Zɛnɛse 15:7 - Yálá laawoo hɛɓɛ (dc)

⁷ Yálá ə mo Abramə ɓa, yɛ mą: «Ɲą́ą́ gáá a Yai-Laa, yii ə́ kulɔ Urə daai Kalde nuą pɔ lɔi, ə gɛ, nɔi ŋɛ̨i ə́ kaa ɉu, ŋį́ dɛɛ ə́ pɔ a ə́ wɔɔ.»

Yálá laawoo hɛɓɛ

⁷ Yálá ə mo Abramə ɓa, yɛ mą: «Ɲą́ą́ gáá a Yai-Laa, yii ə́ kulɔ Urə daai Kalde nuą pɔ lɔi, ə gɛ, nɔi ŋɛ̨i ə́ kaa ɉu, ŋį́ dɛɛ ə́ pɔ a ə́ wɔɔ.»

Bible

⁷ Nya ƃe è mò ma ǹyɛɛi, “Ńyãa ƃa Yâwɛɛ nyii íkùla Babelɔŋ-ŋai dítaai su da kɛ̂ ma Ɔɔi, ŋá pá a yá a gɛɛ ŋá ǹɔii ŋí tɛ́ɛ ípɔ a ípɔɔ.”

Zɛnɛse 15:7 Referans Kwoze

Zɛnɛse 12:1

Yai-Laa yɛ Abramə ɓa: «Həɠə ə́ pɔ lɔi, ə́ pɔ taai, ə́ kulɔ ə́ nąn ɲəi bɛlɛ́n ə́ li ɓɛi gáá pai nąą lɛi yɛ́.

Lomaŋ 4:13

Yili ɓa, dɔn nwoo pɔ yíí ɓoɔ hvəə gɛ, Yálá yɛ yɛnɛ̨ɛ̨ kəlee laakwɛlanmo la Abrahamə ɓa da ɉuwu, a gwɛlin, kɛlaa, nwɔ laa na laa dələnmolaa hu ɓə.

Mąątɛ̨nɛ̨ 105:44

Ə tɔɔɓɛlaa di wɔ lɔi həɠə, ə dɛɛ di pɔ, diɛ huwu ta kpɛliɠaa kɛ kólo tɔlɔ mįi.

Mąątɛ̨nɛ̨ 105:42

Nwoo mąąhəɠɛɛi ə gwɛlɛ, nwɔ tímun Abrahamə ɓa, gili ə too ɲą.

Mąątɛ̨nɛ̨ 105:11

Yɛ kɛ mą: «Gáá Kanaan lɔi tɛɛi ə́ pɔ, ə kɛ a ka kwɛlin, a ka wəlingią lɔi.»

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 28:4

Núwɔ́i Yálá ə doo Abrahamə ɓa, naa ə hon yɛ́ ka ə́ huwu kaa, nɔi ŋɛ̨i ə́ kaa ɉu, ə́ ɉɔlɔɓo ka ə́ huwu kəlee; Yálá ə kɛ.»

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Dutɛrɔnome 9:5

Ka tələnmo mɛ̨nį hvəi, ka kwəi kili lɛlɛ mɛ̨nį hvəi, ka káá pai nɔi tii hɔlɔɓoi la a ka kwɛlin. Tɛ̨ąi gaa mą, ya ɓaa: nu huwui tii di hɔn ɲɔ̨n bələ ɓə gɛ Yai-Laa ka wɔ Yálá yɛ di wɔ lɔi kulɔ la di yəi, yɛ dɛɛ ka pɔ. Ə yili kɛ tii nwɔ̨nɔ̨, mąąhɔlɔɓo, aa wɔlɔ kɛ gwɛla ka nąnni a: Abrahamə, Isaakə, da Ɉakɔbə ni diɛ, yili ɓə gɛ yɛ bɔ mɛ̨nį kɛ la.

Lɛɛ gbɔwɔ ɓa 32:13

Ə́ kiliŋąhiɛ ə́ wɔ tínuąi diɛ, diɛi ɓaa: Abrahamə, Isaakə, da Israɛlə, diɛi wɔlɔ ə́ ə́ kwɛla diɛ a ə́ kpɔwɔ, yɛ́ kɛ diɛ: ‹Ŋą́ ka huwu ɓɛlɛ, ŋį́ damą yɛ yələkɔlɔn ɉu pɛmɛ̨lɛ̨n-gɔw, ɛlɛɛ, nɔi ŋɛ̨i ŋą́ vaa ɓo kaa, ŋį́ gəlee tɛɛ ka huwu pɔ, ə kɛ a di kwɛlin a yələ kəlee da nwɔɔ.›»

Lonon mo 33:53

Ka káá pai nɔi hɔlɔɓoi a ka wɔɔ, kaa hee ɉu. Mąąhɔlɔɓo, kaa ɓə gáá nɔi tii tɛɛi ka pɔ, yɛ pa lɛɛi ka yəi.

Dutɛrɔnome 3:18

Nąąlɔwai ɓə ŋį́ mɛ̨nįi ŋɛ̨i ɓo la kaa, gɛ́ kaa: «Yai-Laa ka wɔ Yálái ɓə nɔi ŋɛ̨i tɛɛ ka pɔ a ka wɔɔ. Kaai kpɔ a gɔ́kulááɠaa, ka Ɉurdɛn teen, ka ka hąą yili, ka tɔɔ ka nąn nonnii Israɛlə nuą tɔwɔ.