Zɛnɛse 14:14 - Yálá laawoo hɛɓɛ (dc)

¹⁴ Yii kɛa Abramə ə mɛ̨n diɛ mą daa mąnįn ɉon a kɔluwɔ, Abramə ə ɲee pɔ nuą ŋąąkpɔn, hinąą nwun-ɉaaɓa nu pow kɔ́w mɛ̨ihaaɓa, diɛi kɛ ɲəi bɛlɛ́n, di hvilɛn di yowoɠaa pulu, di li kpɔ di həli Dan daai.

Yálá laawoo hɛɓɛ

¹⁴ Yii kɛa Abramə ə mɛ̨n diɛ mą daa mąnįn ɉon a kɔluwɔ, Abramə ə ɲee pɔ nuą ŋąąkpɔn, hinąą nwun-ɉaaɓa nu pow kɔ́w mɛ̨ihaaɓa, diɛi kɛ ɲəi bɛlɛ́n, di hvilɛn di yowoɠaa pulu, di li kpɔ di həli Dan daai.

Bible

¹⁴ Tãi Eberaŋ è mɛ̀ni la a gɛɛ da ŋɔkáayɔi sóŋ a kɔ-sôŋ, è ŋɔkúluƃa ŋuŋ saaƃa pôlu puu káo lɔ́ɔlu mɛi saaƃai (318) sìɣe nyii-ŋai kɛ̀ ŋɔpɛ́rɛi mui, da dîa-ni dí lɛ́ɛ gâloŋ-ŋai pôlu dí lí Daŋ.

Zɛnɛse 14:14 Referans Kwoze

Nwun mąąɓo 18:29

Di Laisə laa həɠə mą, di di nąn Dan laa hee mą, yai kɛ a Ɉakɔbə lon da.

Zɛnɛse 15:3

Abramə yɛ nwɔ̨nɔ̨ mą: «Hvó kɛ hvaa li mą ɉúwu hvo kulɔ, nwɔ́ luwɔi ŋɛ̨i ɓə pai gwɛ́lin ɉəɠəi.»

Ikilisiati 2:7

Ŋą́ luwɔ hinąą da luwɔ nɛ̨ąą yá, ŋą́ bɛlɛ bɔlɔɠaai kɛ ɲə́i diɛ. Daatɛlɛɛɠaa kɛ ɲə́i, nįŋɛ̨ɠaa, ɓɛlaaɠaa da ɓooliɠaa, gbulu kɛnɛ̨i kɛ ə tɛɛ nuą wɔlɔ kɛ dɔ́wɔ́ Ɉerusalɛmə di wɛi ɓa.

Dutɛrɔnome 34:1

Moisə ə həɠə Moabə kpomó hu, yɛ tɛ Nebo yee ɓa Pisga yee tonna, yii gaa Ɉeriko taa tənən ma. Naa ɓə Yai-Laa ə Kanaan lɔi kəlee hu lɛ laa mą; ə həɠə Galaadə nwɔ lɔi hu yɛ li Dan nwɔ lɔi hu,

Zɛnɛse 17:27

Ə mą kɛ da ɉinąąi kpɔ kɛ ɲəi bɛlɛ́n, nuwɔ yiiɠaai hɔlɔɓo ɲəi bɛlɛ́n, da yiiɠaai ə di ya nwɛ̨ą yəi, di gəlee hee kɛ́nɛ̨ ɓa a volói tii.

Zɛnɛse 17:12

Ə həɠə yiihu ɓa, ə lɛɛ la ɉu kɛa lɔwai kəlee, ka lon ɉulɔnu hɔlɔɓo, voló mɛ̨ihaaɓa yələ, ka ɉee kɛ́nɛ̨ ɓa, ə mą kɛ a luwɔ lon yii hɔlɔbo ka yee bɛlɛ́n, ə mą kɛ a yii ka ɲa, hvo a ka huwu ta, ka gəlee hee kɛ́nɛ̨ ɓa.

Zɛnɛse 12:5

Abramə ə nɛ̨ą Sarai həɠə, ə bɛlɛ mąnįn Lɔtə ɓa da hɛn gɔw kpɔ kɛ ɲəi, ə mą kɛ huwɔɠaai ə di ya Haran lɔi hu, ə li a gəlee. Ə muhəɠə, ə ɲɛ̨i haŋą Kanaan lɔi hu pələ. Ɓɛlɔwai Abramə ə li la Kanaan lɔi hu,

Zɔ̂ŋ Maa-ŋuŋ 2:18

Nónnii pɛlɛɛɠaa, vóló gbɛlamąą ka. 'Ká mɛ̨n, diɛ kɛ diɛ: Kristə ɲowo kaa pai; Yaan, Yiihu kɛa Kristə ɲowoɠaa tamąą kaa ɓɛ, yili ɓə gwa gbaɠala kɔlɔn na guɔ, vóló gbɛlamąą aa həli.

