Zasua 7:6 - Yálá laawoo hɛɓɛ (dc)

⁶ Ɉosue ə gwaną həɠə huɓɛla a líiholi, ə pɛlɛ Yai-Laa lííla, ə lɛɛ la ɉu yələ ə wulu; yaa da nɔi kalanɉonŋąą, di muluun gbala pu di nwuɔ̨.

Yálá laawoo hɛɓɛ

⁶ Ɉosue ə gwaną həɠə huɓɛla a líiholi, ə pɛlɛ Yai-Laa lííla, ə lɛɛ la ɉu yələ ə wulu; yaa da nɔi kalanɉonŋąą, di muluun gbala pu di nwuɔ̨.

Bible

⁶ Nya ƃe Zasua da ǹúu ŋuŋ túɛ-ƃelai Eezuɛ dí díseɣe-ŋai fàla dí luu pú díŋûa dí tóo ǹɔii ma Yâwɛɛ ŋɔkono-tee gãlai ŋɛ́i túɛ é lɛ́ɛ la zu ɣele wulii é kɛ́.

Zasua 7:6 Referans Kwoze

Zɛnɛse 37:29

Ɓɛlɔwai Rubɛn ə li la nɔwa hu kaai, hvo Ɉosɛfə kaa laa, nii ə ɓɛla kpɔ mą kɛnɛ̨, ə mąą həɠə hu ɓɛla.

Zɛnɛse 37:34

Nąąlɔwai, Ɉakɔbə ə nwɔ həɠəi hu ɓɛla, ə mąąwɛli hee ɓo, ə non nwɔlɔ ɓo kpɔ a ɉu kwɛa.

Woolaa 2:10

Siɔn halakpɛla nwɔ kalanɉonŋaa di kaa heeni pɔ́lɔ hu, di mɛ̨i haa tin. Daa muluun gbala pu di nwuɔ̨, daa ɓíi haɠa too di kwąną. Ɉerusalɛmə nɛ̨ɛ̨lɛa daa di nwun vilɛn a nwumɛ̨.

Samia Veerɛi 13:31

Tɔɔmun ə muhəɠə, ə mąąhəɠəɠaa hu ɓɛla, ə laa nɔi ɓa, ɲee pɔ nuą kəlee di kɛ tɔɔni gwɛlɛ, di mąąhəɠəɠaa hu ɓɛlaa.

Lonon mo 14:6

Yii ɓaa Nun lon Ɉosue da Yefunɛ lon Kalɛbə, diɛi kɛ nɛ̨nɛ̨ɛ̨n naa kɛ nuą tii pɔ, di wɛi di di mąąhəɠəɠaa huɓɛla a liikələn gwəi.

M̀ɛni-lɛɛi 18:19

Diɛ pɔ́lɔ́ pu di nwuɔ̨, diɛ tomą, diɛ di woolaa, diɛ kɛ: «Ee kə kpalo! Ə kə gbalo kɛnɛ̨ɛ̨! Daa-leei kɛ ɉu ɲąąnɛ̨ɛ̨ pələ, ə nuąi kpɔ di wɔɔ gələnŋaa di kɛ gboloyá ɲą, di yeela holoon, ya ka, lɛɛlɛ tanɔ̨n ɲee mu, aa hvɛɠɛ a ɉɛn tii kəlee.»

Gɛlaɠaa 14:14

Nąą kaai gɛlaɠaa Barnabasə da Polə di mo, di di kwąną həɠəɠaa ɓɛla, di kpuluun də li nu kpulu hu, diɛ tomą, diɛ kɛ diɛ:

Zôo 2:12

Kulɔi di mo kwɛa la, di di ɲɛ̨i hee Ɉobə ɓa, di hvo pɛli gɔlɔn ɉii. Di kəlee di tomą a wɔlɔ. Nu kəlee ə mąąhəɠə hu ɓɛla, diɛ munuun gbala pili yələi, yɛ pu di nwuɔ̨.

Zôo 1:20

Nąąlɔwai, Ɉobə ə nɛɛmą ə muhəɠə ə tɔɔ, ə nwɔ biliɉui huɓɛla, di nwun gbəlaan mo, ə too nɔi ɓa, ə kwɛli hvilɛn Yálá ɓa.

Samia Veerɛi 12:16

Davidə ə Yálá mąąnɛ̨ɛ̨ nokoloi tii mąą mɛ̨nį ɓa. Ə hin nɔ, ə lɔ ɲəi bɛlɛ́n, a kpįnį hvo laa ɲai gbin ɲa, ə laa nɔi ɓa.

Samia Veerɛi 1:12

Saulə da Ɉonatan, da Yai-Laa nwɔ nu huwui, da Israɛlə nwɔ nuąi tii lɛɛ a gɔ́ kɔ́ ɓɔwa kɔ̨nɔ̨n, di di haa wɔlɔ ɓo, di hin nɔ, ə lɛɛ la ɉu yələ ə wulu.

