Zasua 8:35 - Yálá laawoo hɛɓɛ (dc)

³⁵ Mɛ̨nįɠaa kpɔ Moisə ə bɛ̨ɛ̨ dɔ́n ɉɛɓɛ́ hu, dɔ̨nɔ̨ kpɛli hvo lɛɛ pulu, yii Ɉosue hvo kɛ mo li Israɛlə nu huwu ɓa, nɛ̨ą da ɉinąą, lɛapɛlɛɛ da nwɛ̨ąą mąn, nu kəlee ə mɛ̨n.

Yálá laawoo hɛɓɛ

³⁵ Mɛ̨nįɠaa kpɔ Moisə ə bɛ̨ɛ̨ dɔ́n ɉɛɓɛ́ hu, dɔ̨nɔ̨ kpɛli hvo lɛɛ pulu, yii Ɉosue hvo kɛ mo li Israɛlə nu huwu ɓa, nɛ̨ą da ɉinąą, lɛapɛlɛɛ da nwɛ̨ąą mąn, nu kəlee ə mɛ̨n.

Bible

³⁵ Zasua è Mose ŋɔtɔ̂ŋ-ŋai kélee lòno Eezuɛ-ŋai kélee dîɛ, ǹɛyâai da ǹîa-pɛlɛɛi da ŋɔ̃ya-ŋai kɛ̀ dísamai.

Zasua 8:35 Referans Kwoze

Dutɛrɔnome 31:12

Ka nuą kəlee ɲąąkpɔn, hulɔnu mąn, nɛ̨ɛ̨nu mąn, lokolo mąn, ə mą kɛ, nwɛ̨ąi di kaa ka kɔ́wɔ mɛ̨i ka wɔ taaɠaa hu, ə gɛ, di mɛ̨nį ta mąąkwɛli bɔ, diɛ ɲɔw la Yai-Laa ka wɔ Yálái ɓa; di dɔ́n nwooɠaa ŋɛ̨i kəlee pɔ mɛ̨nį kɛ.

Nehemi 8:2

Ɉaláá laa həli mun Ɛsdrasə ə pa a dɔ́n ɉɛɓɛ́ nu kpɔn gəlee ɲɛ̨i ɓa; hinąą mąn, nɛ̨ąą mąn, ə mą kɛ nui lɔpee a mɛ̨nį hukpɛ, di kəlee di kɛ laa, ɲąnįn mɛ̨ihveelɛ naa nwɔ dɔlɔɔ tɔlɔɔ li kɛ.

Ɉeremi 26:2

Yai-Laa woo ka, yɛ mą: «'Li ə́ tɔɔ Yai-Laa nwɔ pɛlɛ́i gwəli hąąi, nwooɠaai kpɔ ŋą́ ə́ tí la, ə́ gəlee ɓo, yɛ hvilɛn na Ɉuda taɠaa hu, nuą kəlee diɛ, diɛi tii da pa Yai-Laa yəi bɛlɛ́n diɛ kwɛli hvilɛn mą, gəlee ɓo diɛ, hvə da lɔpee kulɔ ɉu.

Gɛlaɠaa 21:5

Nɔwɔ tɔ̨nɔ̨i ti tɛɛ pulu, ku kuɔ hiɛi kɔ́wɔ tɔɔ, galan nɛai ti da di nɛ̨ąni ə lɛɛ da di lonnii, di pa di ku tɔɔ pələi daa kpala. Kwa diɛni ku pu ku kpəlin na laa ɲá kwɛlɛ, ku Yálá hvɛli.

Markə 10:14

Yii kɛa Jesus ə ɓɛ li kaa tii, yili ə nwąną kpɔ mą kɛnɛ̨, ə mo nwɔ kalan nɛ̨ąi diɛ, yɛ diɛ: «Ka lɛapɛlɛɛ lɛɛ laa di pa bɔ́. Ka hvo kpɛ̨ąn di tɔwɔ. Mąąhɔlɔɓo, nuąi di kɛ pələ kaa yɛ nɛapɛlɛɛ ŋɛ̨i, diɛ ɓə Yálá-taa tɔɔlaa kaa a di wɔɔ.

