Zasua 6:21 - Yálá laawoo hɛɓɛ (dc)

²¹ Hɛnŋąą kpɔ kɛ daai, di gəlee hu kala kpɔ tɛ̨ɛ̨tɛ̨ɛ̨?: Ɉinąą mąn, nɛ̨ąą mąn, nu nwunuɠaa, ə mą kɛ, nu pɔlɔ pɔlɔɠaa, Nįŋɛ̨, ɓɛlaa, ɉoohvaalənŋąą, di gəlee paa.

Yálá laawoo hɛɓɛ

²¹ Hɛnŋąą kpɔ kɛ daai, di gəlee hu kala kpɔ tɛ̨ɛ̨tɛ̨ɛ̨?: Ɉinąą mąn, nɛ̨ąą mąn, nu nwunuɠaa, ə mą kɛ, nu pɔlɔ pɔlɔɠaa, Nįŋɛ̨, ɓɛlaa, ɉoohvaalənŋąą, di gəlee paa.

Bible

²¹ Daai siɣeɛ́ɛ dîyɛɛi, dí zu sãai kélee kara. Dí gbakolo-ŋai, ǹɛyâai ǹyaŋkpa-ŋai, ǹúu-pɔlɔ-ŋai, ǹiŋa-ŋai, m̀ála-ŋai da ŋ̀wɛlɛ-sôo lonii kélee pàa.

Zasua 6:21 Referans Kwoze

Ɉeremi 48:18

Kulɔ ə́ wɔɔ mąąwiɛ laa hu, ə́ yɛɛ ə́ hee muluun ɉu. Divɔn nuą, kaan, Moabə hukala mun gaa tɛi a kɔ́, yɛ pɛlɛ yɛ́. Gaa ə́ mąąkpɛ hiinŋaa pui.

M̀ɛni-lɛɛi 18:21

Ya ɓə, malaka ta ə kwɛni kpuwulu kɛnɛ̨ ta həɠə, ə ɓo yɛ kwɛną, ə bili gboloyá hu, yɛ mą: «Bələ ɓə di kaa pai Babilonə taalee pilii la a hvaŋą; di hva kɛa gaa.

Tɔɔɓɛlaa dɔlɔɔ 20:42

Yili yɛ mą: «Mɛ̨nįi Yai-Laa ə mo ya ka: Yii nui ŋɛ̨i ŋą́ doo ə́ yəi, gɛ́ ə́ baa, yáá nɛɛ laa, yɛ́ ɓə ə́ kaa lɛɛi a nąą hɛn, nwɔ nuąi kɛi pa haai, di mąąhvalin maa ə́ wɔɔ nuąi.»

Samuɛlə dɔlɔɔ 15:8

Ə Amalɛkə tɔɔmun Agagə hon a vulú; ə nu kpəliɠaa kəlee paa di lɛɛ a kɔ́ kɔ́ ɓɔwa kɔ̨nɔ̨n.

Samuɛlə dɔlɔɔ 15:3

Yili ɓa, li, ə́ Amalɛkə nuą kəlee paa, hvo dɔ̨nɔ̨ kpɛli lɛɛ, da ɉɛnŋaai kpɔ gaa laa gəlee; ə kɛ a hulɔnu, nɛ̨ɛ̨nu, lokolo, ə mą kɛ a ɲįnį kpələ lon, nįŋɛ̨ɠaa, ɓɛlaaɠaa, ɲɔ̨nwɔmɛɛɠaa, da hoohvaalənŋaa.›»

Zasua 11:14

Israɛlə nuą di daaɠaa tii hu hɛnŋąą, da daatɛlɛɛɠaa kəlee həɠə a kɔ́ pulu hɛn. Kɛlaa, di nu kanŋaa kəlee paa kpɔ tɛ̨ɛ̨-tɛ̨ɛ̨, di hvo kpɛli nu ta lɛɛ a vulú.

