Zɛnɛse 1:22 - Yálá laawoo hɛɓɛ (dc)

²² Yálá ə lúwɔ́ too diɛ, yɛ diɛ: «Nɔ̨ɔ̨-nɔ̨ɔ̨ hɛnŋąąi di kaa yái, di di kaa, di ɓuwuɓo, di gboloyá laahvɛɛ. Nwɛ̨niɠaa di di kaa, di ɓuwuɓo yələ kwəi.»

Yálá laawoo hɛɓɛ

²² Yálá ə lúwɔ́ too diɛ, yɛ diɛ: «Nɔ̨ɔ̨-nɔ̨ɔ̨ hɛnŋąąi di kaa yái, di di kaa, di ɓuwuɓo, di gboloyá laahvɛɛ. Nwɛ̨niɠaa di di kaa, di ɓuwuɓo yələ kwəi.»

Bible

²² Ɣâla è lûwa làa dîa ǹyɛɛ, “Ka ƃûu ƃó ká ǹyái láa fɛ́ɛ, ŋɔni-ŋai dí ƃûu ƃó.”

Zɛnɛse 1:22 Referans Kwoze

Zɛnɛse 8:17

Ɉuwɔɠaa da nwɛ̨niɠaai kpɔ kɛ ə́ pɔ gələn ɉu, gəlee kulɔ di hala lɔi mɛ̨i nąą kəlee, di di kaa, di huwu ə ɓɛlɛ.»

Mąątɛ̨nɛ̨ 107:38

Yálá ə lúwɔ́ too diɛ, di huwu hu ə ɓɛlɛ kpɔ kɛnɛ̨, ɛlɛɛ, Yálá hvo hvaa mą, di wɔ taatɛlɛɛɠaai hu hvo kala.

Zôo 40:15

Ə́ ɲɛ̨i hee tai yahə́lə́ ɓa, bələi lɔ ŋį́ bɛli la, bələ lɔ ɓə ŋį́ ə́ pɛli la. A kala mįi yɛ nįŋɛ̨,

Zɛnɛse 1:28

Yálá ə lúwɔ́ too diɛ, yɛ diɛ: «'Ka li, ka lon gaa, ka lɔi laahvɛɛ a ka lonnii, ka hee lɔi mɛ̨i, gboloyá hu huwɔɠaa mɛ̨i, ə mą kɛ, yələ kwəi nwɛ̨niɠaa mɛ̨i, da huwɔɠaa di kaa lɔi mɛ̨i.»

Zôo 42:12

Yai-Laa ə pənə ə lúwɔ́ too Ɉobə nwɔ yɛnɛ̨ɛ̨ ɓa, ə tɛɛ dɔlɔɔ ɓa. Ə ɓɛlaa waa pow kɔ́w nąąn ɉɔlɔɓo, ɲɔɔmɛɛ waa mɛ̨ida, Nįŋɛ̨ hilɛ da Nįŋɛ̨ haa waa hveelɛ, hoohvaalən ɉaa nwaa tɔ̨nɔ̨.

Zɛnɛse 9:1

Yálá ə lúwɔ́ too Noe da non ɉinąą diɛ, yɛ diɛ: «Ka ka káá, ka lɔi mɛ̨i laa hvɛɛ.

Hanwon 10:22

Yai-Laa nwɔ lúwɔ́ ɓə a nu kɛ a hɛn nąmu, nuą di wɔ huwalawalalaa hva hɛn dɛɛ di pɔ.

Mąątɛ̨nɛ̨ 128:3

Ə́ nɛ̨ą kaa yɛ ɓawulu lɛlɛɛ, ə́ yəi nwɔ̨n dinįi; ə́ lonnii di ɓo yɛ olivə wuluɠaa, di tinɛ̨nŋąą ə́ wɔ kɔwɔi ɓa kɛ-kɛ.

Mąątɛ̨nɛ̨ 107:31

Di Yai-Laa nwɔ kulɔ nwoo ɓa laa laa tɛ, ɛlɛɛ, kpalo mɛ̨nįɠaai ə gɛ nukanŋaa diɛ mąą mɛ̨nį ɓa.

Levetekɔ 26:9

Gáá pai ka kwəi nwun ɉi, kaa lon damąą hɔlɔɓo, gɛ́ nwɔ́ mįnɛ̨i laa hɔn mo gwa kaani gu lɔwai.

Zɛnɛse 35:11

Yálá yɛ nwɔ̨nɔ̨ Ɉakɔbə ɓa: «Ɲą́ą́ ɓə a Huwalawala Kəlee Nąmu Yálá, gáá ə́ kwəi nwun ɉii, ə́ huwu ə ɓɛlɛ, ə́ kaa pai kɛi a hį́i tamąą di nąn, tɔɔɓɛlaa da kulɔ ə́ huwuhu.

Zɛnɛse 30:30

Gɛɛ kɛ və́ pa, gbulu hu hvo kɛ kɛnɛ̨ li. Yii hu kɛa, ɉu aa kɛnɛ̨, Yai-Laa aa lúwɔ́ too yɛ́, mąąhɔlɔɓo, gáá ə́ yəi bɛlɛ́n. Yili ɓa, mąąnɛ̨ɛ̨ kɛa ɲą́ą́ gbɛli ŋį́ li ŋį́ kóló kɛ nwɔ́ pɛ́lɛ́i ɓa.»

Zɛnɛse 30:27

Laban ə nwoo ŋąąpənə, yɛ mą: «Ɉakɔbə, ə́ wəli tɔɔ kpɔ a nɛlɛɛ, nwɔ́ haliɠaai daa nɛ mą́ą́, diɛ: Yálá hvulu aa lúwɔ́ too ɲə́i hɛnŋąą diɛ, ə́ mąą mɛ̨nį ɓa.»

Zɛnɛse 1:21

Yálá ə yái hɛnŋaa kpɛa kpɛa pɛli, da yai huwɔɠaa, yiiɠaai da di ɓuwuɓo yai. Da nwɛ̨ni huwu tamąą, yiiɠaai da di ɓuwuɓo yələ kwəi. Yálá ə gaa, yɛ yili lɛlɛɛi.

Zɛnɛse 1:23

Yələwulii ə kɛ, yələwala ə kɛ, yili ɓə kɛ a voló nɔɔli.