Zasua 8:18 - Yálá laawoo hɛɓɛ (dc)

¹⁸ Yai-La yɛ Ɉosue ɓa: «Tínɛ̨n, gbalai ŋɛ̨i ə́ yəi, ə́ ɲɛ̨i hee Ai taa ɓa, mąąhɔlɔɓo, ŋą́ą́ daa kwɛlɛ yɛ́.» Ɉosue ə tínɛ̨n ə nwɔ kpalai ɲɛ̨i hee Ai taa ɓa.

Yálá laawoo hɛɓɛ

¹⁸ Yai-La yɛ Ɉosue ɓa: «Tínɛ̨n, gbalai ŋɛ̨i ə́ yəi, ə́ ɲɛ̨i hee Ai taa ɓa, mąąhɔlɔɓo, ŋą́ą́ daa kwɛlɛ yɛ́.» Ɉosue ə tínɛ̨n ə nwɔ kpalai ɲɛ̨i hee Ai taa ɓa.

Bible

¹⁸ Gɛ́ɛ tíi, Yâwɛɛ è mò Zasua ma ǹyɛɛi, “Gbálai sã́a Eea mɛi pêre, kpɛ́ni fêi, ŋa pá naa tɛɛ̂i ípɔ.” Nya ƃe Zasua è gɛ̀ tí.

Zasua 8:18 Referans Kwoze

Zasua 8:26

Ɉosue nwɔ kpala yee ŋɛ̨i ə dɛ ɲələi, hvo ɲee yɛɛ, ə lɛɛ la ɉu, di Ai nuą kəlee paa kpɔ tɛ̨ɛ̨ tɛ̨ɛ̨.

Zôo 15:25

Mąąhɔlɔɓo, aa ɲee muhəɠə Yálá ɓa. Yɛ tɔɔ Huwalawala Kəlee Nąmu la.

Zôo 39:23

Tonwa taɠa tin a kɛ tɔɔi bulu, kpala da ɓɔwa kwɛa kələn ŋąą diɛ ɉɔɔ.

Samuɛlə dɔlɔɔ 17:45

Davidə yɛ Goliatə ɓa: «Ə́ wɛi, ə́ kaa pai pɛlɛi mą́ą́, ɓɔwa kwɛa yɛ ɓo ə́ yəi, kpala yɛ ɓo ə́ yəi, wulu ɲąą kulaa ə́ ɓo ə́ yəi. Nwɛ́i, gáá pai ə́ pɔ Yai-Laa Mɛ̨nį Kəlee ŋą Hééɓomun laa hu, yai a Israɛlə nwɔ Yálái, a Yaa tii ə́ kaa gwɛlin baa pɔlɔn dɔɔi.

Samuɛlə dɔlɔɔ 17:41

Goliatə ə kɛi mąą lɛɠɛ mą, nwɔ hə́mə́ həɠə mun yɛ ɓo dɔwɔ.

Samuɛlə dɔlɔɔ 17:6

Gɔɔ ɲɛ̨i tɔwɔ pɛlɛɛ kɛ a ɓala kwɛli ɓɛla. Kpala ə kɛ ɲəi, ə ɓo a ɓala kwɛli.

Zasua 8:7

Nąąlɔwai, ka kulɔ ka loo pələi, ka daa hon, Yai-Laa ka wɔ Yálá aa dɛɛ ka pɔ.

Lɛɛ gbɔwɔ ɓa 14:16

Ə́ wɛi, ə́ wɔ tunwɔ̨n tɛ yələi, ə́ gboloyá kɛlɛ la, pələ ə laa ɉu, nuą di tɛɛ la a di kɔ́wɔ mąą kpalaa.

Lɛɛ gbɔwɔ ɓa 8:5

Moisə yɛ tɔɔmun ma: «Lə yələ ɓə ə́ kaa bɔ ŋį́ Yai-Laa hvɛli la, gbəŋəɠaa mąą ə kwɛa yɛ́ ká ə́ wɔ nuąi kaa, ə lɛɛ lɔ a yii ɲá lee hu?»

Zasua 8:17

Ai taa-oo, Betɛlə taa-oo, hulɔnu tɔ̨nɔ̨ kpɛli hvo lɛɛ ɉu, di kəlee di hvilɛn Israɛlə nuą pulu, di daa mąąkpɛ hį́iɠaa kəlee laa lɛɛ a moɔ, diɛ Israɛlə nuą kpɛ.

Zasua 8:19

Yii lɔ ə ɲee haŋą, nuąi kɛ di loo pələi, di kulɔ a mąąhulaa, di gilɛ həɠə di tɛ taai, di daa hon, di nɛ̨ɛ̨ mą di nwɔ̨n nɔ daai.

Izikiɛ 30:25

Gáá pai Babilonə tɔɔmun ɲee huwala walai, ɓɛlɔwai Eziptə tɔɔmun nwɛiɠaai da kɛ la mą tooni; nąąlɔwai da gili kɔ́lɔn diɛ kɛ ɲą́ą́ ɓə gáá a Yai-Laa, ɓɛlɔwai ŋą́ nwɔ́ kɔ́ kɔ́ ɓɔwai lɔ la Babilonə tɔɔmun ɲee ŋą yɛ ɉaŋa Eziptə lɔ mɛ̨i.

Lɛɛ gbɔwɔ ɓa 8:1

Yai-Laa yɛ Moisə ɓa: «'Mo Aarɔn ɓa, ə nwɔ tunwɔ̨n ɉaŋą ɲá pɛlɛɛɠaa kəlee mɛ̨i, da bowa kəlee, gbəŋəɠaa di tɛ Eziptə lɔi nąą kəlee.»