Zɛnɛse 1:1 - Yálá laawoo hɛɓɛ (dc)

¹ Yálá ə gbɛa tɔlɔɔ yələkɔlɔn da lɔi di pɛli.

Yálá laawoo hɛɓɛ

¹ Yálá ə gbɛa tɔlɔɔ yələkɔlɔn da lɔi di pɛli.

Bible

¹ Gɔ́ɔ pîlanii Ɣâla è ŋ̀elei kpɛ̂tɛ da ǹɔii.

Zɛnɛse 1:1 Referans Kwoze

Hebreu 11:3

Laa na laa háálai ɓə, gu gɔlɔn na guɔ kɛ, Yálá ə yɛnɛ̨ɛ̨ pɛli a naa woo, hɛnŋaai kaa hvo kɛ diɛ, diɛ hvo kulɔ li, yiiɠaa kaa hvo diɛ, ɉu.

Azaya 45:18

Gaa tii, bələ ɓə Yai-Laa ə mo la, yələkɔ́lɔn bɛlimun, yai a Yálá, ya ɓə lɔi kulɔ, ə bɛli, ə ɉee kpɔ tin-tin, tumun və mą, hvo nɛɛ a vowolo, Kɛlaa, ə bɛli, yɛ nuą di kɛ ɉu. Ɲą́ą́ ɓa a Yai-Laa, dakpɛli hvo laa.

M̀ɛni-lɛɛi 4:11

«Oo! Ku Ną́mu, ku wɔɔ Yálá, yɛ́ ɓə ə́ mąąnɛ̨ɛ̨i ku, mąąwiɛlaa, kɛnɛ̨laa da hvaŋą laa kɛ yɛ́, mąąhɔlɔɓo, yɛ́ ɓə hɛn gəlee pɛli, Yɛ́ ɓə hvaa mą diɛ kɛ yɛnɛ̨ɛ̨, ɛlɛɛ diɛ yɛnɛ̨ɛ̨ kɛ.»

Hebreu 1:10

Ɛlɛɛ nwɔ̨nɔ̨, yɛ mą: «Yɛ́ ɓə wɔlɔ, a gɔwɔ tɔɔ yələ, Ną́mu, ə́ yɛnɛ̨ɛ̨ kɔwɔ hvilɛn, ɛlɛɛ, yələ kwəi hɛnŋąa kəlee kaa a ə́ yee pɔɔ.

Azaya 42:5

Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Lɛɛ gbɔwɔ ɓa 20:11

Mąąhɔlɔɓo, Yai-Laa ə yələkɔlɔn, lɔi, gboloyá, da ɉu hɛnŋąą kəlee pɛli hvóló mɛ̨ida yee mu, kɛlaa, ə vįitɔɔ a voló mɛ̨ihveelɛ yələ. Yili ɓə gɛ, Yai-Laa ə lúwɔ́ too vįitɔɔ yələi ti ɓa, ə gɛ a hvóló mąąhəɠɛɛ.

Zôo 38:4

Ə́ kɛ mįnɛ̨, ɓɛlɔwai ŋį́ kɛi lɔi kɔ́wɔ hvilɛn na? Ɉukulɔ mą́ą́, mąąhɔlɔɓo, yáá ə́ kpɔwɔ kɛ a mɛ̨nį kɔ́lɔnmun.

Gɛlaɠaa 17:24

Yálái yɛnɛ̨ɛ̨ bili-bili geemɛ̨i kəlee pɛli, da ɉu hɛnŋaa, yai a yələkɔlɔn da lɔi di Nąmu, hva hee pɛlɛ́i nu kan a dɔɔ a ɲee mu.

Piɛrə veelɛ 3:5

Yii da kɛ lɛ̨ąi mą, ya ɓaa: Yálá aa wɔlɔ yələkɔlɔn da lɔi di pɛli, a naa woo, ɉu aa kwɛa, lɔi ə kulɔ yai, di bɛli a ya.