Zasua 10:39

Di daa hon da ɉu tɔɔmun, da gwɛlɛ taaɠaa kəlee. Di nu kəlee kɛ a kɔ́ kɔ́ ɓɔwa kɔ̨nɔ̨n; nuąi kpɔ kɛ laa di di kɛ a haláá Yálá ɓa, Ɉosue hvo nu ta lɛɛ a vulú. Di Devirə taa da ɉu tɔɔmun di hon bələ kɛ yɛ bələi di gɛ la a Hebrɔn taa, yɛ Livna taa da ɉu tɔɔmun.

Zasua 10:28

Voló tɔ̨nɔ̨i tii yeemu, Ɉosue ə lɔ Makeda daai, ə ɉu nuą kɛ a kɔ́ kɔ́ ɓɔwa kɔ̨nɔ̨n, ə mą kɛ nąą tɔɔmun; ə di kəlee di paa kpɔ tɛ̨ɛ̨tɛ̨ɛ̨, hvo hɛn da lɔpee lɛɛ a vulúmąą, ə mą kɛ nu tɔ̨nɔ̨ ɓə, hvo nɛɛ laa a vulú; ə Makeda tɔɔmun ɉon, yɛ bələi ə Ɉeriko tɔɔmun ɉon na.

Dutɛrɔnome 7:16

Nu huwuɠaa kpɔ tii Yai-Laa ka wɔ Yálái kaa pai di lɔi ka yee ŋą, ka gəlee paa, ka hvo da mąąwɛli kaa. Ka hvo kwɛli hvilɛn di wɔ haliɠaa diɛ, yili a nəi kɛ a hɛlɛn dɛɛ ka tɔwɔ.

Dutɛrɔnome 2:34

Gu lɔ nwɔ taaɠaai hu, guɔ daaɠaai kəlee kɛ a haláá hɛn Yai-Laa ɓa. Ɉinąą, nɛ̨ąą da nɛapɛlɛɛ, gu hvo da lɔpee lɛɛ a vulú.

Dutɛrɔnome 13:16

mąąnɛ̨ɛ̨ ka daa tii hu nuą kəlee paa a ɓɔwa kwɛa, ka daa tii hu kala da ɉu hɛnŋąą kəlee, ə mą kɛ daatɛlɛɛɠaa, ka gəlee paa a ɓɔwa kwɛaa.

Zasua 8:2

Bələi ə́ gɛ la a Ɉeriko taa da nwɔ tɔɔmun, bələ ɓə yá gɛ la a Ai taa da nwɔ tɔɔmun. Kɛlaa yaamun, hɛn kpɔ ka ɉɔlɔɓo laa, ə mą kɛ daatɛlɛɛɠaa, ka gəlee həɠə a ka wɔɔ, yɛ kɔ́ pulu hɛn. Ka bələ ɲąątɛ di tɔwɔ ɉįi la di pulu pələ.»

Zasua 8:22

Israɛlə nuą tii nwɔ̨n nɔ Ai daai, di pənə kɛa diɛ pa Ai nuą laakwiɛn ɉii a kɔ́. Ai nuą di lɛɛ gbulu hveelɛi tii lɔwai. Israɛlə nuą di tínɛ̨n diɛ, di Ai nuą paa kpɔ di hvo dɔ̨nɔ̨ kpɛli lɛɛ a vulú, dɔ̨nɔ̨ kpɛli hvo kulɔ a di yee wolo.

Zasua 9:3

Mɛ̨nįi Ɉosue ə naa Ɉeriko taa da Ai taa diɛ, Gabaɔn nuą di bələ mɛ̨n.

Zasua 11:11

Ɉosue ə daai nuą kəlee kulɔ a haláá, di kɛ a kɔ́ kɔ́ ɓɔwa kɔ̨nɔ̨n, hvo nu ta lɛɛ laa a vulú, di nɛ̨ɛ̨ mą di Hasɔrə taa kələn.