Zɛnɛse 11:31 - Yálá laawoo hɛɓɛ (dc)

³¹ Tela ə non Abramə həɠə da Haran lon Lɔtə yai kɛ a mąnįn, ə bɛlɛ non nɛ̨ą Sarai ɓa, yai kɛ a Abramə nɛ̨ą, da diɛni di həɠə Urə daai Kalde nuą pɔ lɔi, diɛ li Kanaan lɔi hu, di li ɓɛi ŋɛ̨i da kɛ mą Haran, di hee laa.

Yálá laawoo hɛɓɛ

³¹ Tela ə non Abramə həɠə da Haran lon Lɔtə yai kɛ a mąnįn, ə bɛlɛ non nɛ̨ą Sarai ɓa, yai kɛ a Abramə nɛ̨ą, da diɛni di həɠə Urə daai Kalde nuą pɔ lɔi, diɛ li Kanaan lɔi hu, di li ɓɛi ŋɛ̨i da kɛ mą Haran, di hee laa.

Bible

³¹ Tera è ǹóŋ Eberaŋ sìɣe da Araŋ ǹóŋ La nyii kɛ̀ a ǹóŋ ŋɔlóŋ, é Serai siɣe nyii kɛ̀ a ǹóŋ Eberaŋ ŋɔnɛnîi, da dîa-ni dí kúla Babelɔŋ-ŋai dítaai su da kɛ̂ ma Ɔɔi, dí lí Keena lɔii su. Kɛ́lɛ tãi dí sèri la Araŋ taa-leei sui, dí sèe naa.

Zɛnɛse 11:31 Referans Kwoze

Nehemi 9:7

Yɛ́ Yai-Laa, yɛ́ ɓə Abramə həɠə, ə́ gulɔ Urə Kalde lɔi hu, ə́ naa hee a Abrahamə.

Zɛnɛse 24:10

Nuwɔi, ə nuwɔ nąmu nwɔ ɲɔ̨nwɔ̨mɛ̨ɛ̨ pow həɠə, ə bɛlɛ nuwɔ nąmu yəi hɛn gɔw mɔlɔmun ma. Ə hvilɛn bələ ɓa, yɛ li Nahɔrə pɔ taai, Aramə ɲa hveelɛ lɔwai.

Zɛnɛse 12:4

Abramə kaa kwɛlan ə kɛ a kwɛlan bow mɛ̨ihveelɛ gɔw lɔɔli, ə hvaa mą, pələi ŋɛ̨i Yai-Laa ə mo la mą, ə muhəɠə lɔ tii, ə kulɔ Haran lɔi hu.

Zɛnɛse 15:7

Yálá ə mo Abramə ɓa, yɛ mą: «Ɲą́ą́ gáá a Yai-Laa, yii ə́ kulɔ Urə daai Kalde nuą pɔ lɔi, ə gɛ, nɔi ŋɛ̨i ə́ kaa ɉu, ŋį́ dɛɛ ə́ pɔ a ə́ wɔɔ.»

Zɛnɛse 11:32

Tera kaa kwɛlan ə kɛ a kwɛlan nwun-veelɛ kwɛlan nɔɔli, ə haa Haran lɔi hu.

Zɛnɛse 10:19

Kanaan lɔi ɲɛ̨n ma kɛ a Sidɔn lɔi, yɛ li la Gerarə lɔi ɓa, ə lɛɛ ɉu ə həli kpɔ Gaza lɔi ɓa, yili pulu, yɛ li la Sodomə taa da Gomorə taa, Adma taa da Sevoimə taa, yɛ li la Lɛsa daai.

Hebreu 11:8

Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.

Zɛnɛse 27:43

Yili ɓa, nón, ə́ wəli tɔɔ nwóó ɓa. 'Ə́ muhəɠə, 'li ə́ ə́ mąąkilɛ níɛ Laban pɔɔli Haran.

Zɛnɛse 24:15

Nuwɔi tii hvo kpɛli kpɛɛ a nwoo laa kulaa, Betuɛlə lon nɛ̨ɛ̨nu Rebeka yɛ pa. Betuɛlə tii kaa a Nahɔrə da Milka di lon ɉulɔnu. Nahɔrə ə ɓo a Abrahamə nəɠə hulɔnu. Rebeka nwɔ yáləɠii ə kɛ heeni galan ŋą.

Zɛnɛse 12:5

Abramə ə nɛ̨ą Sarai həɠə, ə bɛlɛ mąnįn Lɔtə ɓa da hɛn gɔw kpɔ kɛ ɲəi, ə mą kɛ huwɔɠaai ə di ya Haran lɔi hu, ə li a gəlee. Ə muhəɠə, ə ɲɛ̨i haŋą Kanaan lɔi hu pələ. Ɓɛlɔwai Abramə ə li la Kanaan lɔi hu,

Tɔɔɓɛlaa veelɛ 19:12

Nɔiɠaa ŋɛ̨i ku nannii di ɉon, di wɔ haliɠaai di pɛli mɔ̨ɔ̨ di nwun mąąɓoi? Mį ɓə, Gozan, Haran, Rɛsɛfə, da Edɛn lonnii di kaa laa, diɛi kɛ Telasarə?

Zôo 1:17

Yili ə lɛɛ lɔ nwɔ̨nɔ̨ nwoo hukulɔi, da kpɛli ə pa, yɛ diɛ: «Kalde nuą kpulu heei haaɓa, di wolo ə́ wɔ ɲɔ̨nwɔmɛ̨ɛ̨ɠaai diɛ, di ə́ wɔ tínuąi paa, di ɲɔ̨nwɔmɛ̨ɛ̨ɠaa həɠə; Ɲą́ą́ dɔ̨nɔ̨ lɔ ɓə kulɔ ɉu, gɛ́ pa nwɛlɛɛ ɓoi.»

Azaya 37:12

Nɔiɠaai ną́nni di di hu wolo wolo di wɔ yáláɠaa di mɔ̨ɔ̨ Gozan kulɔ mɛ̨nįi, da Haran, da Rɛsɛfə, da Edɛn lonni, diɛi tii kɛ Telassarə?

Zɛnɛse 14:12

Abramə mąnįn Lɔtə ə kɛ Sodomə daai, di kəlee di lɛɛ a kɔ-hon, da ɲəi hɛnŋąą kəlee.

Zɛnɛse 28:10

Ɉakɔbə ə həɠə Beɛrə-Seva, ə li Haran.