Nehemi 9:6

Yálá! Yɛ́ ɓə ə́ kaa a Yai-Laa yɛ́ tɔ̨nɔ̨! Yɛ́ ɓə yələkɔlɔn bɛli da yələkɔlɔn mɛ̨i yələkɔlɔn, da di wɔ kɔlaɠaɠaa kəlee. Lɔi da di ɉu hɛnŋąą kəlee; gboloyá da ɉu hɛnŋąą kəlee, yɛ́ ɓə ya yɛnɛ̨ɛ̨ kpɛɛ hvo mą tɛɛ gəlee pɔ, ə lɛɛ, yələkɔlɔn ɉu, kɔlaɠai gaa laa, da pɛlɛ ə́ kɔ́wɔ mu.

Azaya 44:24

Mɛ̨nįi Yai-Laai ə́ nwun mąąɓo, gaa moi ya ka: a yai tii ə́ mąąkwɛli, ə́ ɓo nii ə́ lee kwəi, yɛ kɛ yɛ́: Ɲą́ą́ ɓə gáá a Yai-Laa, yai hɛn gəlee pɛli; ɲą́ą́ danɔ̨n gbən mə yələ kɔ́lɔn ɉuhvólóon, ŋį́ lɔi laa, gbɛɛ kpɔ ɓə kpɔmąą tɛɛ bɔ́?

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Ɉeremi 51:15

Ya ɓə lɔi pɛli a nwɔ huwalawala, ə yɛnɛ̨ɛ̨ hee kpəlin na kɛ a kilikɛɲəi, ə yələkɔ́lɔn ɉu lɛan a nwɔ mɛ̨nį kɔ́lɔnŋąą,

Mąątɛ̨nɛ̨ 33:9

A mɛ̨nį ɓo lɔ, bɔ mɛ̨nį ə kɛ, ə kɛ lɔ diɛ: «'Ka kɛ», gəlee daa mą kɛ.

Hanwon 3:19

Yai-Laa ə lɔi pɛli a kili, ə yələkɔlɔn bɛli a nwu gə ɉu laa.

M̀ɛni-lɛɛi 14:7

Ə kɛli mo a nwoo kɛnɛ̨ yɛ kɛ mą: «'Ká ɲɔw Yálá ɓa, ɛlɛɛ, 'ká mąąwiɛ, mąąhɔlɔɓo, ŋą kuui aa həli, ŋą kitii tee ɲələ aa həli. 'Ká gwɛli hvilɛn yələkɔlɔn da lɔi, gboloyá da yá nwun gulɔiɠaa di pɛlimun ma.»

Mąątɛ̨nɛ̨ 115:15

Yai-Laa ə lúwɔ́ kɛ kaa, Yai yələ kɔ́lɔn da lɔi di pɛli.

Gɛlaɠaa 14:15

«Kué! Gbɛɛ nuą ɓəi! Lə ɓə ŋɛ̨i ka káá gɛi? Nuą lɔ ɓaa a kuɔ, ku kɛ pələ ə ɓo lɔ yɛ káá! Nwɛlɛɛ lɛlɛɛi ku pa moi káái, ya ɓaa, 'ká ká yee kulɔ mowo mɛ̨nįɠaa ŋɛ̨i hu, ka ká ɲɛ̨i tínɛ̨n Yálá hvulúmąą pɔ pələ, yai yələkɔlɔn, lɔi da gboloyá da di hu hɛnŋąa kəlee pɛli.

Mąątɛ̨nɛ̨ 136:5

Ə yələ kɔ́lɔn gɛ a kili kɛ ɲəi laa kɛ̨nɛ̨! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Ɉeremi 10:12

Yai-Laa ɓə nwɔ huwalawala lɛ lɔi pɛli mɛ̨nį hu, ə́ yɛnɛ̨ɛ̨ hee kpəlin na kɛ a kili, ə́ yələkɔlɔn ɉu hvólóon a nwɔ mɛ̨nį kɔ́lɔn ŋąą.

