Zasua 7:15 - Yálá laawoo hɛɓɛ (dc)

¹⁵ Nui lɔpee mɛ̨nįi tii a lɛɛ nwuɔ̨, da mąą nu kələn, yaa da ɲəi hɛnŋąą kəlee; mąąhɔlɔɓo, aa Yai-Laa woo mąą kala, aa ɓɛlɛkpɛɛ mąą túwɔ́ ɓo a Israɛlə.»

Yálá laawoo hɛɓɛ

¹⁵ Nui lɔpee mɛ̨nįi tii a lɛɛ nwuɔ̨, da mąą nu kələn, yaa da ɲəi hɛnŋąą kəlee; mąąhɔlɔɓo, aa Yai-Laa woo mąą kala, aa ɓɛlɛkpɛɛ mąą túwɔ́ ɓo a Israɛlə.»

Bible

¹⁵ Gɛ̀ ní gólii nyíi ŋa pâi ziɣêi zui, zu-ƃela dí tɔ́ɔ díkpulu ma yɛ̂ɛ berei díkaa-laai káa lai. Gáa-laai nyíi ŋa pâi ziɣêi zui, zu-ƃela dí tɔ́ɔ tɛi-tɛi yɛ̂ɛ berei díkaa-laai káa lai. Ǹúui nyíi ŋa pâi gâai a gɛ́ɛ ǹyaa ƃé zãâi sîɣe nyíi gáa a ḿbɔɔi, da pâi m̀aa-nûui kéreniî a ŋɔŋ da zãai kélee gáa ǹyêei, kpɛ́ni fêi, maa ǹúui a ŋákono-têei kara, a pá a ŋumɛ Eezuɛ-ŋai pɔ́.”

Zasua 7:15 Referans Kwoze

Zɛnɛse 34:7

Ɉakɔbə lonnii di həɠə nɔwɔi di pa, mɛ̨nį tii kɛ, di mo diɛ. Yili ə nwąną diɛ, ə di liikələn di kwəi, mąąhɔlɔɓo, Sisɛmə aa ɓɛlɛkpɛɛmąą, túwɔ́ ɓo a Israɛlə, a laa ŋɛ̨i ə mo a Ɉakɔbə lon Dina. Yili mąą hvo nɛ̨ɛ̨li kɛ Israɛlə nuą lɔwai.

Nwun mąąɓo 20:6

Nąąlɔwai, ŋą́ nwɔ́ wɛlii powa həɠə, ŋą́ ɉu tee tee a gbuɔ pow kɔ́w hveelɛ, ŋą́ ɲąąkwɛlɛ Israɛlə huwu heei pow kɔ́w hveelɛi ɓa, mąąhɔlɔɓo, daa ɓɛlɛkpɛɛmąą túwɔ́ ɓo a ɲą́ą́ Israɛlə lɔi hu.

Samia Veerɛi 13:13

Yá gɛ tii, mįnɛ̨ ɓə ŋą́ li laa nwɔ́ nwumɛ̨ ŋɛ̨i mąąkilɛi? Ə lɛɛ yɛ kpɛli, yá kɛ kɛa yɛ nui mɛlɛ hvo mą Israɛlə lɔi hu. Yii hui ŋɛ̨i, gáá nɛ̨ɛ̨mąą hvəi yɛ́, gɛ́ ə́ li ə́ ə́ woo hukulɔ tɔɔmun ma hvo pai lənəi ma, ə gɛ ə́ ɉəɠə a ə nɛ̨ą.»

Samuɛlə dɔlɔɔ 26:21

Saulə yɛ mą: «Ŋą́ą́ nɛ̨ŋɛ̨n ɉəɠə, pənə ə pa nón Davidə. Vá kɛa mɛ̨nį ɲɔ̨n gɛ a yɛ́. Mąąhɔlɔɓo, yáá nwɔ́ yɛnɛ̨ɛ̨ kaa a hɛn mąąwiaa háákələi. A tɛ̨ą, ŋą́ą́ túwɔ́ yɛ ɓowo mun, ŋą́ą́ lan gbɔ kɛnɛ̨.»

Zasua 7:11

Israɛlə aa nɛ̨ŋɛ̨n gɛ. Mįnɛ̨i ŋɛ̨i kwa di nąnni ku ɉəɠə, daa mąą kala a tɛ̨ą, yai wɔlɔ ŋį́ mą́ą́ pamą la, diɛ. Hɛn ŋį́ tɔ́n dɔɔ mą, daa da həɠə, yai kɛ a nwɔ́ɔ́, daa da nwuɔ̨, daa now, daa nɔ di yəi hɛnŋąą lɔwai.

Zasua 7:16

Ɉosue ə humun kpɔ yələwala pɔ ə nuą tɔɔ a ɉuwuɠaa laa, Ɉuda nu huwu ɓə ə too di mɛ̨i.

Nwun mąąɓo 20:5

Givea hinąą di pa, di nwɛ̨́ą pɛlɛ́ mąą tínɛ̨n diɛ kɛ di mɛ̨nį ɲɔ̨n gɛ a ɲą́ą́. Di kɛ bɔ di báá, nɛ̨́ą ɓə di laa la, di lɛɛ la ɉu, di baa.

Nwun mąąɓo 20:10

Israɛlə lonnii lɔwai, nu pow ɓə kwa ɉəɠə nu nwun dɔ̨nɔ̨ hu, nu waa tɔ̨nɔ̨ hu, nu nwun dɔ̨nɔ̨ ɓə kwa ɉəɠə, nu waa pow hu, nu waa tɔ̨nɔ̨ ɓə kwa ɉəɠə. Nuą tii ɓə pai lii, di kɔ̨nɔ̨n gwɛli di paa la, ə gɛ, gɔ́ laɠai pai lii Givea Bɛnɉamɛn lɔi hu nuą di wɔ ɓɛlɛkpɛɛmąą túwɔ́i di mo Israɛlə lɔi hu, gwələ kulɔi di kɔ̨nɔ̨n.»