Zɛnɛse 13:11 - Yálá laawoo hɛɓɛ (dc)

¹¹ Lɔtə ə Ɉurdɛn yá kwɛlɛ lɔi tii yəɠə ɉu, ə li ə nwɔ taai pu laa, voló həɠəi pələ. Pələ ɓə da Abramə di di ɓɛlaɓo la.

Yálá laawoo hɛɓɛ

¹¹ Lɔtə ə Ɉurdɛn yá kwɛlɛ lɔi tii həɠə ɉu, ə li ə nwɔ taai pu laa, voló həɠəi pələ. Pələ ɓə da Abramə di di ɓɛlaɓo la.

Bible

¹¹ Nya ƃe La è Zɔdiŋ Ya-leei kɔlɛ mâ gwaa kélee sìɣe. È lì vóloi kulâi-pere. Dí nâa díŋaa kɔ̂lɛ.

Zɛnɛse 13:11 Referans Kwoze

Zɛnɛse 13:9

Nɔi ŋɛ̨i gu kaa ɉu, ə́ ɲɛ̨i hiɛ nąą kəlee, ɓɛi a nɛɛ yɛ́, ə́ li laa. Gu gu ɓɛlaɓo, ya kɛi tɛ, gɛ́ yɛɛ; ya kɛi yɛɛ, gɛ́ tɛ.»

Piɛrə dɔlɔɔ 2:17

'Ká nu kəlee ɓɛlɛ kɛ mą, 'ká ká nąn nonnii wɛlilakɛ. 'Ká ɲɔw Yálá ɓa, 'ká tɔɔmun mɛlɛ kɛ mą.

Hebreu 10:25

'Ká gu hvo kpɛla gu kee ɲąąkpɔnŋąą ɓa, yɛ bələi, nu taɠaa daa gɛ la a di kɛ-mɛ̨nį, di hva pa ŋąąkpɔn ɉu. Kɛlaa yaamun, ka gu gu kee hvaŋąlɔ, yii kpɔ, gu ɲɛ̨i kaa gu Ną́mu ŋą kuui tɔwɔ mąą yɛ kpuɔ.

Hanwon 27:10

'Hvó tee ə́ ɓɛlan bulu, ə mą kɛ ə́ nąn mɛlan. 'Hvó li ə kaayɔwɔ pɔɔli a ɲələi ya kpaan na. Heeyɔwɔlaa hviɛlaɓoɔi kaayɔwɔlaai mąą kwɛaa yɛ́, mą.

Mąątɛ̨nɛ̨ 119:63

Nuąi kpɔ da ɲɔw yɛ́, kwa diɛni ɓə ku tɔɔ, a diɛi tii da kɛ ə́ wɔ tiɓoɠaai hon ɉii.

Mąątɛ̨nɛ̨ 16:3

Ɓɛ yɛnɛ̨ɛ̨, ɉeeɓolaaɠaai kpɔ a Yálá nwɔɔ, di ɓɛlɛ kaa diɛ, gəlee wɛli kaa mą́ą́ kpɔ kɛnɛ̨.

Zɛnɛse 13:14

Yii kɛa Lɔtə da Abramə di di ɓɛlaɓo, Yai-Laa yɛ Abramə ɓa: «Ɓɛi tii ə́ kaa laai, ə́ nwun muhəɠə, ə́ ə́ ɲɛ̨i laa nɔi tii ə́ kaa ɉu mɛ̨i, ə həɠə ɲánwuɔ̨ pələ, ə yɛɛ ɉɛɠɛɛ pələ, ə həɠə voló həɠəi pələ, ə li voló tooi pələ.

Zɛnɛse 19:17

Yii kɛa di kulɔ daai, malaka hveelɛ tii dɔ̨nɔ̨ yɛ Lɔtə ɓa: «Pu ə́ li, ə gɛ, ə́ ə́ nwun mąąɓo, yá kɛi li, hvə ə́ pulu kaa hvo nwɔ̨nɔ̨ tɔɔ bələi, li ɲee tii ɓa, ə́ ə́ nwun mąą kilɛ laa, hvo pa lɛɛ ɉu.»

Zɛnɛse 13:10

Lɔtə ə ɲɛ̨i laa, nɔi kɛ Ɉurdɛn yá koo ɓa, ə gaa, nąą pələ nwɔ kalai ɲąąnɛ̨ɛ̨. Ə həɠə Soarə daai yɛ li Sodomə daai da Gomorə daai pələ, nąą pələ ə kɛ yɛ Yálá-taa lon ma. Kɛlaa, Nąąlɔwai, Yai-Laa hvo ni kɛ Sodomə taa da Gomorə taa di kala li. Gɛɛnąąi tii, nɔi lɛlɛ pələ ə kɛ yɛ Eziptə ɲá lee kɛnɛ̨ ŋɛ̨i da kɛ mą: Nilə, gwɛlɛ lɔi.

Zɛnɛse 13:12

Abramə ə lɛɛ Kanaan lɔi hu. Lɔtə ə li ə nwɔ taai pu Sodomə taa kwɛlɛ, Ɉurdɛn ya kwɛlɛ.

Izikiɛ 47:18

Voló kulɔi pələ nwɛi, ka gɔɔn Hauran da Damasə di lɔwai; Galaadə da Israɛlə di lɔwai, Ɉurdɛn a kɛ a nɔi ɲɛn ə həli la gboloyái tii voló kulɔi pələ mą. Voló kulɔi pələ nwɛi ka tii.