Zooɛ 2:16

Ka nu kəlee ɲąąkpɔn, ka ɲąąkpɔn mąąhəɠɛɛ too ka ka ɲąąkpɔn, ka nɛapɛlɛɛɠaa təli, ə mą kɛ ɲįnį kpələ lɛapɛlɛɛɠaa. Hulɔnon aa nɛ̨ą həɠə a nįnɛ̨ ə kulɔ ɲəi bɛlɛ́n, nɛ̨ą həɠɛɛ nįnɛ̨ ə kulɔ ɲíi pɛlɛ́ mu.

Ɛsdrasə 10:1

Ɓɛlɔwai Ɛsdrasə ə kɛi Yálá hvɛli la, yɛ hvaa gɛ nɛ̨ŋɛ̨nŋąą diɛ, yɛ wɔlɔ Yálá nwɔ pɛ́lɛ́i laaləi, Israɛlə nu kpulu kɛnɛ̨, hinąą mąn, nɛ̨ąą mąn da nɛapɛlɛɛ di di ŋąąkpɔn gwɛlɛ. Mąąhɔlɔɓo, nɔi lonnii di kɛi ɲɛ̨iya wɔlɔ kpɔ-kpɔɔ ɓo.

Dutɛrɔnome 29:11

Ka kəlee ka káá ɓɛ, kaa pa ka Yai-Laa ka wɔ Yálái, ka diɛni ka wɔ mįnɛ̨i hu nwun ɉii. Di kaa naa həlii a lolo woo diɛ di kwɛla; mįnɛ̨i ŋɛ̨i Yai-Laa ka wɔ Yálái kaa naai ka diɛni ka lɔwai.

Gɛlaɠaa 20:27

Gbala ə tɔɔ, ŋį́ Yálá nwɔ mɛ̨nį pɛliɛ kəlee lɛ kaa, və́ dɔ̨nɔ̨ kpɛli loo li kaa.

Dutɛrɔnome 4:2

Dɔnŋąą ŋɛ̨i gáá dɛɛi ka pɔ, mąą hvo nɛ̨ɛ̨li ka hvo da kulɔ mą, ka hvo da pɛlɛ mą. Ka Yai-Laa ka wɔ Yálái nwɔ tɔ́nŋąą hon yai gáá dɛɛi ka pɔ.

Lɛɛ gbɔwɔ ɓa 12:38

Nu huwu tamąą di lɛɛ di pɔ, da diɛni diɛ li, da taatɛlɛɛ kpulu kɛnɛ̨.

Zakari 8:23

Yai-Laa Mɛ̨nį Kəlee ŋą Hééɓomun, woo ka, yɛ diɛ: Mąą yələɠaai tii, hį́i wooi kpɔ nu kanŋaa da mo, ɉu hinąą pow, da yili Ɉuifə tɔ̨nɔ̨ ɓa, di ɉon a ɉəɠə wəli, diɛ kɛ mą: «Ku kaa bɔ gwa kaani gwə li, mąąhɔlɔɓo, kwaa bələ mąn, diɛ Yálá kaa ka pɔ.»

Dutɛrɔnome 29:9

«Kaa háákələi ka ɲąąkpɔn Yai-Laa ka wɔ Yálái lííla, ka huwuɠaa ɲɛ̨i tɔwɔ nuą, ka wɔ kalanɉonŋąą da nɔi nuą mɛ̨i kaa nuą; Israɛlə lonnii kəlee, kaa ka.

Dutɛrɔnome 29:10

Ka ka lonnii, ka nɛ̨ani, ka mąą nwɛ̨ąi heeni ka kɔ́wɔ mɛ̨i, ka wɔ taaɠaai hu, diɛ ka wɔ kwɛi kwɛli, diɛ ka wɔ yá haɠa.

Nehemi 8:3

Ə ɉɛɓɛ́ hu woo ɓo gwəli hąą, ɲai pələ nwun na, ə həɠə yələwala pɔ ɓa, ə lɛɛ la ɉu hvóló ə haŋą. Ɉinąą mąn, nɛ̨ąą mąn, da nuąi da mɛ̨nį hukpɛ di ɲɛ̨i ɓa. Nɔi lonnii kəlee wəli tɔɔi kɛ ɉɛɓɛ́ hu woo ɓa.