Zɛnɛse 10:22 - Yálá laawoo hɛɓɛ (dc)

²² Sɛmə lon ɉinąą laa ka: Elamə, Asurə, Arfasadə, Ludə da Aramə.

Yálá laawoo hɛɓɛ

²² Sɛmə lon ɉinąą laa ka: Elamə, Asurə, Arfasadə, Ludə da Aramə.

Bible

²² Sɛ̂ŋ ǹônii-sinaai ƃe kɛ̀ a, Elaŋ, Asɔdɔ, Apasa, Ludi da Araŋ.

Zɛnɛse 10:22 Referans Kwoze

Azaya 66:19

Gaa a tɛ̨ą gaa pai pɔɔkɔɔn da kɛi di lɔwai, hvo pai lɛɛi a yili, yiiɠaai pai kulɔi ɉu, gáá pai daɠaa tɛɛi hįį lɔi takpɛliɠaa lɔwai, Tarsisə, Putə da Ludə diɛ di wɔ kilɛnŋąąi ŋąątɛ, Tubalə, Yavan da gboloyá hu lɔiɠaai kwɛaala, diɛi di hvo mą́ą́ mɛ̨nį bələ mąni, diɛi di hvo ta nwɔ́ mąąwiɛi kaa li; di kaa pai nwɔ́ mąąwiɛi mąą loloɓoi hįįɠaa mɛ̨i,

Gɛlaɠaa 2:9

Yaan, nu taɠaa kaa gu lɔwai di həɠə: Partə lɔi hu, Medi lɔi hu da Elamə lɔi hu, daɠaa di həɠə Mesopotami lɔi hu, Ɉude lɔi hu da Kapadosə lɔi hu, daɠaa di həɠə Pɔn lɔi hu, da Asi lɔi hu,

Ɉeremi 25:25

Zimri tɔɔɓɛlaa kəlee, Elamə tɔɔɓɛlaa kəlee, Medi tɔɔɓɛlaa kəlee,

Azaya 22:6

Tonwą-taɠa kaa Elamə yəi, ə ɓo la wotoloɠaa hu, hooɠaa diɛ ɲala, Kirə yaan aa mąą kpɛ hə́mə́ həɠə.

Azaya 21:2

Mɛ̨nį kponąą ta ka ŋɛ̨i, di nɛ mą́ą́ hįi pələ. Pulu kulɔmun, yɛ pulu kulɔ mɛ̨nį kɛ, kɛɛ kalamun yɛ kɛɛ kala. Elamə nuą, 'ka tɛ! Medi nuą, 'ka ka wɔ kɔlaɠai pɛlɛ! Gáá woo laa wooɠaa kəlee kpɛɛi.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Zôo 1:17

Yili ə lɛɛ lɔ nwɔ̨nɔ̨ nwoo hukulɔi, da kpɛli ə pa, yɛ diɛ: «Kalde nuą kpulu heei haaɓa, di wolo ə́ wɔ ɲɔ̨nwɔmɛ̨ɛ̨ɠaai diɛ, di ə́ wɔ tínuąi paa, di ɲɔ̨nwɔmɛ̨ɛ̨ɠaa həɠə; Ɲą́ą́ dɔ̨nɔ̨ lɔ ɓə kulɔ ɉu, gɛ́ pa nwɛlɛɛ ɓoi.»

Tɔɔɓɛlaa veelɛ 15:19

Asiri tɔɔmun Pulə ə pa ə pɛlɛ nɔi ɓa a kɔ́, kɛlaa, Menahɛmə ə wali kwələ kilə waa pow haaɓa tɛɛ Pulə pɔ, əgɛ, yili ə kpɔnmąą tɛɛ bɔ, dɔɔlaa ə lɛɛ ɲəi a nwalawalaa.

Lonon mo 23:7

Nąąlɔwai, Balaamə yɛ kɛa nwələi ŋɛ̨i too, yɛ kɛ mą: «Balakə ə də́li Aramə lɔi hu, Ŋą́ kɛ Kɛdɛmə yee lɔiɠaa hu, Moabə tɔɔmun yɛ də́li. Yɛ kɛ mą́ą́: 'Pá ə́ Ɉakɔbə nɛ̨ŋɛ̨n naa! 'Pa ə́ Israɛlə ɲɛ̨i paa.

Zɛnɛse 9:26

Yili pulu, yɛ diɛ: «Mąąwiɛ ə kɛ Yai-Laa ɓa, yii gaa a Sɛmə nwɔ Yálá, gɛ́ Kanaan ə kɛ a Sɛmə nwɔ luwɔ.

Lukə 3:36

Sala nąn mąą Kainamə, Kainamə nąn mąą Arfasadə. Arfasadə nąn mąą Sɛmə. Sɛmə nąn mąą Noe. Noe nąn mąą Lamɛkə, Lamɛkə nąn mąą Matusala.

Zɛnɛse 10:21

Sɛmə, Ɉafɛtə niɛ yaa kpɛli ə lon ɉinąą hɔlɔɓo. Yaa kpɛli, gaa a nu huwuɠaa ŋɛ̨i di kalaɓɔlɔ, diɛ ɓaa: Ebɛrə da ɉuwuhu nuą kəlee,

Zɛnɛse 11:10

Sɛmə huwuhu nuą laa ka: Sɛmə kaa kwɛlan ə kɛ a kwɛlan nwun dɔ̨nɔ̨, ə lon ɉulɔnu hɔlɔɓo diɛ kɛ mą: Arfasadə, ə ɉɔlɔɓo ɲánwąną tɛɛ pulu gwɛlan veelɛ lɔwai.

Lonon mo 24:22

Kɛlaa, ə mą kɛ tii, ə́ kaa pai lɛɛi a nwɔ̨n naa kpəli, ɛlɛɛ ə́ wɔ yɛnɛ̨ɛ̨ laa kulɔi lɔwai, Asurə kaa pai ə́ hon ɉii a kɔluwɔ.»

Izikiɛ 32:24

«Elamə kaa laa, da nwɔ nu kpulu kɛnɛ̨ɛi, di tinɛ̨nŋaa di kámą ɓa diɛi di kəlee daa too a kɔ́ kɔ́ ɓɔwa laa pɔɔ. Di lɛɛ a kɛ́nɛ̨ kpolɔwaɠaa, diɛ yɛɛ nɔi mu pələ; a diɛi tii kɛi ɲɔw too yɛnɛ̨ɛ̨ nuą hui. Di wɔ nwumɛ̨i aa lɛɛ diɛ, da nuą daa yɛɛ la nɔwai.

Danîa 8:2

Ɉįi tii ŋą́ gaa, ə kɛ yɛ ŋą́ kɛ Elamə lɔi daa lee hu yii da kɛ mą: Susə. Ɉiin tii hu, ə kɛ yɛ ŋą́ kɛ Ulai ɲa lee kwɛlɛ.