Zɛnɛse 14:10 - Yálá laawoo hɛɓɛ (dc)

¹⁰ Ləɠi-pɔlɔ kulɔ lɔwa kpɛa kpɛa tamąą di kɛ Sidimə nɛ̨ŋɛ̨ lɔi hu. Sodomə da Gomorə tɔɔɓɛlaa di pu, di daɠaa paa, yiiɠaai lɛɛ də li, di di mąąkilɛ ɲeeɠaa ɓa.

Yálá laawoo hɛɓɛ

¹⁰ Ləɠi-pɔlɔ kulɔ lɔwa kpɛa kpɛa tamąą di kɛ Sidimə nɛ̨ŋɛ̨ lɔi hu. Sodomə da Gomorə tɔɔɓɛlaa di pu, di daɠaa paa, yiiɠaai lɛɛ də li, di di mąąkilɛ ɲeeɠaa ɓa.

Bible

¹⁰ Ǹyaŋ lóa siŋɔɔ támaa è kɛ̀ Sidiŋ tiŋ-tiŋ kɔlɛ. Tãi Sodɔŋ da Gomora kaloŋ-ŋai dí pù lai, da-ni dí tòo ǹoa-ŋai su, gbéli-ŋai dí pù dí lí ǹyéei su.

Zɛnɛse 14:10 Referans Kwoze

Zɛnɛse 19:17

Yii kɛa di kulɔ daai, malaka hveelɛ tii dɔ̨nɔ̨ yɛ Lɔtə ɓa: «Pu ə́ li, ə gɛ, ə́ ə́ nwun mąąɓo, yá kɛi li, hvə ə́ pulu kaa hvo nwɔ̨nɔ̨ tɔɔ bələi, li ɲee tii ɓa, ə́ ə́ nwun mąą kilɛ laa, hvo pa lɛɛ ɉu.»

Zɛnɛse 19:30

Lɔtə ə kɛi ɲɔw heei Soarə daai, yili ɓə gɛ, ə li, ə hee, yee ta ɓa da nonnii nɛ̨ąą hveelɛi, di kɛ laa kwɛni wolo ta hu.

Ɉeremi 48:44

Nui a pu ɲɔw tɔwɔ, a too lɔwai. Nui a kulɔ lɔwai, a too diŋɛ̨n ɉu. Gaa tii, gwɛlan mąąnɛ̨ɛ̨ ə nwoo hukulɔ la, mąą kwɛlan ga tii pai Moabə mɛ̨i. Yai-Laa woo li!

Azaya 24:18

Nui pai pui mąąɲɔw woo tɔwɔ, a too nowa hu, nui pai kulɔi nowa hu, a kɔ́ a maalə. Yələ kpon aa tee, lɔi kɔ́wɔ hvilɛn ɉiiɠaa diɛ kpɛlin.

Zɛnɛse 11:3

Di nɛɛ mą di mo di kee ɓa diɛ mą: «Ka gu pɔlɔkɔw kɛ, gu mɔn.» Bɔlɔkɔw tii ə kɛ di yəi yɛ kwɛni, ya ɓə di kɛi bɛlɛ́ tɔɔ la. Di kɛi bɔlɔkɔw hee gee mɛ̨i a ləɠi-pɔlɔ.

Mąątɛ̨nɛ̨ 83:10

'Di hon yɛ bələi ə́ Madian hon na, yɛ Sisera da Yavin, Kisɔn yá huluun ɉii.

Zasua 8:24

Yii kɛa Ai nuą ŋɛ̨i kɛ ɲɛa kɔ́ɔɠaa hu, di yiliɠaa gəlee paa, di di hu tee tee a ɓɔwa, Israɛlə nuą di pənə di pa Ai daai, nu kpəli woloi lɛɛ, di yiliɠaa kəlee paa.

Zɛnɛse 14:3

Di di ŋąąkpɔn Sidimə nɛ̨ŋɛ̨ lɔi hu, gboloyá kwɛlɛ.

Zɛnɛse 14:9

da dɔɔɓɛlaaɠaai ŋɛ̨i kɛ Kedɔrlaomɛrə pului: Daɠaa di həɠə, Goimə, Sinearə, Ɛlasarə. Tɔɔɓɛlaa lɔɔli di kɔ́ pɛlɛ tɔɔɓɛlaa nąąn ma.

Zɛnɛse 14:11

Nuąi tii di yee tɛɛ mąą laa kɛ, di Gomorə taa da Sodomə taa di wɔ hɛn gɔwɠaai kəlee həɠə, ə mą kɛ kɔ̨nɔ̨n kɛ laa di yəi, di li la.

Zɛnɛse 14:17

Ɓɛlɔwai Abramə ə yeetɛɛmąą kɛ la Kedɔrlaomɛrə da nwɔ tɔɔ ɓɛlaai di mɛ̨i, Sodomə tɔɔmun ə pa ə Abramə laakwiɛn Save nɛ̨ŋɛ̨ lɔi hu, yii jukulaa ɓaa: Tɔɔmun nwɔ nɛ̨ŋɛ̨ lɔi.

Zɛnɛse 14:21

Sodomə tɔɔmun yɛ Abramə ɓa: «Nuąi ŋɛ̨i ə́ di nwun mąąɓo, di tɛɛ bɔ́, ɉɛn gɔwi tii ə ɉɔlɔɓo, di lɛɛ ə́ yəi.»