Zɛnɛse 1:2 - Yálá laawoo hɛɓɛ (dc)

² Lɔi ə kɛ a gboloon, goloon və kɛ mą, yá yɛ ɓo nąą kəlee, kɛɛnąą kəlee tɛɠiɛ. Yálá nwɔ Kilii yɛ ɓo pɛlɛ́ni ɲáɠaa tii mɛ̨i.

Yálá laawoo hɛɓɛ

² Lɔi ə kɛ a gboloon, goloon və kɛ mą, yá yɛ ɓo nąą kəlee, kɛɛnąą kəlee tɛɠiɛ. Yálá-Nįį yɛ ɓo pɛlɛ́ni ɲáɠaa tii mɛ̨i.

Bible

² Ǹɔii è kɛ̀ a vólo, sɛŋ da fé kɛ́ ní ma. Zu è kɛ̀ a gbíniɛɛ, Ɣâla ŋɔmɔ̂leŋ pɛlɛɛ ǹyái mɛi.

Zɛnɛse 1:2 Referans Kwoze

Ɉeremi 4:23

Ŋą́ ɲɛ̨i hee lɔi mɛ̨i, ŋį́ yələi kaa, kɛɛ pɔ̨nɔ̨ hvo laa.

Mąątɛ̨nɛ̨ 104:30

Ya ə́ nɔ̨ɔ̨ too di hu, di di muhəɠə, Yɛ́ yɛnɛ̨ɛ̨ ɲɛ̨ilai mąąhvalin na.

Azaya 45:18

Gaa tii, bələ ɓə Yai-Laa ə mo la, yələkɔ́lɔn bɛlimun, yai a Yálá, ya ɓə lɔi kulɔ, ə bɛli, ə ɉee kpɔ tin-tin, tumun və mą, hvo nɛɛ a vowolo, Kɛlaa, ə bɛli, yɛ nuą di kɛ ɉu. Ɲą́ą́ ɓa a Yai-Laa, dakpɛli hvo laa.

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Zôo 26:7

Ya ɓə yələkɔlɔn ɉɛlɛn, ə lɔi kpalan naa ɓɛi hɛn da hvo kɛ laa.

Zôo 26:14

Akɛ gɛ koló pɛlɛɛ-pɛlɛɛɠaa lɔ ɓə ti, diɛi gwa di mɛ̨i pələ mɛ̨n nɔ tiikpə, gbɛɛ ɓə a pɛli gɛ mɛ̨nį kpɛa kpɛaa ŋąą kaai?

Nahumə 2:10

Ka nwali həɠə, ka ɉɛni həɠə, ɉɛn laa, kpɛɛ hvo mą; hɛn nɛlɛɛ huwu kəlee puɔi laa gee mɛ̨i.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Dutɛrɔnome 32:11

Gaa di mɛ̨i yɛ di hvaŋąlɔ, yɛ bələi Kuwɔ a kɛ goon ɉuhaŋą la nonnii mɛ̨i, Yɛ koon di nwun mɛ̨i. Yɛ di kpəŋə goon ɉu.

Zôo 38:9

Ɓɛlɔwai ŋį́ tulɔ kpinįn bɛlɛ la mɛ̨i a mąą həɠə, ɛlɛɛ gɛ́ nąnąąn gɛ a nwɔ doo gwąną həɠə.

Mąątɛ̨nɛ̨ 104:6

Ə gboloyá hiɛ mɛ̨i, ə gɛ a gwąną həɠə, yáɠaa di ɓo yeeɠaa mɛ̨i.

Mąątɛ̨nɛ̨ 136:6

Ə lɔi laa yáɠaa mɛ̨i a nwala walaa! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 148:7

Lɔi hu hɛnŋaa, 'ka Yálá mąątɛ̨nɛ̨, gbaatow-gbono da yái hɛnŋaa kəlee, 'ka mąątɛ̨nɛ̨.

Hanwon 8:24

Ɓɛlɔwai hɛn lɔpee ta hvo ni kɛ kɛli la, ŋį́ gbɛa kɛ laa, gɛɛ yátonŋaa di hvo kulɔ, ŋį́ gbɛa kɛ laa.

Azaya 31:5

Bələi lɔ nwɛ̨niɠaa da di koon naa ɓo la, bələ lɔ ɓə Yai-Laa Mɛ̨nį Kəlee ŋą Hééɓomun kaa pai Ɉerusalɛmə mąąkɔ̨nwɔ̨i la; gaa pai mąąkɔ̨nwɔ̨i yɛ gulɔ mɛ̨nįi, gaa pai mąąhvaalɛɛi, yɛ nwun mąąɓo.