Zasua 9:18 - Yálá laawoo hɛɓɛ (dc)

¹⁸ Israɛlə lonnii di hvo di paa, mąąhɔlɔɓo nu kpulu ɲɛ̨itɔwɔ nuą daa gbɛa kɛ di kwɛla a Yai-Laa, Israɛlə nwɔ Yálái laa. Kɛlaa, nuą kəlee di kɛi di ɲɛ̨itɔwɔ nuą laa ɓo.

Yálá laawoo hɛɓɛ

¹⁸ Israɛlə lonnii di hvo di paa, mąąhɔlɔɓo nu kpulu ɲɛ̨itɔwɔ nuą daa gbɛa kɛ di kwɛla a Yai-Laa, Israɛlə nwɔ Yálái laa. Kɛlaa, nuą kəlee di kɛi di ɲɛ̨itɔwɔ nuą laa ɓo.

Bible

¹⁸ Kɛ́lɛ Eezuɛ-ŋai dífe Giƃiyɔŋ-ŋai pàa ni, kpɛ́ni fêi, Eezuɛ láa túɛ-ƃelai dí dífòo Giƃiyɔŋ-ŋai yêei a Eezuɛ-ŋai Díɣâlai Yâwɛɛ láa a gɛ́ɛ dífe pâi dípaâi. Nya ƃe Eezuɛ-ŋai dí dílii ŋwàna dílaa túɛ-ƃelai dîa.

Zasua 9:18 Referans Kwoze

Mąątɛ̨nɛ̨ 15:4

Ɲɛ̨i mu, mąąnɛ̨ɛ̨ di tɛɠɛɓo nɛ̨ŋɛ̨n ɉəɠəmun ɉu. Kɛlaa, nuąi da ɲɔw Yai-Laa ɓa, a di mąąwiɛ, ə mą kɛ, aa gwɛla a ɲee lɛɛ pələ ɉu, hva nwoo lɛɛ.

Ikilisiati 9:2

Hɛn gəlee ŋąąkpɛɛi kaa tanɔ̨n: tələnmomun da nwąnąlɔmun di ŋąąkpɛɛi kaa tanɔ̨n. Nɛlɛɛ da ɲɔ̨nwɔ̨ɔ̨ di ŋąąkpɛɛi kaa tanɔ̨n. Nui a ɲɔw Yálá ɓa, da nui hva ɲɔw Yálá ɓa, di ŋąąkpɛɛi kaa tanɔ̨n. Bələ lɔ ɓə gaa la, nui a Yálá kɔ, da nui hva Yálá kɔ di lɔwai, ə mą kɛ, mɛ̨nį lɛlɛɛ kɛmun da, nɛ̨ŋɛ̨n ɉəɠəmun di lɔwai, nui a hɛn naakwɛlanmo Yálá ɓa, da nui hva hɛn da laakwɛlanmo Yálá ɓa, di lɔwai.

Ikilisiati 5:6

Gwa hįi tamąą kaa, gwa hvaa tamąą nwun və mą, Kɛlaa, kilimąą mun, ə́ wɛi, ɲɔw Yálá ɓa.

Ikilisiati 5:2

Mąąhɔlɔɓo, nu a kɛi hvaa tamąą, a da ɓo, yii hvo giliŋąhiɛ li mą, ɛlɛɛ, bələi lɔ, liihɛlɛn a kɛnɛ̨ la nu ɓa, bələ lɔ ɓə ya hįi ɲɔ̨nwɔ̨ɔ̨ɠaa kaa la.

Samia Veerɛi 21:7

Kɛlaa, tɔɔmun ə Ɉonatan lon ɉulɔnu Mefibosɛtə, yai kɛ a Saulə mąnįn, ə naa kulɔ ɉu; mįnɛ̨i wɔlɔ Davidə da Ɉonatan di ɉəɠə mąą mɛ̨nį ɓa.

Zasua 9:17

Israɛlə lonnii dəli hvóló haaɓa kulaa ɉu, di lɔ di wɔ taa kpɛa kpɛaɠaai hu, diɛ kɛ a Gabaɔn, Kefira, Beerotə da Kiriatə-Yearimə.

Zasua 9:19

Ɲɛ̨itɔwɔ nuą diɛ nu kpɔn gəlee ɓa: «Ku ku kwɛla diɛ a Yai-Laa, Israɛlə nwɔ Yálá laa; gu hva kɛa pɛli mɛ̨nį ɲɔ̨nwɔ̨ɔ̨ kɛi a diɛ.

Lonon mo 30:3

Hulɔnu ta a nwoo kwɛlɛ Yai-Laa ɓa, a wala kɛ tii ə gbɔwɔ kanąn a gwɛla woo, mąą hvo nɛ̨ɛ̨li hvo nwoo kala. Nwooi kulɔ na, mąąnɛ̨ɛ̨ ə bɔ mɛ̨nį kɛ.

Dutɛrɔnome 23:22

Ka hɛn da laakwɛlanmo Yai-Laa ka wɔ Yálái ɓa, ɉu hvo kwɛa, ka mąą mɛ̨nį kɛ. Ka wala gɛ tii, Yai-Laa ka wɔ Yálái kaa pai gwələ kpɛi kaa. Yili a nəi kɛ kaa a nɛ̨ŋɛ̨n.

Dutɛrɔnome 23:23

Kɛlaa, ka wala gɛ ka hvo hɛn da laakwɛlanmo a ka woo kwɛlɛɛ, nɛ̨ŋɛ̨n va kɛ kaa.

Dutɛrɔnome 23:24

Mɛ̨nįi a kulɔ ka la, ka tɔɔ a ka nwąnąi ka gɛ. Mɛ̨nįi ka lɛɛ ka kpɔɔ ɓa ka naakwɛlanmo, Yai-Laa ka wɔ Yálái ɓa, yɛ kulɔ ka la, ka gɛ.