Zasua 6:18 - Yálá laawoo hɛɓɛ (dc)

¹⁸ Yii ɓaa ka wɛi, ka ka kpɔɔ mɛ̨i kaa daa ŋɛ̨i hu hɛnŋąą mąą mɛ̨nį ɓa. 'Ka hvo da həɠə, ə gɛ, ka nwun na hvo pa pili, ə lɛɛ, ka hvo pa Israɛlə nwɔ ɓuwui kɛ a hɛn ɲɔ̨nwɔ̨ɔ̨, kaa kpalo ɓɛla mą yili pɔ pələ.

Yálá laawoo hɛɓɛ

¹⁸ Yii ɓaa ka wɛi, ka ka kpɔɔ mɛ̨i kaa daa ŋɛ̨i hu hɛnŋąą mąą mɛ̨nį ɓa. 'Ka hvo da həɠə, ə gɛ, ka nwun na hvo pa pili, ə lɛɛ, ka hvo pa Israɛlə nwɔ ɓuwui kɛ a hɛn ɲɔ̨nwɔ̨ɔ̨, kaa kpalo ɓɛla mą yili pɔ pələ.

Bible

¹⁸ Ká fé zãai ŋí da siɣe nyíi-ŋai kwa dísu karâai. Kà gɛ̀ tí, a pâi pâi a mɛni kpɔ̂lu da su kâra kúpɔ.

Zasua 6:18 Referans Kwoze

Zɔ̂ŋ Maa-ŋuŋ 5:21

Nónnii pɛlɛɛɠaa, 'ká ká kpɔwɔ mɛ̨i kaa haliɠaa mąą mɛ̨nį ɓa.

Ifisiɛŋ 5:11

'Ká hvo ká yee too kpinį kólóɠaa hu, diɛi di tɔlɔ hvo diɛ, 'káámun, 'ká di too pono ɲą.

Zasua 7:1

Ɉɛnŋąą ŋɛ̨i di tɔ́n dɔɔ mą, Israɛlə lonni di kulɔ nwoo mu laa kɛ mąą mɛ̨nį ɓa. Karmi lon Akan, yai kɛ a Ɉavdi lon, yɛ ɓo a Zera lon, Ɉuda huwu hu mun da, ɉɛn ŋɛ̨i kɛ tɔ́n dɔɔ mą, ə da həɠə, Yai-Laa ə nii ɲąąnwąnąą Israɛlə lonnii diɛ.

Zasua 7:25

Ɉosue ə mo laa yɛ Akan ɓa: «Lə mɛ̨nį ɓa ə́ gbaloi ŋɛ̨i ɓɛla kuɔ? Yai-Laa kaa kpalo ɓɛlai yɛ́ háákəlei.» Israɛlə nuą kəlee di di hɔɔ a kwɛni, di haa, di di kələn; di kwɛni hįį tɔɔ di mɛ̨i.

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Zĩi 1:27

Yálá kɔ́lɔn bələi mąąhəɠɛɛ, ɉaŋąa gu Ną́n Yálá ɲɛ̨i ɓa, ya ɓaa: Nu yɛ kpɔnmąą tɛɛ təlilɛaa da galaninŋaa pɔ di wɔ mɔ̨nɔ̨ hu; yɛ gbɔwɔ huhon yɛnɛ̨ɛ̨ hu, hvo pa kɔhɔɓo.

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

Zôna 1:12

Ɉonasə ə di woo ŋąąpənə yɛ diɛ: «Ka ɉə́ɠə, ka bíli gboloyá hu, gboloyá kɔ́lɔ kaa pai haai mą. Mąąhɔlɔɓo, ɲą́ą́ ɓə gɛi vaŋą kɛnɛ̨i ŋɛ̨i yɛ dɛɛ.»

Ikilisiati 9:18

Kili hviɛlaɓoɔi, kɔ́ kɔ́ kwɛli hɛn ma. Kɛlaa, kilikpɛɛgwəi mun nwoo ɲąą tanɔ̨n gbən a mɛ̨nį lɛlɛɛ tamąą hukala.

Samia Veerɛi 21:1

Davidə nwɔ tɔɔlaa kwɛlan ɉu, pulu kɛnɛ̨ ta ə too, ə kwɛlan ɉaaɓa kɛ nɔi. Davidə ə Yai-Laa mąąnin gɛ, Yai-Laa yɛ mą: «Bului tii too mɛ̨nį ə kulɔ Saulə da ɲəi bɛlɛ́n nuą di hɔn ɉu. Mąąhɔlɔɓo, di Gabaɔn nuą paa a nwąnąlɔɔ pələ.»

Dutɛrɔnome 7:26

Hɛn ɲɔ̨nwɔ̨ɔ̨ Yálá ɲɛ̨i ɓa, ka hvo da lɔ ka yəi bɛlɛ́n, ka gɛ tii, ka ɉɛnŋąą tii da həɠə, da nəi ka hu kala a gee. Mąąnɛ̨ɛ̨ ka ɉɛnŋąą tii kaa a hɛn mąąliɓiɛ, da hɛn mąąnɛ̨ɛ̨ nwɛli ə kpɛɛ nu ɓa; mąąhɔlɔɓo, di nɛ̨ŋɛ̨n naai.

Zasua 7:15

Nui lɔpee mɛ̨nįi tii a lɛɛ nwuɔ̨, da mąą nu kələn, yaa da ɲəi hɛnŋąą kəlee; mąąhɔlɔɓo, aa Yai-Laa woo mąą kala, aa ɓɛlɛkpɛɛ mąą túwɔ́ ɓo a Israɛlə.»

Dutɛrɔnome 13:17

Hɛn kpɔ a kulɔ ɉu, ka gəlee ɲąą kpɔn gwəli hąąi, ka daa kələn da ɉɛnŋąą tii kəlee. Ka gulɔ tii a haláá Yai-Laa ka wɔ Yálái ɓa; nąą ə lɛɛ a taa kpoloon nąą hva kɛa pənə hvo tɔɔ.

Zasua 7:13

Ə́ muhəɠə, ə́ nuą mąąhəɠə, mo diɛ, yɛ diɛ: Nu kəlee ə gbɔwɔ mąąhəɠə tinąą mąą mɛ̨nį ɓa; mąąhɔlɔɓo, Yai-Laa Israɛlə nwɔ Yálá yɛ: Hɛn tɔ́n dɔɔ mą, da kaa Israɛlə nuą lɔwai ɉɛn tii a lɛɛ ka lɔwai, ka hva pɛli tɔɔi ka yowo lííla, akɛ ka hvo ɉɛn tii kulɔ li ka lɔwai.

Dutɛrɔnome 23:10

Ka kulɔ kaa li kɔ́ pɛlɛi ka yowo ɓa, ka hvo ka yee lɔ mɛ̨nį ɲɔ̨n lɔpee ta hu.

Samuɛlə dɔlɔɔ 15:9

Kɛlaa, Saulə da nwɔ nuąi di Agagə lɛɛ a vúlu; ə mą kɛ, daatɛlɛɛ kpɛa-kpɛa da bɛlɛɛɠaa, yiiɠaa kɛ di yolaa. Mɛlaa lonnii yiiɠaa kpɔ kɛ ɉu a nɛlɛɛ di hvo gɛ di hvo gəlee paa. Kɛlaa, yiiɠaa kɛ di kpala-kpalaa diɛ lɔ ɓə di di paa.