Zɛnɛse 15:9 - Yálá laawoo hɛɓɛ (dc)

⁹ Yai-Laa yɛ mą: «Pa a ɉuwɔ haaɓai ŋɛ̨i gáá pai giliin ɉii yɛ́, gəlee dɛitɛi, yii aa kwelan ɉaaɓa kɛ. Diɛ ɓaa: hoo hvaalən non, yɛ ɓo a ɉaa, ɓooli haa da ɓɛlaa hilɛ, tonwələn da ɓopo lon.»

Yálá laawoo hɛɓɛ

⁹ Yai-Laa yɛ mą: «Pa a ɉuwɔ haaɓai ŋɛ̨i gáá pai giliin ɉii yɛ́, gəlee dɛitɛi, yii aa kwelan ɉaaɓa kɛ. Diɛ ɓaa: hoo hvaalən non, yɛ ɓo a ɉaa, ɓooli haa da ɓɛlaa hilɛ, tonwələn da ɓopo lon.»

Bible

⁹ Yâwɛɛ è mò ma ǹyɛɛi, “Pá mî a kóraŋ saaƃa niŋa loŋ, da kóraŋ saaƃa ƃoli saa, da kóraŋ saaƃa ƃala-sirɛ da tòloŋ tɔnɔ é pɛ́lɛ pôpo loŋ ma.”

Zɛnɛse 15:9 Referans Kwoze

Lukə 2:24

Ɉaláá yii Ną́mu ə vaaɓo, di yili kulɔ, ya ɓaa: «Tonwələn veelɛ da ɓopo hveelɛ.»

Levetekɔ 14:30

Dowənən a wala kɛ tii mopo hveelɛi ti, yii lɔpee nu yee a pɛli mą,

Levetekɔ 14:22

Tonwələn veelɛ a wala kɛ tii ɓopo hveelɛ, yii ɲee a pɛli mą. Dɔ̨nɔ̨ a kɛ a nɛ̨ŋɛ̨n ɉaláá dɔ̨nɔ̨ ə ɓo a haláái da gələn.

Levetekɔ 9:2

Yɛ Aarɔn ɓa: «Nįŋɛ̨ lon gwɛli, nɛ̨ŋɛ̨n ɉaláá mɛ̨nį ɓa, da ɓɛlaa hilɛ tɔ̨nɔ̨ haláá yii da gəlee kələn mąą mɛ̨nį ɓa, kpɛɠii hvo kɛ veelɛi tii ta ɓa. Ə́ di laa həli Yai-Laa ɓa.

Levetekɔ 3:6

«Akɛ taatɛlɛɛ pɛlɛɛ ta ɓə, daa paa la Yai-Laa pɔ, a liilaa haláá; mąąnɛ̨ɛ̨ ə kɛ a ɉilɛ, awala kɛ tii ɉaa, kpɛɠii hvo kɛ mą.

Levetekɔ 3:1

«Nu ta a kɛ bɔ ə liilaa haláá kulɔ, a kɛ taatɛlɛɛ kpɛa-kpɛa ta ɓə, a gɛ a ɉilɛ, a wala kɛ tii, ɉaa. Mąą hvo nɛ̨ɛ̨li, hɛn ə́ kaa Yai-Laa kɔ́i la, kpɛɠii hvo kɛ mą.

Levetekɔ 1:14

«Akɛ, nwɛ̨ni ɓə di paa la a Yai-Laa kɔ́ hɛn, diɛ gəlee kələn, ə kɛ a tonwələn, a wala kɛ tii, ɓopo.

Azaya 15:5

Gáá wɔlɔi Moabə mɛ̨i, pu nuą daa həli kpɔ Soarə, daa həli Ɛglatə-Selisiya. Diɛ Luhitə yee kpukpu tɛ a wɔlɔ, diɛ tómą a ɲąą nwąnąą Horonaimə pələɠaa pɔ.

Mąątɛ̨nɛ̨ 50:5

'Ka nwɔ́ tələnmo nuąi ɲąąkpɔn, a diɛi tii kwa diɛni ku ɲąmą mįnɛ̨ həɠəi.

Levetekɔ 12:8

«Akɛ a wala pɛli ɓɛlaa lon ɉɔ̨nwɔ̨ hɔlɔɓoi, tonwələn veelɛ ɓə a paa la, dɔ̨nɔ̨ ə kɛ a haláái da gəlee kələn; dɔ̨nɔ̨ ə kɛ a nɛ̨ŋɛ̨n mąąhvaalɛɛ haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nɛ̨ɛ̨nui tii ɓa, a kɛ tii, mąą aa həɠə.»

Levetekɔ 9:4

Ɛlɛɛ, nįŋɛ̨ hilɛ da ɓɛlaa hilɛ, liilaa haláá kulɔ mɛ̨nį ɓa Yai-Laa ɓa. Yili pulu, ə́ Yálá kɔ́ lɛɠɛ pɛli a wulɔ, mąąhɔlɔɓo, háákələi ɓə Yai-Laa kaa pai gbɔwɔ lɛi la kaa.»

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Zɛnɛse 22:13

Abrahamə yɛ gaa ɲɛ̨i laai gwɛlɛ, ə ɓɛlaa hilɛ ta kaa tɔɔni gwɛlɛ, kpɔlɔ aa kpəlaan mįnɛ̨ ɓa, ə li ə ɉon, ə gulɔ a haláá, a non mąąhvalin.

Zɛnɛse 15:8

Abramə yɛ Ną́mu Yálá ɓa: «Ŋą́ pɛli ŋį́ gɔlɔn nəi gɛ́ kɛ diɛ: gaa pai kɛi a nwɔ́ɔ́?»

Zɛnɛse 15:10

Abramə ə pa a ɉɛnŋąąi tii, ə baa, ə ɉu tee ɉu hveelɛ hveelɛ, hvo kɛli lɔ nwɛ̨ni hveelɛi tii ɓə hvo ɉu tee, ə ɉɛnŋąąi tii kəlee həɠə, ə bu ɉaláá kulɔi.

Levetekɔ 12:6

«Non gaa nɛ̨ɛ̨nu mąąhəɠə hvóló a kpɛɛ, ə kɛ a lon ɉulɔnu, ə kɛ a lon nɛ̨ɛ̨nu, mąąnɛ̨ɛ̨ ɓɛlaa lon yii aa kwɛlan dɔ̨nɔ̨ kɛ, ə li la gee kaa kələ laaləi ɉaláá laa həli mun bɔ, di gulɔ a haláá yii da gəlee kələn; da tonwələn dɔ̨nɔ̨, a wala kɛ tii ɓopo tɔ̨nɔ̨, di gɛ a nɛ̨ŋɛ̨n mąąhvaalɛɛ haláá hɛn.

Wɛli 2:12

Mɔ̨nun yɛ gbowolo kɛ, kwəinɛ̨ɛ̨ wələ tooi lɔwai yɛ kɛa həli, kpala nwɛ̨nįɠaa woo yɛ tɔɔ.