Zɛnɛse 1:29 - Yálá laawoo hɛɓɛ (dc)

²⁹ Yálá yɛ nwɔ̨nɔ̨ diɛ: «Ŋą́ą́ lɔi mɛ̨i kalaɠaa kəlee tɛɛ ka pɔ, da lɔi mɛ̨i wuluɠaa, ə mą kɛ yiiɠaai da ɓa, gəlee kaa a ka kɔ̨nɔ̨n.

Yálá laawoo hɛɓɛ

²⁹ Yálá yɛ nwɔ̨nɔ̨ diɛ: «Ŋą́ą́ lɔi mɛ̨i kalaɠaa kəlee tɛɛ ka pɔ, da lɔi mɛ̨i wuluɠaa, ə mą kɛ yiiɠaai da ɓa, gəlee kaa a ka kɔ̨nɔ̨n.

Bible

²⁹ Ɣâla è mò dîa ǹyɛɛi, “Ka gáa, ŋa kala-káo sîi kélee tɛ́ɛ kápɔ nyii-ŋai da lɛ̂lɛ ǹɔii mai da ƃá-wuru sîi kélee. Da pâi kɛ̂i a kámii-sãa.

Zɛnɛse 1:29 Referans Kwoze

Zɛnɛse 9:3

«Nɔ̨ɔ̨-nɔ̨ɔ̨ hɛnŋąąi kpɔ di kaa lɔi mɛ̨i, gəlee kaa a ka kɔ̨nɔ̨n, ŋą́ą́ yiliɠaai kəlee tɛɛ ka pɔ, yɛ pələi ŋį́ kala nwunŋąą kəlee tɛɛ la, gəlee kaa nwɔ̨nɔ̨ a ka wɔɔ.

Mąątɛ̨nɛ̨ 24:1

Davidə nwɔ Yálá mąątɛ̨nɛ̨ wələ. Yai-Laa nwɔɔ ɓaa, a lɔi da ɉu hɛn gɔwɠaa kəlee, nwɔɔ ɓaa, a yɛnɛ̨ɛ̨ da ɉu hee ɓo nuą!

Gɛlaɠaa 17:28

Hvo gaai: Yaa tii ɉu ɓə, gwa yɛnɛ̨ɛ̨ kɛ laa, guɔ gu tumun, guɔ nɔ̨ɔ̨; yɛ bələi ka wɔ mɛ̨nį kɔ́lɔn nuą taɠaa di bɛ̨ɛ̨ la, diɛ kɛ: Gu kaa a ɉuwu ta.»

Gɛlaɠaa 14:17

Ə mą kɛ ti, hvo kɛli kpɛla nwɔ mɛ̨inɛ̨ɛ̨ɠaa kɛi diɛ, hvo gaai, ə kɛli túlɔ́ kulɔ yələi yɛ pu ka mɛ̨i, yɛ nɔi ɲąąnɛ̨ɛ̨, əgɛ ɉihɛnŋaa diɛ lɛlɛ, yɛ ká pilɛ a kɔ̨nɔ̨n da kwəinɛ̨ɛ̨.»

Mąątɛ̨nɛ̨ 147:9

Yɛ kɔ̨nɔ̨n dɛɛ taatɛlɛɛɠaa pɔ, gwąą-gwąą lonnii da vɛli, a di kɔ́.

Mąątɛ̨nɛ̨ 136:25

A kɔ̨nɔ̨n dɛɛ nɔ̨ɔ̨-nɔ̨ɔ̨ hɛn gəlee pɔ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Maafîu 6:11

Háákələi kɔ̨nɔ̨n dɛɛ ku pɔ.

Zôo 36:31

Di hu ɓə a yɛnɛ̨ɛ̨ nuą kiti tee laa, yɛ kɔ̨nɔ̨n dɛɛ nuą pɔ kɛnɛ̨ɛ̨.

Zɛnɛse 2:16

Yili pulu, Yai-Laa ə nu liɛwoo kɛ, yɛ mą: «Nwuluɠaai kpɔ gaa ɓɛ ɲɛa, yá pɛli ə́ gəlee ta ɓa mį́i.

Timote dɔlɔɔ 6:17

Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Osia 2:8

Yili mąą mɛ̨nį ɓa, gáá pai ə́ wɔ pələɠaa pui a ɲąąlənŋaa, ŋį́ gala yili ɉu, ɛlɛɛ, hva kɛa ə́ tɛɛ pələ kaa.

Azaya 33:16

Mąą nu ɓə pai ɉeei hɔlɔɓoi yələi pələ, gaa pai mąąkilɛi kwɛni kpuwuluɠaa mɛ̨i, yiiɠaai di mąą tínɛ̨n ŋąą a hį́i; di kaa pai kɔ̨nɔ̨n dɛɛi bɔ, yá hvo pai kpɛɛi ɲəi.

Mąątɛ̨nɛ̨ 146:7

Nuąi daa hee di mɛ̨i a di wɔ tɛ̨ą ɓo, a kɔ̨nɔ̨n dɛɛ pulu lɛɠɛɠaa pɔ, Yai-Laa a gaho nąmįną lɛɛ di kpɔwɔ ɓa.

Mąątɛ̨nɛ̨ 115:16

Yələ kɔ́lɔn gaa a Yai-Laa nwɔɔ, lɔi nwɛi, ə dɛɛ nu kanŋaa pɔ.

Mąątɛ̨nɛ̨ 111:5

Nui a ɲɔw mą, a kɔ̨nɔ̨n dɛɛ mąą nu pɔ, nwɔ mįnɛ̨i kili kaa ɲą a yələ kəlee.

Timote dɔlɔɔ 4:3

Di pai tɔn dɔɔi hilɛtai mɛ̨nį ɓa, diɛ tɔn dɔɔ kɔ̨nɔ̨n daɠaa diɛ, ya pa, Yálá ə di pɛli, laa na nuąi álá kɔlɔn a neelee, da kɛli mįi, diɛ Yálá mąmąɓo.

Zɛnɛse 6:21

Kɔ̨nɔ̨n ɉuwu lɔpee da mį́i, gəlee ta həɠə, yili ə kɛ a ka diɛni ka kɔ̨nɔ̨n.»