Zɛnɛse 15:13 - Yálá laawoo hɛɓɛ (dc)

¹³ Yai-Laa yɛ Abramə ɓa: «'Gɔlɔn yɛ kɛ: Ə́ huwu kaa pai kɛi nwɛ̨ą lɔi hu a luwɔ, diɛ di mɔ̨nɔ̨ɓo kwɛlan nwun-nąąn ɲee mu.

Yálá laawoo hɛɓɛ

¹³ Yai-Laa yɛ Abramə ɓa: «'Gɔlɔn yɛ kɛ: Ə́ huwu kaa pai kɛi nwɛ̨ą lɔi hu a luwɔ, diɛ di mɔ̨nɔ̨ɓo kwɛlan nwun-nąąn ɲee mu.

Bible

¹³ Nya ƃe Yâwɛɛ è mò Eberaŋ ma ǹyɛɛi, “Dɔ̃yâi ŋí kɔ́lɔŋ a gɛɛ ísuui su-ƃela da pâi kɛ̂i a ŋɔ̃ya-ŋa lɔii da su nyii vé a dípɔɔi. Da pâi kɛ̂i naa a luɛ-ŋa. Da pâi dímɔ̃lɛi naa kóraŋ ŋuŋ náaŋ (400) yée mu.

Zɛnɛse 15:13 Referans Kwoze

Lɛɛ gbɔwɔ ɓa 1:11

Eziptə nuą di nɛɛmą di pɔlɔtɛ nwun nąmįnąą hee Israɛlə lonnii nwun na, əgɛ diɛ kóló walawalaɠaa laa diɛ. Bələ ɓə di tɛɛ la, Israɛlə nuą diɛ Pitomə taa da Ramsɛsə tɔɔ, ɓɛi tɔɔmun gɔ̨nɔ̨n a həɠə laa.

Gɛlaɠaa 7:17

«Mɛ̨ni Yálá ə naakwɛlanmo Abrahamə ɓa yɛ gwɛla ɉu, kɛi lɔwai ə kɛɛ kɛa lɛɠɛi, di huwu hu ə kɛnɛ̨ Eziptə lɔi hu;

Galatə 3:17

Yii gɛ́ ŋį́ mo káá, ya ka: Yálá ə mɛ̨nį ta laakwɛlanmo, ə vilɛn ginɛ̨ ɓa, kwɛlan nwun nąąn ɲeehaaɓa kulaa ɉu ɓə təɠa, dɔ́n ə paa la. Kɛlaa, dɔ́n tii hvo pa li mɛ̨nįi tii həɠəi mą, a ɉəɠə mąi, akɛtii, Yálá ŋą mɛ̨nį laakwɛlanmoɔ, mɛlɛ hva lɛɛ mą.

Levetekɔ 19:34

Mąąnɛ̨ɛ̨ ka nwɛ̨ą hon yɛ nɔi lon da, yɛ ka ta. Nwɛli la kɛ yɛ ə́ kpinį, mąąhɔlɔɓo, kaa kpɛli ka kɛ a nwɛ̨ą Eziptə lɔi hu. Ɲą́ą́ ɓə gáá a Yai-Laa ka wɔ Yálá.

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Dutɛrɔnome 10:19

Kaa kpɛli mąn, ka nwɛ̨ąą wɛli la kɛ. Mąąhɔlɔɓo, kaa ta kɛ a nwɛ̨ąą Eziptə lɔi hu.

Lɛɛ gbɔwɔ ɓa 23:9

«‹Hvó hee nwɛ̨ą mɛ̨i. Kaa kpinįi, mɛ̨nįi a laa nwɛ̨ą ɓa, ka gɔlɔn. Mąąhɔlɔɓo, kaa kpinįi ka kɛ a nwɛ̨ą Eziptə lɔi hu.

Lɛɛ gbɔwɔ ɓa 22:21

'Hvo mɛ̨nį ɲɔ̨n naa kalanin da təlilon diɛ.

Zɛnɛse 15:16

Ə́ huwuhu nuą ɉəɠə gee pɔ nąąn gɛɛnąą ɓə pai kɛi ɓɛ nɔi ŋɛ̨i hu, mąąhɔlɔɓo, Amɔrə nuą di hvo ni di wɔ nwąnąlɔ laahvɛɛ li, ə gɛ, ŋį́ di kpɛ.»

Zɛnɛse 47:4

Bulu kpɔlu pələi ŋɛ̨i Kanaan lɔi hu, kala ta lɔpee hvo kɛa laa taatɛlɛɛɠaa mąą mɛ̨nį ɓa. Ku pa ɓɛ ku mąą kilɛi; Ną́n! Hvaa mą, ku hee Gosɛn?»

Lɛɛ gbɔwɔ ɓa 1:13

Eziptə nuą di Israɛlə lonnii hon gbɔ a nwąnąlɔ pələ.

Lɛɛ gbɔwɔ ɓa 2:24

Yálá ə di wɔlɔ woo mɛ̨n, ə pənə ə nwɔ mįnɛ̨i hu nwun. Yai wɔlɔ da Abrahamə, Isaakə da Ɉakɔbə ni di ɉəɠə.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Lɛɛ gbɔwɔ ɓa 3:10

Gáá kɛa ə́ tɔɔi yiihu, ə́ li Eziptə tɔɔmun bɔ, ə́ nwɔ́ nu huwui a Israɛlə lonnii, ə́ di kulɔ laa.»

Lɛɛ gbɔwɔ ɓa 3:17

Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Dutɛrɔnome 5:15

Mąąnɛ̨ɛ̨ ka kili ə pu ɉu kaa, ka kɛ a luwɔɠaa Eziptə lɔi hu. Ɛlɛɛ, Yai-Laa ka wɔ Yálái ə ka kulɔ laa a vaŋą kɛnɛ̨, a nwɔ huwalawalai ɲəi, hɛn da hva tɔɔ na. Yili mąą mɛ̨nį ɓə Yai-Laa ka wɔ Yálái ə ka tí la, yɛ ka túwɔ́ yələ mąą həɠə.

Mąątɛ̨nɛ̨ 105:42

Nwoo mąąhəɠɛɛi ə gwɛlɛ, nwɔ tímun Abrahamə ɓa, gili ə too ɲą.

Lɛɛ gbɔwɔ ɓa 1:14

Di yii kpəlin di la, a kóló walawalaɠaai di kɛi naa diɛ; diɛ ləɠi-pɔlɔ kulɔ diɛ gɛ a pɔlɔkɔw, diɛ ɓə kɛi di yəi ɲɛa kɛ, diɛ kóló huwu lɔpee laa di mɛ̨i a nwąnąlɔ pələ.

Lonon mo 20:15

Ku nąnni di wɔlɔ li Eziptə lɔi hu, ku lamun naa kpɔ kpaan. Kɛlaa, Eziptə nuą di hee ku mɛ̨i kwa ku nąn ni.