Korɛntə dɔlɔɔ 8:6

gu wɛi Yálá tanɔ̨n gbən mə gu yəi, a gu Nąn, yai hɛn gəlee a həɠə bɔ, bɔ pələ lɔ ɓə nwɔ̨nɔ̨ gu kaa lii la, ɛlɛɛ, gu Nąmu ə ɓo tanɔ̨n, yai a Jesus Kristə; yai hɛn gəlee kaa yɛnɛ̨ɛ̨ ɉaalai, guɔ ɓo ɲee kɔnma.

Mąątɛ̨nɛ̨ 8:3

Lɛapɛlɛɛ, da ɲįnį kpələ lɛapɛlɛɛ woo ɓə, yá gɛ a hįį kpoloon, yɛ́ tɔɔ la ə́ kɔ́yɔwɔɠaa la; yɛ́ ə́ yowo da kálápiliɠaa laakpulu.

Mąątɛ̨nɛ̨ 102:25

Yili ɓə gɛ, gɛ́ kɛ mą: Nwɔ́ Yálá, ŋį́ kɛ Yɛ́: 'Hvó nwɔ́ yɛnɛ̨ɛ̨ lɛɛ ɉamąi, hvó ɉə́ɠə́!

Hebreu 3:4

Pɛlɛ́ lɔpee gəlee, dɔɔ mun gaa mą, ɛlɛɛ, hɛn gəlee pɛlimun maa a Yálá.

Mąątɛ̨nɛ̨ 124:8

Yai-Laa laa ɓə a ku mąąkɔnwɔ Yai yələkɔlɔn da lɔi di pɛli.

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

Hanwon 16:4

Yai-Laa ə mɛ̨nį kəlee kɛ mɛ̨nį nwun gɛ mą. Ə mą kɛ, nwąnąlɔmun mə, ə bɛli mąąwɛli yələ mąą mɛ̨nį ɓa.

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Mąątɛ̨nɛ̨ 121:2

Nwɔ́ kpɔnmąą a həɠə Yai-Laa pɔ, Yai yələkɔlɔn da lɔi di pɛli.

Zakari 12:1

Mɛ̨nįi Yai-Laa ə mo Israɛlə ɓa, 'mo a lolo. Yai-Laa woo ka; yai yələ kɔ́lɔn bɛli, ə lɔi laa, ə kili tɛɛ nu pɔ; yɛ:

Azaya 40:28

Gbaɠala hvo mɔ̨ɔ̨ yɛ́, ɛlɛɛ, hvo ta mɛ̨n ni diɛ kɛ diɛ: Yai-Laa ɓə yələ kəlee Yálá? Ya ɓə lɔi piliɛ gee mɛ̨i pɛli, vii hva kpɛɛ, vaŋą ta hva kulɔ mą; nu hva pɛli nwɔ kili kɛ ɲəi laa kɔ́lɔn ɉii.

Mąątɛ̨nɛ̨ 104:24

Yái-Laa! Ə́ kɛ kóloɠaa tamąą ɓə tai! Ə́ gəlee kɛ a kiliŋąlaa kɛnɛ̨, lɔi laahvɛɛi a ə́ wɔ pɛli hɛnŋąąi.

Mąątɛ̨nɛ̨ 96:5

Nu huwuɠaa di wɔ yáláɠaa kaa lɔ a hvąŋą kpɛli kpɛli! Kɛlaa, Yai-Laa ɓə yələ kɔ́lɔn bɛli.

M̀ɛni-lɛɛi 10:6

ə gwɛla, a Nui gaa a húlu ɲɛ̨n deei hvo mą, naa, yai yələkɔlɔn da ɉu hɛnŋaa pɛli, lɔi da ɉu hɛnŋaa, gboloyá da ɉu hɛnŋaa; yɛ diɛ: guu hvo kɛa mą.

Lomaŋ 11:36

Gbala ə tɔɔ, hɛn gəlee a həɠə ɲee ɲą, ya ɓə gəlee pɛli, gəlee ə ɓo a nwɔɔ. Mąąwiɛ ə kɛ mą a yələ kəlee, kɛi a mo tii Yálá ə kɛ! Mįiną.

