Zɛnɛse 15:14 - Yálá laawoo hɛɓɛ (dc)

¹⁴ Kɛlaa, nɔi ŋɛ̨i di kaa pai luwɔlaa kɛi ɉu nuą diɛ, gáá pai nɔi tii kitii teei, ŋį́ ə́ huwuhu nuą kulɔ di yəi luwɔlaa hu; da di pulu pənə a hɛn gɔw kɛnɛ̨.

Yálá laawoo hɛɓɛ

¹⁴ Kɛlaa, nɔi ŋɛ̨i di kaa pai luwɔlaa kɛi ɉu nuą diɛ, gáá pai nɔi tii kitii teei, ŋį́ ə́ huwuhu nuą kulɔ di yəi luwɔlaa hu; da di pulu pənə a hɛn gɔw kɛnɛ̨.

Bible

¹⁴ Kɛ́lɛ ǹɔii-ŋuŋ da pâi tíi kɛ̂i mîi, ŋa pâi ŋɔmɛnii ŋá teêi. Nyíŋi pôlu ma, da pâi kulâi naa a tɔɔ-laa su kɛ́tɛ.

Zɛnɛse 15:14 Referans Kwoze

Samuɛlə dɔlɔɔ 12:8

Ɓɛlɔwai Ɉakɔbə ə li la Eziptə lɔi hu, Eziptə nuą di hee di mɛ̨i, ka nąn ni di wɔlɔ di di woo kulɔ Yai-Laa ɓa. Yai-Laa ə Moisə da Aarɔn di tɔɔ, ə gɛ, di ka nąn ni kulɔ nuwɔ laa tii hu, di di hee gɛɛnąą ŋɛ̨i ɓa.

Mąątɛ̨nɛ̨ 135:14

Mąąhɔlɔɓo Yai-Laa, a nwɔ nuąi di wɔ tɛ̨ą mɛ̨nį ɲɛ̨i kulɔ, a nwɔ tínuąi ɲɛ̨imąąwɛli kaa.

Zasua 24:17

Mąąhɔlɔɓo, Yai-Laa ɓə a ku wɔ Yálá, Yai kwa ku nąnni ku kulɔ Eziptə lɔi hu nuwɔ pɛ́lɛ́i tii mu. Yaa tii, ə mɛ̨nį ɲɛ̨i kɛnɛ̨ kpɛa-kpɛaa kɛ ku ɲɛ̨i ɓa; yaa tii ɓə ɲɛ̨i ə kɛ kuɔ bələ pɔ ɓɛi kpɔ ku kɛi tɛɛ laa, gəlee mą kɛ, nɔiɠaai kpɔ ku tɛɛ ɉu.

Dutɛrɔnome 6:22

Yai-Laa ə kwəi pili mąą mɛ̨nį kpɛa kpɛa da kpalo mɛ̨nį kpɛa kpɛa kɛ ku ɲɛ̨i ɓa; Eziptə lɔi da dɔɔmun nwɔ pɛ́lɛ́i nwun yɛ lɛɛ ɉu.

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.

Mąątɛ̨nɛ̨ 135:9

Ə kwɛlɛɛn mɛ̨nįɠaa da kpalo mɛ̨nįɠaa kɛ, ə́ wɔ lɔi hu, Eziptə. A Faraɔn da ɲee pɔ nuą.

Mąątɛ̨nɛ̨ 51:4

'Nwɔ́ túwɔ́ pələ ɲɔ̨n nwaa kpɔ mą́ą́ tɛ̨ɛ̨tɛ̨ɛ̨, 'nwɔ́ nɛ̨ŋɛ̨n nwaa mą́ą́ ə́ mą́ą́həɠə.

Lɛɛ gbɔwɔ ɓa 3:10

Gáá kɛa ə́ tɔɔi yiihu, ə́ li Eziptə tɔɔmun bɔ, ə́ nwɔ́ nu huwui a Israɛlə lonnii, ə́ di kulɔ laa.»

Mąątɛ̨nɛ̨ 105:42

Nwoo mąąhəɠɛɛi ə gwɛlɛ, nwɔ tímun Abrahamə ɓa, gili ə too ɲą.

Zɛnɛse 48:21

Israɛlə yɛ Ɉosɛfə ɓa: «Náá hiɛ ka ną́nni kwɛlɛ, kɛlaa, Yálá kaa ka pɔ. Gaa pai pənəi ə li a kaa ka nąnni pɔ lɔi.

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Lɛɛ gbɔwɔ ɓa 12:29

Kwiihɛ̨ą ɓɛlaɓoɔ, Yai-Laa, ə Eziptə lon dɔlɔɔɠaa kəlee paa, ə gɔwɔ tɔɔ tɔɔmun non dɔlɔɔ ɓa, yai kɛi pa mąąhvalin ɉii, ə həli la nuwɔɠaa kəlee diɛ, diɛi kɛ gaho pɛlɛ́ mu; da daatɛlɛɛɠaa kəlee di lon dɔlɔɔɠaa.

Gɛlaɠaa 7:7

Kɛlaa, Yálá ə kɛ mą: ‹Nɔi ti di kaa pai kɛi ɉu luwɔlaa hu, gáá pai gití teei, yili pulu, da kulɔ laa di pa ɓɛ diɛ kwɛli hvilɛn mą́ą́ ɓɛ Ɉerusalɛmə.›