Zasua 8:22 - Yálá laawoo hɛɓɛ (dc)

²² Israɛlə nuą tii nwɔ̨n nɔ Ai daai, di pənə kɛa diɛ pa Ai nuą laakwiɛn ɉii a kɔ́. Ai nuą di lɛɛ gbulu hveelɛi tii lɔwai. Israɛlə nuą di tínɛ̨n diɛ, di Ai nuą paa kpɔ di hvo dɔ̨nɔ̨ kpɛli lɛɛ a vulú, dɔ̨nɔ̨ kpɛli hvo kulɔ a di yee wolo.

Yálá laawoo hɛɓɛ

²² Israɛlə nuą tii nwɔ̨n nɔ Ai daai, di pənə kɛa diɛ pa Ai nuą laakwiɛn ɉii a kɔ́. Ai nuą di lɛɛ gbulu hveelɛi tii lɔwai. Israɛlə nuą di tínɛ̨n diɛ, di Ai nuą paa kpɔ di hvo dɔ̨nɔ̨ kpɛli lɛɛ a vulú, dɔ̨nɔ̨ kpɛli hvo kulɔ a di yee wolo.

Bible

²² Zasua ŋɔkɔ kuluƃa-ŋai kɛ̀ daai sui, dí pɛ̀lɛ Eea kɔ-kuluƃa-ŋai kpɛ̂i. Eea kɔ-kuluƃa-ŋai dí gàa a gɛ́ɛ díkaa Zasua ŋɔkɔ kuluƃa-ŋai kpulu feerɛi loai. Nya ƃe Zasua ŋɔkɔ kuluƃa-ŋai dí díkelee dípàa. Dítɔnɔ kpîŋ fé lɛ̀ɛ fé lɛ̀ɛ ní.

Zasua 8:22 Referans Kwoze

Dutɛrɔnome 7:2

ɲələi Yai-Laa ka wɔ Yálái kaa pai di lɔi la ka yee ŋą, kaa di hon kɔ́ hu, mąąnɛ̨ɛ̨ ka gəlee paa kpɔ tɛ̨ɛ̨tɛ̨ɛ̨. Ka diɛni ka hvo wɛlikɛmąą mįnɛ̨ həɠə, ka hvo di ɲɛ̨imąąwɛli kaa.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Zôo 20:5

nu ɲɔ̨nwɔ̨ɔ̨ɠaa di wɔ yeetɛɛmąą laa kaa lɔ a hvóló tɔ́nɔ̨ mɛ̨nį, mɛ̨nį ɲɔ̨n gɛ nuą di wɔ kwəinɛ̨ɛ̨ kaa lɔ a gbuɔ.

Zasua 10:28

Voló tɔ̨nɔ̨i tii yeemu, Ɉosue ə lɔ Makeda daai, ə ɉu nuą kɛ a kɔ́ kɔ́ ɓɔwa kɔ̨nɔ̨n, ə mą kɛ nąą tɔɔmun; ə di kəlee di paa kpɔ tɛ̨ɛ̨tɛ̨ɛ̨, hvo hɛn da lɔpee lɛɛ a vulúmąą, ə mą kɛ nu tɔ̨nɔ̨ ɓə, hvo nɛɛ laa a vulú; ə Makeda tɔɔmun ɉon, yɛ bələi ə Ɉeriko tɔɔmun ɉon na.

Zasua 6:21

Hɛnŋąą kpɔ kɛ daai, di gəlee hu kala kpɔ tɛ̨ɛ̨tɛ̨ɛ̨?: Ɉinąą mąn, nɛ̨ąą mąn, nu nwunuɠaa, ə mą kɛ, nu pɔlɔ pɔlɔɠaa, Nįŋɛ̨, ɓɛlaa, ɉoohvaalənŋąą, di gəlee paa.

Zasua 8:8

Ka yee a pɛli daa ɓa, ka nwɔ̨n bili daai, ka gɛ kpɔlɔɔ yɛ bələi Yai-Laa ə mo la. Yili ɓə gáá ka tí la.»

Zasua 8:21

Ɉosue da Israɛlə nuą, yii kɛa di gaa, diɛ kɛ di ɓɛlaai kɛ di loo pələi daa Ai taa hon, ə lɛɛ, daa kələn nwɔ̨n nulu yɛ tɛ, di tínɛ̨n di wolo Ai nuą diɛ, diɛ di paa.

Zasua 8:23

Yii ɓaa Ai tɔɔmun nwɛi, di ɉon a vulú di paa la Ɉosue pɔ.