Gɛlaɠaa 4:24

Ɓɛlɔwai di mɛ̨nįi ti mɛ̨n na, di kəlee di bɛlɛ gee ɓa, di Yálá hvɛli diɛ mą: «Hɛn gəlee pɛli mun Yálá! Yɛ́ ɓə yələkɔlɔn da lɔi di pɛli, ə mą kɛ, gboloyá, da ɉu hɛnŋąa kəlee.

Mąątɛ̨nɛ̨ 90:2

Gɛɛ hvó yeeɠaa tɔɔ, hvó lɔi kpalan naa, da yɛnɛ̨ɛ̨ bili-pili gee mɛ̨i, wɔ́lɔ́ wɔ́lɔ́ ɓa, wɔlɔ-wɔlɔ ɓa, Yɛ́ lɔ ɓə ɓaa a Yálá.

Azaya 51:16

Ŋą́ nwóóɠaa pu ə́ la, ŋį́ ə́ mąąkɔ̨nwɔ̨ ɲéé nįnįn mu, gɛ́ yələkɔlɔn naa, gɛ́ lɔi hvilɛn, ɛlɛɛ, gɛ́ kɛ Siɔn ɓai: «Nwɔ́ nu huwu ɓaa yɛ́.»

Azaya 37:16

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ́i heenin mąąkpɛ malakaɠaa lɔwai, yɛ́ tanɔ̨n gbən ɓə ɓaa a yɛnɛ̨ɛ̨ tɔɔlaaɠaa kəlee di wɔ Yálá, yɛ́ ɓə yələ kɔ́lɔn da lɔi di pəli.

Mąątɛ̨nɛ̨ 146:6

Ya ɓə Yələ kɔ́lɔn da lɔi di pɛli, gboloyá, da di hu hɛnŋąą kəlee, ə ɓo lɔ yələ kəlee, a tɛ̨ą mąąkɔ̨nwɔ̨ mun.

Mąątɛ̨nɛ̨ 134:3

Siɔn, Yai-Laa ŋɛ̨i yələkɔlɔn da lɔi di pɛli, ə lúwɔ́ too yɛ́!

M̀ɛni-lɛɛi 22:13

Ɲą́ą́ ɓə a Alfa, ɛlɛɛ, Omega, dɔlɔɔ da gbɛla mąą, gɔwɔ tɔɔi, da naa kulɔi.»

Zɔ̂ŋ Maa-ŋuŋ 1:1

Yii wɔlɔ kɛ laa a gɔwɔ tɔɔ yələ yai ku mɛ̨n, yai ku gaa a ku ɲɛ̨i kɔw, yai ku mąąkpɛɛ, ɛlɛɛ, ku yee ə tunwɔ̨n mą, yai a Wooi a yɛnɛ̨ɛ̨ tɛɛ,

Markə 13:19

Ə həɠə yɛnɛ̨ɛ̨ pɛli hvóló ɓa ə həli la volói tii ɓa, nuą da mɔ̨nɔ̨ mį́i a nɔwai tii, yii ɲɔ̨nwɔ̨mą hvo ta kɛ li, əlɛɛ, ɲɔ̨nwɔ̨mą hvo pai kɛa kɛi.

Azaya 40:26

'Ka ka ɲɛ̨i muhəɠə kpɔ ɲələi pələ, ka nąą kaa, gbɛɛ ɓə ɉɛnŋąąi tii pɛli? Ya ɓə di kpulu kəlee ɲąąkpɔn, yɛ di tɛi tɛi di təli a di laa, vaŋą kɛnɛ̨ pələ, ɉuwala wala pələ, ɉɛnŋąąi tii ta lɔpee hvo lɛɛ pulu.

Mąątɛ̨nɛ̨ 104:30

Ya ə́ nɔ̨ɔ̨ too di hu, di di muhəɠə, Yɛ́ yɛnɛ̨ɛ̨ ɲɛ̨ilai mąąhvalin na.

Kɔlɔnikɔ Maa-ŋuŋ 16:26

Hɛn kpɔ nu kanŋaa da kwɛlihvilɛn mą, gəlee kaa a kpɛli-kpɛli. Yai-Laa ɓə yələkɔlɔn bɛli.

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.

