Zasua 6:17 - Yálá laawoo hɛɓɛ (dc)

¹⁷ 'Ka daa ŋɛ̨i hu hɛnŋąą kəlee kala kpɔ tɛ̨ɛ̨tɛ̨ɛ̨, Yai-Laa mąą mɛ̨nį ɓa; daa ŋɛ̨i da ɉu hɛnŋąą kəlee dɔ̨nɔ̨ kpɛli hvo kulɔ, hvo kɛ li lɔ nwɛlikɛnɛ̨ɛ̨nui ŋɛ̨i da kɛ mą: Rahabə, ka nɛɛ a vúlu, da hɛn kpɔ gaa ɲəi bɛlɛ́n. Mąąhɔlɔɓo, gɔ́ nɛ̨lɛ̨ɛ̨nŋąąi ku di tɔɔ, yaa tii ɓə di mɛ̨i kpulu.

Yálá laawoo hɛɓɛ

¹⁷ 'Ka daa ŋɛ̨i hu hɛnŋąą kəlee kala kpɔ tɛ̨ɛ̨tɛ̨ɛ̨, Yai-Laa mąą mɛ̨nį ɓa; daa ŋɛ̨i da ɉu hɛnŋąą kəlee dɔ̨nɔ̨ kpɛli hvo kulɔ, hvo kɛ li lɔ nwɛlikɛnɛ̨ɛ̨nui ŋɛ̨i da kɛ mą: Rahabə, ka nɛɛ a vúlu, da hɛn kpɔ gaa ɲəi bɛlɛ́n. Mąąhɔlɔɓo, gɔ́ nɛ̨lɛ̨ɛ̨nŋąąi ku di tɔɔ, yaa tii ɓə di mɛ̨i kpulu.

Bible

¹⁷ Ǹyaŋ Yâwɛɛ a daai ŋí tɛ́ɛ kúpɔ a gɛ́ɛ kú ǹûai kélee páa, kú zu sãa kélee su kara a gɛ́ɛ díkɛ a sama-sã̂a Yâwɛɛ mɛni ma. Diai nɔ́ pâi lɛɛ̂i dîa ƃa ŋ̀úlu-wulu kɛ́-nɛnii Leea da ŋɔpɛ́rɛi mu-ƃelai, kpɛ́ni fêi, ǹyaa ƃé kúmɛni maa kpɛɛ-ƃelai lôo.

Zasua 6:17 Referans Kwoze

Dutɛrɔnome 20:17

Yiiɠaai a Hɛtə nuą, Amɔrə nuą, Kanaan nuą, Perizi nuą, Hivi nuą, da Ɉebusə nuą, ka gəlee paa kpɔɔ tɛ̨ɛ̨tɛ̨ɛ̨; yɛ bələi Yai-Laa ka wɔ Yálái kaa ka tí la.

Zĩi 2:25

Bələ lɔ ɓə Rahabə, yai a nwɛlikɛ nɛ̨ɛ̨nui nwɛ̨i ə kɛ la, kɛlɛi dúwɔ́ pələ ɓə ə tələnmolaa hɔlɔɓo ɉu, a ɲee heei ə mo nwɛlɛɛ ɓo nuą mu, ɛlɛɛ, ə di tɛɛ a pələ takpɛli diɛ li-e?

Mise 4:13

'Ə́ muhəɠə, 'mɔ̨nun dan Siɔn nɛ̨ɛ̨gbɛla, gáá pai ə́ mįnɛ̨ɠaa kɛi a kwɛli, gɛ́ ə́ kɔ́wɔɠaa kɛ yɛ kwɛli kpɔlu, ə́ kaa pai lɔi tamąą kiin-giin ɉii, ɉɛn ə́ pai ɉon ɉii a kɔ́, yɛ́ gulɔ Yai-Laa ɓa a haláá, yɛ́ di yəi hɛngɔwɠaa kɛ a Yai-Laa kɔ́ hɛn.

Hebreu 11:31

Laa na laa háálai, Rahabə kɛ a wɛlikɛnɛ̨ɛ̨nu, da kwɛli tee nuąi di nwun na hvo pili a gee; mąąhɔlɔɓo, ə ɲee hee gɔ́ nɛ̨lɛ̨ɛ̨nŋaa mu a nɛlɛɛ.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Galatə 3:12

Tɔ́n hva hɔlɔɓo laa na laa hu, Hvo gaai, dɔn nwɛi, nui a bɔ liɛwooɠaa hon, a yɛnɛ̨ɛ̨ kɛ, dɔ́n ɉáálai.

Galatə 3:10

Gbala ə tɔɔ, dɔn bɔ yíiɓo nuą kəlee, di kaa dɔn ŋą nąŋɛ̨n naa yee mu, hvo gaai, ɉɛɓɛ́ yɛ diɛ: Nui hvo pai Yálá nwɔ tɔ́nŋąą ŋɛ̨i bɛ̨ɛ̨, bɔ yíiɓoi, nɛ̨ŋɛ̨n naai!

Korɛntə dɔlɔɔ 2:7

Yálá ŋą kilikɛɲəi laa ɓə ku kaa naa həlii, gaa a kwɛlɛɛn mɛ̨nį, noɔ, yai Yálá ə wɔlɔ bɛli, yɛnɛ̨ɛ̨ kɔ́wɔ hvo ni kɛ tɔɔ li, a guɔi ə gu həɠə ɉu, a gu mąąɲįnɛ̨n.

