Zɛnɛse 10:6 - Yálá laawoo hɛɓɛ (dc)

⁶ Kamə lonnii laa ka: Kusə, Misraimə, Putə da Kanaan.

Yálá laawoo hɛɓɛ

⁶ Kamə lonnii laa ka: Kusə, Misraimə, Putə da Kanaan.

Bible

⁶ Aaŋ ǹônii-sinaai ƃa, Kusi, Ize, Lébia da Keena.

Zɛnɛse 10:6 Referans Kwoze

Izikiɛ 27:10

Pɛrsə lɔi, da Ludə, Putə nuą di kɛ ə́ wɔ kɔlaɠai hu, diɛ ɓə kɛ a ə́ wɔ kɔ́kulááɠaa, di nwuɔ̨ ɓɔlɔɠaa da di mąąkɔ̨nwɔ̨ kwɛli hɛnŋaa, ə́ pɔɔli ɓə di kɛi di laai kɛ laa, diɛ ɓə kɛ a ə́ hvaŋą.

Ɉeremi 46:9

Hooɠaa! 'Ká li kɔ́ mɛ̨i, kɔ́ kɔ́ wotoloɠaa! 'Ká li gɔ́ ɓa. Kɔkulaaɠaa! 'Ká tɛɛ tɔwɔ Nubi da Putə nuą; kaai ka wɛlɛɛ hə́mə pənə, 'ká hə́mə həɠə. Ludə nuą; kaai wɛlɛɛ kilɛn bili, 'ká həɠə.»

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Mąątɛ̨nɛ̨ 106:22

Yɛ kwɛlɛɛn mɛ̨nįɠaa kɛ Kamə nwɔ lɔi hu, da mɛ̨nį mąą ɲɔwuɔɠaa Vəəngbɔ̨nɔ̨ gboloyá kwɛlɛ.

Mąątɛ̨nɛ̨ 105:27

Di kwɛlɛɛn mɛ̨nį kɛ lɔ, a di hvaa woo, Eziptə lɔi hu, di kwəi pili mąą mɛ̨nįɠaa kɛ Kamə nwɔ lɔi hu.

Mąątɛ̨nɛ̨ 105:23

Yili pulu, Israɛlə ə li Eziptə lɔi hu, Ɉakɔbə ə mąąkilɛ Kamə nwɔ lɔi hu.

Mąątɛ̨nɛ̨ 78:51

Ə Eziptə lon dɔlɔɔɠaa kəlee kɛlɛ, ə di laŋą lonnii tɔlɔɔɠaa paa, Kamə nwɔ pɛlɛ́ɠaai mu.

Kɔlɔnikɔ Maa-ŋuŋ 4:40

Lii di mo, di kwiɛn a lɔi nɛ̨ɛ̨, nąą kɛnɛ̨, di wəli pulu laɠiɛɛ laa hvɛ-hvɛ. Nąą ɓə wɔlɔ Kamə kwəi lonnii di kɛ laa heeni.

Zɛnɛse 9:22

Ə Kanaan nąn Kamə, ə lɔ, ə nąn gbuwulu kaa, ə ɉukulɔ nąn nonnii hveelɛi tii diɛ ɲɛnɛ̨ɛ̨.

Zɛnɛse 9:18

Noe lon ɉinąą haaɓai da diɛni di kulɔ gələn ɉu, diɛ ɓaa: Sɛmə da Kamə da Ɉafɛtə. Kamə ɓə kɛ a Kanaan nąn.

Zɛnɛse 10:5

Nu huwui tii ɓə di taɠa taɠaa gahinŋąą ɓa. Hį́í wooi da mo, ya ɓə di ɉee di wɔ lɔi ɓa a nɔi laa.

Izikiɛ 38:5

Pɛrsə lɔi da Nubi da Putə, di kaa pai kɛi di pɔ. Ɓowa kwɛa da kɔ́ kɔ́ hə́mə di ɓo gəlee yəi.

Zɛnɛse 2:13

Ɲá veelɛnąą laa ɓaa a: Gihɔn. Yili ka tii a kɛ Kusə lɔi mąą tinɛ̨n ɉi.

Zɛnɛse 5:32

Noe kaa kwɛlan ə kɛ a kwɛlan nwun nɔɔli, ə lon ɉinąą haaɓa hɔlɔɓo; dɔ̨nɔ̨ laa ɓaa: Sɛmə, veelɛnąą, diɛ kɛ mą: Kamə, ɉaaɓanąą, diɛ kɛ mą: Ɉafɛtə.