Zɛnɛse 13:2 - Yálá laawoo hɛɓɛ (dc)

² Hɛn gɔw kɛnɛ̨ ə kɛ Abramə yəi, taatɛlɛɛ kpulu kɛnɛ̨ yɛ ɓo ɲəi, da wali, ə mą kɛ hɛni.

Yálá laawoo hɛɓɛ

² Hɛn gɔw kɛnɛ̨ ə kɛ Abramə yəi, taatɛlɛɛ kpulu kɛnɛ̨ yɛ ɓo ɲəi, da wali, ə mą kɛ hɛni.

Bible

² Eberaŋ è kɛ̀ a dɔɔ a taa-tulɛ, sɛŋ-káne da gôo.

Zɛnɛse 13:2 Referans Kwoze

Zɛnɛse 24:35

Yai-Laa aa lúwɔ́ too nwɔ́ mɛ̨nį nąmu Abrahamə ɓa, aa gɛ a nu walawala, aa hɛn gɔw kɛnɛ̨ tɛɛ bɔ. Aa taatɛlɛ kpulu kɛnɛ̨ tɛɛ bɔ, gbɛa-kpɛaa da bɛlɛɛ pɛlɛɛ, wali da hɛni, ə mą kɛ, luwɔ hinąą da luwɔ nɛ̨ąą; Ɲɔ̨nwɔ̨mɛ̨ɛ̨ɠaa da hoohvaalənŋąą.

Hanwon 10:22

Yai-Laa nwɔ lúwɔ́ ɓə a nu kɛ a hɛn nąmu, nuą di wɔ huwalawalalaa hva hɛn dɛɛ di pɔ.

Zôo 1:3

Ɓɛlaa waa mɛ̨ihveelɛ ə kɛ ɉulɔnui ti yəi, da ɲɔ̨nwɔmɛ̨ɛ̨ waa haaɓa, ə lɛɛ, nįŋɛ̨ heei hveelɛ hveelɛ nwun nɔɔli, hoohvaalən ɉaa nwun nɔɔli, koló kɛ nu kpulu kɛnɛ̨ ə ɓo ɲəi. Ɉulɔnui ti ə kɛ a nu kɛnɛ̨ dɛɛ hvóló kulɔi pələ nuą kəlee diɛ.

Dutɛrɔnome 8:18

Kɛlaa, mąąnɛ̨ɛ̨ ka kili ə kɛ ɉu kaa diɛ; Yai-Laa ka wɔ Yálái ɓə hvaŋą tɛɛ ka pɔ kaa hɛn ɉɔlɔɓo la. Nwoo tii ə gwɛlɛ ka nąnni diɛ, yɛ bɔ mɛ̨nį kɛ la, yɛ bələi gaa gɛi la háákələi.

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Zôo 1:10

Kɛlɛi yáá ə́ nįnįn bɛlɛ mɛ̨i, yaa mąn da nwɔ pɛ́lɛ́i, ə lɛɛ, da ɲəi hɛnŋąą kəlee. Yáá lúwɔ́ too ɲəi hɛnŋąą kəlee ɓa: nwɔ taatɛlɛɛ kpului hu kɛnɛ̨ nɔi nąą kəlee.

Samuɛlə dɔlɔɔ 2:7

Yai-Laa ɓə a nu kɛ a yeehowolo mun, yɛ nu kɛ a hɛn gɔw nąmu. A nu nwun mąą yɛɛ, yɛ nwɔ̨nɔ̨ nu nwun muhəɠə.

Zɛnɛse 12:16

Nɛ̨ɛ̨nui tii mąą mɛ̨nį ɓa, tɔɔmun ə ɲɛ̨i lɛlɛɛ hee Abramə ɓa. Ə taatɛlɛɛɠaa tɛɛ bɔ: ɓɛlaa, ɓolu da nįŋɛ̨, ə mą kɛ luwɔ hinąą da luwɔ nɛ̨ąą, ə bɛlɛ nwɔ̨nɔ̨ hoohvaalən ɉilɛɠaa da ɉaaɠaa diɛ, da ɲɔ̨nwɔ̨mɛ̨ɛ̨ɠaa.

Zɛnɛse 13:6

Gɛɛnąąi ŋɛ̨i di kɛ laa nąą tiikpəi kɛ di mąą mɛ̨nį ɓa, mąąhɔlɔɓo, gəlee hveelɛi di kɛ a hɛn nąmįną, di hva pɛli kɛ heei kɛɛnąą tɔ̨nɔ̨.

Zɛnɛse 24:1

Abrahamə pɔlɔɔi kpɔ kɛa kɛ a mɔlɔ, Yai-Laa ə lúwɔ́ too mą mɛ̨nį kəlee hu.

Zɛnɛse 30:43

Ɓələ ɓə Ɉakɔbə ə taatɛlɛɛ kpulu kɛnɛ̨ hɔlɔɓo la, ɓɛlaaɠaa diɛ ɓo ɲəi, ɓoluɠaa, ɲɔ̨nwɔ̨mɛ̨ɛ̨ɠaa, hoohvaalənŋąą, ɛlɛɛ luwɔ hinąą da luwɔ nɛ̨ąą.

Zɛnɛse 26:14

Ɓɛlaa kpulu kɛnɛ̨ ə kɛ ɲəi, da ɓolu kpulu, ə mą kɛ da nįŋɛ̨ kpulu kɛnɛ̨, bɛlɛɛ luwɔɠaa diɛ. Filisti nuą di kɛi kɛa tolo kulɔ a Isaakə.