Samuɛlə dɔlɔɔ 4:12

Bɛnɉamɛn mun da ə həɠə gɔ́ mɛ̨i, ə pa a gilɛ Silo a mąą yələi tii lɔ, mąą həɠəɠaa huɓɛla-ɓɛlaa, pɔlɔ kɔɔ nwuɔ̨.

Nwun mąąɓo 21:2

Nu kpulu ə pənə ə pa Betɛlə daai, di lɛɛ heeni Yálá lííla, ə lɛɛ la ɉu yələwulii. Di kəlee di di woo kulɔ, di wɔlɔ, diɛ di woolaa a nąą mąąwɛliɛ.

Nwun mąąɓo 20:26

Israɛlə nuą kəlee, da nɔi nuą, di tɛɛ də li Betɛlə, diɛ wɔlɔ Yai-Laa lííla, di hin nɔ a volói tii, yələwulii pɔ, di haláá huwu hveelɛ kulɔ Yai-Laa ɓa, yii da gəlee kələn, da yii gaa a pɔnaa kulɔ haláá, da Yai-Laa ni di lɔwai.

Nwun mąąɓo 20:23

Israɛlə nuą di tɛɛ, də li di wɔlɔ Yai-Laa ɓa, ə lɛɛ la ɉu, yələwulii pɔ. Di Yai-Laa mąąni kɛ, diɛ mą: «A kɛ tii, mąąnɛ̨ɛ̨ kwəli ku kɔ́ pɛlɛ Bɛnɉamɛn nu huwu ɓa nwɔ̨nɔ̨, diɛi di kaa a ku kayɔwɔɠaa?» Yai-Laa yɛ diɛ: «'Ka li.»

Lonon mo 16:22

Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Zasua 7:7

Ɉosue yɛ Yai-Laa ɓa: «Ee! Ną́mu Yai-Laa! Lə mɛ̨nį ɓa, ə́ hvaa mą ə́ Ɉurdɛn yá teen a nuą ŋɛ̨i? Yɛ́ ku kwɛlɛ Amɔrə nuą ŋɛ̨i diɛ, diɛ ku paa? Akɛ yili ə kɛ tii, kwa kɛ kani kɛ ku lɛɛ Ɉurdɛn yá pulu pələi!

Samia Veerɛi 1:11

Davidə ə gwąną həɠə hu ɓɛla, mɛlaa kəlee di gɛ lɔ tii.

Tɔɔɓɛlaa veelɛ 22:11

Yii lɔ tɔɔmun ə dɔ́n ɉɛɓɛ́i tii hu woo mɛ̨n, ə mąą hɛɠɛ huɓɛla.

Kɔlɔnikɔ Veerɛi 34:19

Yii lɔ tɔɔmun ə dɔ́n ɉɛɓɛ́ hu woo mąn, ə nɛɛ mą ə mąą həɠə huɓɛla.

Zôo 42:6

Yili ɓa, nwóó ka ti kpoloon ɉú, Ŋą́ą́ ɉɔ́n gɔlɔn bɛ́lɛɛ ka!

Nwun mąąɓo 11:35

Ɓɛlɔwai Ɉɛfte ə non gaa la yɛ pa naakwiɛn ɉii, Ɉɛfte lii ə kələn gwəi, ə mąą həɠə hu ɓɛla, ə tomą kpɔ kɛnɛ̨, yɛ mą: «Ee nón! Yáá kpalo ɓɛla mą́ą́, yáá kɛ a nwɔ́ lii too pulu mɛ̨nį nwun; ŋą́ nwóó kwɛlɛ Yai-Laa ɓa, vá pɛli nwóó tii kalai.»

Samia Veerɛi 1:2

Voló ɉaaɓa yələ, hulɔnon da ə həɠə Saulə nwɔ kɔ́ ɓuwui la pələ, mąą həɠəɠaa huɓɛlai kɛ, pɔlɔ puɔ nwuɔ̨. Həli ə mo Davidə ɓa, ə pɛlɛ nɔi ɓa.

Samia Veerɛi 13:19

Nąąlɔwai, ɉəɠə yee kwɛai ŋɛ̨i kɛ Tamarə ɓa ə ɉu ɓɛla, ə luwu pu nwuɔ̨, ə ɲee laa nwuɔ̨ yɛ wɔlɔ.

Ɛsdrasə 10:1

Ɓɛlɔwai Ɛsdrasə ə kɛi Yálá hvɛli la, yɛ hvaa gɛ nɛ̨ŋɛ̨nŋąą diɛ, yɛ wɔlɔ Yálá nwɔ pɛ́lɛ́i laaləi, Israɛlə nu kpulu kɛnɛ̨, hinąą mąn, nɛ̨ąą mąn da nɛapɛlɛɛ di di ŋąąkpɔn gwɛlɛ. Mąąhɔlɔɓo, nɔi lonnii di kɛi ɲɛ̨iya wɔlɔ kpɔ-kpɔɔ ɓo.

Nehemi 9:1

Ɲąnįn tii nwɔ hvóló pow hveelɛ kɔ́w nąą ɲələ, Israɛlə nu huwu di mąąwɛli heeɓo, di muluun gbala pu di nwuɔ̨, di hin nɔ.