Ifisiɛŋ 3:9

Ɛlɛɛ, mɛ̨nį loɔi, yɛnɛ̨ɛ̨ kəlee piliɛ geemɛ̨i pɛlimun Yálá, ə noo la gwəi ə həɠə la wɔlɔ-wɔlɔ ɓa; bələi ə mɛ̨nįi tii ɲɛ̨i kulɔ la, gɛ́ nwɔ̨nɔ̨ yili mąą pono.

Azaya 51:13

Yɛ́ lia ə́ pɛli mun Yai-Laa ɓa, yai yələkɔlɔn bɛli, yɛ lɔi laa, ə́ mąą yɛ kpɛlin nɔ a yələ kəlee ə́ mɔ̨nɔ̨ ɓomun dɔwɔ, yɛ a kɛi pa lamui gɛɛ kalaa tii hu? A kɛ tii, ə́ mɔ̨nɔ̨ ɓomun nwɔ liiholii tii kaa mį?

Azaya 65:17

Yii hu kɛa, gáá pai yələ kɔ́lɔn ninɛ̨ pɛlii, ɛlɛɛ da lɔi ninɛ̨. A kɛ tii, mɛ̨nįɠaai daa tɛɛ, di kili hva kɛa too nu ta ɲą, di hva mu kpɛli kɛa pa nu kili pɔ.

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ:

Zôo 26:13

Naa hvaŋą a yələ kwəi pɔ̨nɔ̨, Ɲįnɛ̨n gaa pɔ ə tɛɛ a gilɛ, ɲee yɛ ɓɔ ɉu.

Ikilisiati 12:1

Yɛ́i ŋɛ̨i a nunwunu! Ə́ nwunu yələi tii, 'hvó lɛ̨ą ə́ pɛli Yálá ɓa. Gɛɛ ə́ pɔlɔ yələ hvo kɛ həli mą, gɛɛ hvó pa kɛ diɛ: «Yɛnɛ̨ɛ̨ kun aa hee ɉú!» Ə́ kili lɛɛ ə́ pɛli Yálá hu.

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Lɛɛ gbɔwɔ ɓa 31:18

Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.

Zôo 9:8

Yaa tɔ́nɔ̨ ɓə yələkɔlɔn bɛli, yɛ hiɛ gboloyá mɛ̨i.

Azaya 40:21

Ka hvo yili kpaɠala kɔ́lɔn, ka hvo ta bələ mɛ̨n ni, di hvo ɉukulɔ kaa a gɔwɔ tɔɔ yələ, ka hvo nii lɔi kɔ́wɔ hvilɛn ɉɛnŋąą kaa li?

Tɔɔɓɛlaa veelɛ 19:15

Ə nwoo tɛ Yai-Laa ɓa, yɛ mą: «Yai-Laa, Israɛlə nwɔ Yálá, yɛ́i ə́ kaa heeni mąąkpɛ malakaɠaa nwun mɛ̨i, yɛ́ ɓə a lɔi kəlee nwɔ Yálá tɔ̨nɔ̨, yɛ́ ɓə yələkɔlɔn da lɔi di pɛli.

Kɔlɔnikɔ Veerɛi 2:11

Gáá Yai-Laa Israɛlə nwɔ Yálái hɛɠɛɛɓoi, yai yələ kɔ́lɔn da lɔ di pɛli, yai aa lon ɉulɔnu kilimąą tɛɛ tɔɔmun Davidə pɔ, giliŋąlaa, yɛ ɉiɛ pələ yɛlɛ kɛ, yɛ ɓo a mɛ̨nį kɔ́lɔnmun; yai gaa pɛlɛ tɔɔi Yai-Laa ɓa, yɛ tɔɔ pɛlɛ́ tɔɔ gbɔwɔ ɓa.

Mąątɛ̨nɛ̨ 8:4

Ŋą́ ɲɛ̨́i hee yələ kɔlɔn ma, yai ə́ bɛli a Ə́ yee, Ə́ ɲąnįn da pɛmɛ̨lɛ̨n-gɔwɠaa, hɛlɛn ma;