Mąątɛ̨nɛ̨ 68:12

Ną́mu! Ə nwɔ tínuąi tí, nwɔ wɛlɛɛɓo nuąi kaa a kɔlaɠa hu kɛnɛ̨.

Nwun mąąɓo 20:1

Israɛlə lonnii kəlee woo tɔɔi ə kɛ tanɔ̨n, di kəlee di di ŋąąkpɔn Mispa daai, Yai-Laa lííla. Di kɛi həɠə Dan lɔi hu, ɲələi pələ, ə lɛɛ la ɉu ə həli Beɛrə-Seva ɉɛɠɛɛ pələ, da Galaadə lɔi hu, voló həɠəi pələ.

Zɛnɛse 23:6

«Kuɔ mɛ̨nį nąmu, ə́ wəli tɔɔ ku woo ɓa! Ə́ kaa ku lɔwai ɓɛ yɛ Yálá lon yii lúwɔ́ kaa mą; gwɛni woloɠaai ŋɛ̨i gaa ku yəi, kuɔ kuɔ nuą loo ɉu, yii ya gaa a nɛlɛɛ, yili həɠə, ə́ ə́ nɛ̨ą loo ɉu. Kwɛni wolo lɔpee ya ə́ yee lɛ mą, nąmu hva pɛli lənəi mą, hvo gulɔ ə́ yəi.»

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Zɛnɛse 13:8

Nąąlɔwai, Abramə ə mo Lɔtə ɓa, yɛ mą: «Mąą hvo nɛ̨ɛ̨li, hvaa hvo kɛ gwa yɛ́ gu lɔwai, ə mą kɛ daatɛlɛɛ mɛ̨i kaa nuą. Mąąhɔlɔɓo, gu kaa a pɛlɛ tɔ̨nɔ̨ mu nuą.

Zɛnɛse 12:16

Nɛ̨ɛ̨nui tii mąą mɛ̨nį ɓa, tɔɔmun ə ɲɛ̨i lɛlɛɛ hee Abramə ɓa. Ə taatɛlɛɛɠaa tɛɛ bɔ: ɓɛlaa, ɓolu da nįŋɛ̨, ə mą kɛ luwɔ hinąą da luwɔ nɛ̨ąą, ə bɛlɛ nwɔ̨nɔ̨ hoohvaalən ɉilɛɠaa da ɉaaɠaa diɛ, da ɲɔ̨nwɔ̨mɛ̨ɛ̨ɠaa.

Hanwon 17:17

Nu mɛlan a nwɛlilakɛ a yələ kəlee, Kɛlaa, nu nəɠə nwɛi, da gɔlɔn nɔ a ə́ mąąwɛli yələ.

Zɛnɛse 14:12

Abramə mąnįn Lɔtə ə kɛ Sodomə daai, di kəlee di lɛɛ a kɔ-hon, da ɲəi hɛnŋąą kəlee.

Zɛnɛse 14:16

Ɉɛnŋąąi kpɔ ti di yowoɠaa di ɉəɠə, di gəlee həɠə, ə mą kɛ Lɔtə yai kɛ a Abramə mąnįn, da ɲəi hɛnŋąą kəlee, ɉinąą da nɛ̨ąąi kpɔ di di hon a kɔluwɔɠaa, di pa a gəlee.

Zɛnɛse 17:23

Yili pulu, Abrahamə ə non Ismaɛlə həɠə, da nuwɔɠaai kpɔ hɔlɔɓo ɲəi bɛlɛ́n, ə mą kɛ yiiɠaai ə di ya a wali, diɛi kpɔ kɛ a hinąą ɲəi bɛlɛ́n, ə gəlee hee kɛ́nɛ̨ ɓa a volói tii, yɛ bələi Yálá ə mo la mą.

Tɔɔɓɛlaa dɔlɔɔ 15:20

Tɔɔmun Asa woo tii ə nɛ̨ɛ̨ Bɛn-Hadadə ɓa. Ə nɛɛ mą, ə nwɔ kɔ́kulááɠaa tɔɔ, di kɔ́ pɛlɛ Israɛlə taaɠaa diɛ, di Iyɔn, Dan, Avɛlə-Bɛtə-Maaka kɛlɛ, da Kinerotə taa kəlee, da ɓɛi kpɔ kɔ́ kɔ́ kwɛli hɛn ə kɛ laa Nɛftali.

Ɉeremi 41:12

Di di wɔ nuąi ɲąąkpɔn, di laŋąn Netania lon Yismaɛlə ɓa, di gaa Gabaɔn powa kwɛlɛ.

Samuɛlə dɔlɔɔ 30:19

Nu ta hvo lɛɛ pulu nɛapɛlɛɛ da nu kpɛa-kpa di lɔwai, di lon ɉinąą da di lon nɛ̨ąą. Ə mą kɛ ɉɛnŋaai Amalɛkə nuą di ɉəɠə, da lɔpee hvo lɛɛ pulu. Davidə ə pənə ə pa a gəlee.