laawoo hɛɓɛ (dc)

²⁰ Yai-Laa ə mo Abrahamə ɓa, yɛ mą: «Sodomə taa da Gomorə taa hu nuą kɛ nɛ̨ŋɛ̨n gun aa tɛ aa həli mą́ą́, di wɔ túwɔ́ pələ ɲɔ̨n ɉu a wiɛ.

Yálá laawoo hɛɓɛ

²⁰ Yai-Laa ə mo Abrahamə ɓa, yɛ mą: «Sodomə taa da Gomorə taa hu nuą kɛ nɛ̨ŋɛ̨n gun aa tɛ aa həli mą́ą́, di wɔ túwɔ́ pələ ɲɔ̨n ɉu a wiɛ.

Bible

²⁰ Nya ƃe Yâwɛɛ è mò ǹyɛɛi, “Berei ŋa wɔ́lɔ-woo mɛnîi la a Sodɔŋ da Gomora láa dísɔnyɔ̂ŋ su kɛ́tɛi mɛni mai,

Zɛnɛse 18:20 Referans Kwoze

Zɛnɛse 19:13

Ku kaa pai ɓɛ nɔi kələn ɉi, mąąhɔlɔɓo, nɔi ŋɛ̨i hu nuą kɛ nɛ̨ŋɛ̨n gun aa həli Yai-Laa ɓa, ə ku tɔɔ, ə gɛ, ku ɓɛ kələn.»

Azaya 3:9

Di ɲɛ̨́i tɔɔ pələ ɓə a di mąą kɛla hvaa ɓo, di wɔ nɛ̨ŋɛ̨n tii tɔɔ di ɲɛ̨́i, yɛ bələi Sodomə ə gɛ la, di hva noo, di mąąwɛliɛi, diɛ mąąwɛli mɛ̨nį laa di kpɔwɔ ɓa.

Zɛnɛse 13:13

Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

Zɛnɛse 4:10

Yai-Laa yɛ Kain ɓa: «Lə mɛ̨nį ɓə ŋɛ̨i ə́ gɛi? Ə́ ləɠə ɲąmą woo kaa tɔɔi lɔi mɛ̨i, gɛ́ mɛ̨n, yɛ kɛ diɛ: ‹Hvo kɛli di nwɔ́ɔ́ kwələ kulɔ.›

Zĩi 5:4

'Ká ɓɛ kaa tai! Nuąi kɛi kólo kɛ ka yəi ɲɛa, di halai ká ká yee kanąn mą, gaa tomąi, góló kɛ nuą wɔlɔ woo aa too Mɛ̨nį Kəlee ŋą Hééɓomun nwəlii.

Ɉeremi 14:7

Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Zɛnɛse 19:4

Nuą laa lɔwai hvo kpɛli ni kɛ ɉəli li, Sodomə daa hinąą di bɛlɛ́ mąątínɛ̨n, ə gɔwɔ tɔɔ hilɛlɛa diɛ ə həli la ɉulɔgoloɠaa diɛ, dɔ̨nɔ̨ kpɛli hvo lɛɛ pulu.

Ɉeremi 23:14

Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»

Izikiɛ 16:46

Ə́ liɛ nɛ̨ɛ̨nu ɓaa a Samari, gaa hee ni ə́ kɔ́ɓɛyee hu pələ; ə ləɠə nɛ̨ɛ̨nu ɓaa Sodomə, gaa ə́ ɓa-mįi-yee hu pələ, da non nɛ̨ąą.

Zôna 1:2

«Ɉonasə! Ə́ muhəɠə ə́ li Ninivə daa lee kɛnɛ̨i tii hu. 'Li, ə́ haŋą diɛ, yɛ diɛ: ‹Di kɛ mɛ̨nį ɲɔ̨n gun aa həli mą́ą́.›»

Zɛnɛse 6:12

Yálá ə ɲɛ̨i hee lɔi mɛ̨i, ə nąą kaa, nu tɔ̨nɔ̨ kpɛli hvo kɛi Yálá kwɛli, nu kəlee lii lɔɔ mɛ̨nį ɲɔ̨n ɉu diɛ gɛ.