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Zɛnɛse 12:3

Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Korɛntə dɔlɔɔ 16:22

Nui gu Ną́mu wɛli hvo mą, mąą nu nɛ̨ŋɛ̨n naa ɓə. Maranata! (Mukulaa ɓaa: Ną́mu, pa!)

Izikiɛ 39:17

Ə́ wəli tɔɔ, hulɔnu lon, Mɛ̨nį kəlee ŋą Hééɓomun Yálá woo ka: 'Mo nwɛ̨niɠaa diɛ, huwɔi lɔpee a koon, lɔwɔ huwɔɠaa kəlee, yɛ́ diɛi: 'Ka ka ɲąą kpɔn, 'ka pa, 'ka həɠə pələ kəlee, 'ka pɛlɛ kee ɓa, ɉaláái gáá pai gulɔi ka mąą mɛ̨nį ɓa, a halaa ɲɛ̨́i kɛnɛ̨, Israɛlə yeeɠaa hu. Ka káá pai huwɔ mį́į́, kaa ɲąmą kpələ.

Ɉeremi 46:10

Kɛlaa volói tii, gaa a Nąmu Yai-Laa Mɛ̨nį Kəlee ŋą Hééɓomun nwąną kulɔ hvóló, yɛ nwąną kulɔ ɲowoɠaa diɛ. Kɔ kɔ́ ɓɔwa kaa paa ɓo kɛi, yɛ pilɛ, yɛ pilɛ ɲąmą hu. A tɛ̨ą Nąmu Yai-Laa Mɛ̨nį Kəlee ŋą Hééɓomun, gaa paa ɓo kɛnɛ̨ kɛi ɲánwuɔ̨ pələ Eufratə kwɛlɛ.

Azaya 34:6

Yai-Laa nwɔ kɔ́ kɔ́ ɓɔwai kaa a ɲąmą nąą kəlee, aa pilɛ nu wulɔ hu, aa pilɛ mɛlaa lonnii da moluɠaa di ɲąmą hu, mɛlaa hilɛɠaa kwəikwɛnikɔw ɓa wulɔ hu; mąąhɔlɔɓo, Yai-Laa aa haláá kulɔ Bɔsra daai, gaa pai kɛi a nu hukala mɛ̨nį kɛnɛ̨ Edɔmə lɔi hu.

Ɛsdrasə 10:8

Nui lɔpee a wala pa, hvóló haaɓa tɛɛ pulu, yɛ pələi bɛlɛ nąmįną da galanɉonŋąą di mo la, ɲəi hɛnŋąą kəlee a lɛɛ a Yai-Laa nwɔ pɛ́lɛ́i nwɔɔ, ɛlɛɛ, ya kpinįi tii, da naa kulɔ Israɛlə nuą lɔwai.

Samuɛlə dɔlɔɔ 15:6

Saulə yɛ Keni nuą diɛ: «Ka li, ka həɠə ɓɛ, ka kulɔ Amalɛkə nuą lɔwai, və́ pa ka hon yɛ diɛ. Mąąhɔlɔɓo, di wɛli kpɛɛmaa túwɔ́ ɓo a Israɛlə nuą ɓɛlɔwai yiliɠaa di kulɔ la Eziptə lɔi hu» Keni nuą di kulɔ Amalɛkə nuą lɔwai.

Zasua 7:1

Ɉɛnŋąą ŋɛ̨i di tɔ́n dɔɔ mą, Israɛlə lonni di kulɔ nwoo mu laa kɛ mąą mɛ̨nį ɓa. Karmi lon Akan, yai kɛ a Ɉavdi lon, yɛ ɓo a Zera lon, Ɉuda huwu hu mun da, ɉɛn ŋɛ̨i kɛ tɔ́n dɔɔ mą, ə da həɠə, Yai-Laa ə nii ɲąąnwąnąą Israɛlə lonnii diɛ.

Zasua 2:22

Nuąi tii di tɛɛ diɛ li, di li ɲee ɓa pələ, di di loo ɛlɛɛ ɉu hvóló haaɓa, di lɛɛ la nuąi li di kwɛlii, di pənə di pa, daa kɛ di kwɛli, di hvo di kaa.

Zasua 2:1

Di lɛɛ Sitimə lɔi hu, Nun lon ɉulɔnu Ɉosue, ə nu hveelɛ tɔɔ, diɛ li kɔ́ nɛ̨lɛ̨ɛ̨n naa kɛi; yɛ diɛ: «Ka li, ka Ɉeriko lɔi hu kaa.» Di li di lɔ wɛlikɛ nɛ̨ɛ̨nu ta yəi bɛlɛ́n, yii di kɛi kɛ naa ɓaa Rahabə, di lɛɛ laa.

Samuɛlə dɔlɔɔ 15:3

Yili ɓa, li, ə́ Amalɛkə nuą kəlee paa, hvo dɔ̨nɔ̨ kpɛli lɛɛ, da ɉɛnŋaai kpɔ gaa laa gəlee; ə kɛ a hulɔnu, nɛ̨ɛ̨nu, lokolo, ə mą kɛ a ɲįnį kpələ lon, nįŋɛ̨ɠaa, ɓɛlaaɠaa, ɲɔ̨nwɔmɛɛɠaa, da hoohvaalənŋaa.›»

Levetekɔ 27:21

Ɛlɛɛ, díi a lɛɛ a hɛn mąąhəɠɛɛ, a Yai-Laa nwɔɔ, yɛ tíi Yálá aa ɲee pɛlɛ mɛ̨i. Ɓɛlɔwai a lɛɛ la gbɔwɔ ɓa a mąąɓo kwɛlan, a lɛɛ a ɉaláá laa həli mun nwɔɔ.