Zɛnɛse 17:13 - Yálá laawoo hɛɓɛ (dc)

¹³ Yili ɓa, luwɔ yii hɔlɔɓo ə́ yəi bɛlɛ́n, ə mą kɛ yii ə́ ɲa, ka gəlee hee kɛ́nɛ̨ ɓa, əgɛ, nwɔ́ mįnɛ̨i ə kɛ di kɔ́lɔ ɓa, yɛ mįnɛ̨i kpəla pələi hvo mą.

Yálá laawoo hɛɓɛ

¹³ Yili ɓa, luwɔ yii hɔlɔɓo ə́ yəi bɛlɛ́n, ə mą kɛ yii ə́ ɲa, ka gəlee hee kɛ́nɛ̨ ɓa, əgɛ, nwɔ́ mįnɛ̨i ə kɛ di kɔ́lɔ ɓa, yɛ mįnɛ̨i kpəla pələi hvo mą.

Bible

¹³ Zurɔ̂ŋ-looi kélee da maa sɔlɔ ƃô kápɛrɛi mu kpaa máŋ ká ǹyá a sɛŋ-kaoi, fɛ̂ɛ dí dísee kpono-mɛi. Mɛni ma ŋákpanaŋ-wooi a pâi kɛ̂i káyêei a wɔlɔ-wɔlɔ da wɔlɔ-wɔlɔ kpanaŋ-woo.

Zɛnɛse 17:13 Referans Kwoze

Lɛɛ gbɔwɔ ɓa 12:44

«‹Kɛlɛɛ, luwɔi ka ɲa a wali, ka ɉee kɛ́nɛ̨ ɓa a pɛli da mįi.

Nehemi 5:8

Gɛ́ diɛ: «Ɉuifəɠaa ŋɛ̨i a gu kaayɔwɔɠaa, diɛi kɛ daa di lɔwɔ́tɔɔ hį́i takpɛliɠaa diɛ, guɔ kpinįi ɓə di nwun mąąɓo, yɛ pələi guɔ yee pɛli mąą mɛ̨nį kaa la. Kɛlaa, kaa mun, ka káá ka kaayɔwɔɠaa lɔwɔ́tɔɔi, ku wɔ ɓə ka káá di lɔwɔ́tɔɔi kuɔ.» Di di mɛ̨i haa, di hvo pɛli mɛ̨nįi lɔpee ta ɓoi.

Zɛnɛse 37:36

Madian nuąi tii Ɉosɛfə ya, di li la Eziptə, di nɔwɔtɔɔ Potifarə ɓa; yai kɛ a dɔɔ kwəli mąąkpɛ nuą di nwun nąmu.

Maafîu 18:25

Ɉulɔnui tii di paa la, yii kɛa hɛn da hvo kɛ ɲəi yii a pɛli kɛ mąą kwələ kulɔi la, gwələ nąmu ə mo yɛ diɛ: Ka li ka nɔwɔtɔɔ, yaa da ɲəi hɛnɉaa kəlee, ə mą kɛ nɛ̨ą da nonnii; ə gɛ, lɔ nwɔ kwələ kulɔi ə hɔlɔɓo.

Nehemi 5:5

Kɛlaa yaan, kwa ku kaayɔwɔɠaa ku kɔ́lɔ ə ɓo lɔ tɔ̨nɔ̨, ku lonnii da di lonnii di kɔ́lɔ ə ɓo tɔ̨nɔ̨. Bələi mąn gaa la tii, mąąnɛ̨ɛ̨ ku ku lon ɉinąą da ku lon nɛ̨ąą taɠaa tɛɛ luwɔlaa hu. Ku lon nɛ̨ąą taɠaa kaa mun kɛa luwɔlaa hu. Ku hva pɛli mɛ̨nįi lɔpee ta kɛi, ku wɔ tíiɠaai da ku wɔ viɲə yɛɛɠaai kaa kɛa nu takpɛliɠaa yəi.»

Lɛɛ gbɔwɔ ɓa 21:16

«‹Nui a nu kan nwuɔ̨, akɛ aa gbɛa nɔwɔtɔɔ, a wala kɛ ti a kɛ nii ɲəi, mąąnɛ̨ɛ̨ di nwuɔ̨mun tii baa.

Lɛɛ gbɔwɔ ɓa 21:4

Akɛ dolaa honmun a nɛ̨ɛ̨nu tɛɛ dolaa hulɔnu pɔ, a lon gaa mą, nɛ̨ɛ̨nu da nonnii da lɛɛ a dolaa honmun nwɔɔ; ɉulɔnu yaa tɔ̨nɔ̨ lɔ ɓə a li.

Lɛɛ gbɔwɔ ɓa 21:2

‹Yá Hebreu lon da hon a tolaa, a kóló kɛ yɛ́ kwɛlan mɛ̨ida yee mu. Gwɛlan mɛ̨ihveelɛnąą, yá nɛɛ gbɔwɔ ɓa.

Zɛnɛse 39:1

Ismaɛlə nuą ŋɛ̨i Ɉosɛfə həɠə diɛ li la Eziptə lɔi hu, di nɔwɔtɔɔ Potifarə ɓa. Potifarə ɓə kɛ a Eziptə tɔɔmun nwɔ tɔɔ kwəli mąąkpɛ nuą nwun nąmu.

Zɛnɛse 37:27

Yaamun, 'ka gu nɔwɔtɔɔ, Ismaɛlə nu huwu ŋɛ̨i ɓa. Gu hvo kɛ gu kaa baai, gu mą gɛ ləi, gu ta ka a gu ləɠəi ŋɛ̨i.» Mɛlaa kəlee di hvaa nwoo ɓa.

Zɛnɛse 15:3

Abramə yɛ nwɔ̨nɔ̨ mą: «Hvó kɛ hvaa li mą ɉúwu hvo kulɔ, nwɔ́ luwɔi ŋɛ̨i ɓə pai gwɛ́lin ɉəɠəi.»

Zɛnɛse 14:14

Yii kɛa Abramə ə mɛ̨n diɛ mą daa mąnįn ɉon a kɔluwɔ, Abramə ə ɲee pɔ nuą ŋąąkpɔn, hinąą nwun-ɉaaɓa nu pow kɔ́w mɛ̨ihaaɓa, diɛi kɛ ɲəi bɛlɛ́n, di hvilɛn di yowoɠaa pulu, di li kpɔ di həli Dan daai.

Zɛnɛse 9:16

Gbəi-mįlįįn gaa pai kɛi yələ kwəi, ŋą́ gaa, mįnɛ̨i ŋɛ̨i gaa, ɲą́ą́ kwa nɔ̨ɔ̨nɔ̨ɔ̨ ɉɛnŋaa kəlee ku lɔwai, nąą kili a too ŋą́.»

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Levetekɔ 22:11

Kɛlaa, ɉaláá laa həli mun da a nu ya a wali, a pɛli ɉaláá kɔ̨nɔ̨n da mįi lɔ yɛ bɛlɛ́n mun da.