Zasua 5:9 - Yálá laawoo hɛɓɛ (dc)

⁹ Yili pulu, Yai-Laa yɛ Ɉosue ɓa: «Háákələi, nwumɛ̨i tii lɛɛ kaa, kaa həɠə la Eziptə, ŋą́ą́ yili mąą kwɛa kaa.» Di gɛɛnąą tii laa hee a: Gilgalə, naai tii ɓə gɛɛnąąi tii ɓa, háá ɓa háá.

Yálá laawoo hɛɓɛ

⁹ Yili pulu, Yai-Laa yɛ Ɉosue ɓa: «Háákələi, nwumɛ̨i tii lɛɛ kaa, kaa həɠə la Eziptə, ŋą́ą́ yili mąą kwɛa kaa.» Di gɛɛnąą tii laa hee a: Gilgalə, naai tii ɓə gɛɛnąąi tii ɓa, háá ɓa háá.

Bible

⁹ Nya ƃe Yâwɛɛ è mò Zasua ma ǹyɛɛ, “Ŋ̀umɛ tûai ǹûai díkɛ̀ gɛ̂i káai Ize lɔii sui, ŋa sâa gélee kulâi káŋɛi.” Mɛni ma dí gwaai tí ma láa sèe a Geega.

Zasua 5:9 Referans Kwoze

Samuɛlə dɔlɔɔ 17:26

Nuąi ŋɛ̨i kɛ Davidə kwɛlɛ, ə mo diɛ yɛ diɛ: «Nui a Filisti mun ŋɛ̨i paa, ə nwumɛ̨ həɠə Israɛlə ɲɛ̨i, lə ɓə da gɛ mąą nu ɓa? Lə kpɔɔ ɓaa Filisti kɛ́nɛ̨ kpolɔwai ŋɛ̨i, yai a Yálá hvulú nwɔ nuą paa pɔlɔn dɔɔ?»

Zasua 4:19

Ɲąnįn dɔlɔɔ nwɔ hvóló pow yələ ɓə Israɛlə lonnii di Ɉurdɛn teen na, di muwu pu Gilgalə, Ɉeriko voló həɠəi pələ.

Zɛnɛse 34:14

Di mo kɛa Sisɛmə da nąn diɛ, diɛ diɛ: «Mɛ̨nįi ŋɛ̨i ka mo, ku hvo hvaa li mą, ku hva ku mąąhala tɛɛi kɛ́nɛ̨ kpoloa pɔ; kwa yili kɛ ti, akɛ a ɓɛlɛkpɛɛmąąlaa kuɔ.

Levetekɔ 24:14

«Nui tii nalan bili, ka kulɔ la daa pulu pələ, nuąi kpɔ nwoo mɛ̨n, di di yee laa nwuɔ̨, ɛlɛɛ Israɛlə nuą kəlee di ɉɔɔ a kwɛni.

Izikiɛ 23:8

Ə nwɛli mɛ̨nįi ti kpalatɔɔ Eziptə lɔi hu; a ɓɛlɔwai da yaa di kɛi laa la, ə ɓo nii a nɛ̨ɛ̨non; ɓɛlɔwai di kɛi ɲįnį hon na, diɛ pɛli wɛli pələ kəlee kəi la. Ɲee ə kɛ lɔ nwɛli honŋąąi ti hu.

Izikiɛ 23:3

Di lɔ wɛli honŋąą hu Eziptə lɔi hu, di lɛɛ tiikpə, di nwɛli honŋąąi ti kɔ́wɔtɔɔ; nąą ɓə di pələ kɛ laa a di kpɛla ɲįnį, di di kpɛla ɲįnį ɲɛ̨i paa.

Ɉeremi 9:25

Ŋą́ kpɔli Eziptə nuą la, ə mą kɛ Ɉuda nuą, da Edɔmə nuą, Amɔn nuą, da Moabə nuą. Ə mą kɛ nuąi tii nɔi pun ɉu di nwun gɛlaanŋąą, di kpɛlɛ kɛlaanŋąą. Mąąhɔlɔɓo, lɔi kəlee kaa a kɛ́nɛ̨ kpolaɠaa. Israɛlə nuą diɛ kpɛli diɛ ɓo a kɛ́nɛ̨ kpolaa di kili pɔ pələ.

Mąątɛ̨nɛ̨ 119:39

Ŋą́ ɲɔw lalan ma, 'voló mą́ą́, ə́ wɔ kiti wooɠaai pa lúwú ɓə.

Samuɛlə dɔlɔɔ 17:36

Ə́ wɔ luwɔi aa yala paa ə mą kɛ kwɛli. Filisti kɛ́nɛ̨ kpolɔwai ŋɛ̨i ɓaa lə! Gaa kpɔlɔ yɛ ɉuwoɠaai tii ta. Mąąhɔlɔɓo, aa Yálá hvulú kwɛlin baa pɔlɔn dɔɔ.

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.

Zasua 5:8

Yii kɛa di Israɛlə lonnii kəlee hee kɛ́nɛ̨ ɓa, di lɛɛ ɓɛi tii di kɛ laa, ə lɛɛ ɉu, gəlee di kulɔ yai.

Samuɛlə dɔlɔɔ 7:16

Kwɛlan dɛitɛi yee mu, ə kɛi lia tɛɛ daaɠaa hu, Betɛlə, Gilgalə, Mispa, yɛ Israɛlə mąą mɛ̨nįɠaa ɲɛ̨i kulɔ daaɠaai tii hu.

Samia Veerɛi 19:15

Davidə hvaa woo tii ə Ɉuda nuą kəlee lii hon, yɛ da kɛ a nu tɔ̨nɔ̨. Di wɛlɛɛ tɔɔ diɛ tɔɔmun ma: «Yɛ́ ka ə́ pɔ nuą kəlee ka pa.»

Mise 6:5

Yɛ́i a nwɔ́ nu huwu, ə́ kiliŋąhiɛ, mɛ̨nįi kɛ Moabə tɔɔmun Balakə kwəi yɛ hvilɛn na yɛ́ mą, ɛlɛɛ, bələi Beɔrə lon Balaamə ə nwoo pulu pənə la. Ə həɠə Sitimə, ə həli la Gilgalə, bələi Yai-Laa yee ə tɛɛ la ɲowoɠaa diɛ, ka káá pai gbaɠala kaai.

Sofoni 2:8

Yai-Laa yɛ diɛ: Nalan Moabə ə bili, aa too nwə́lii. Ɛlɛɛ, nwoo ɲɔ̨n Amɔn lonnii di ɉaa nwɔ nu huwui ɓa, a nalan di bili aa nwąną mąą; a lɔi di mo Israɛlə nwɔ lɔi hu.

Nehemi 12:29

ə həɠə Bɛtə-Gilgalə da Gɛva da Azmawɛtə ɲeakɔɔɠaa hu, mąąhɔlɔɓo, nwələ too nuą daa kɛ di wɔ taaɠaai tɔɔ Ɉerusalɛmə taa kwɛlɛ.

Osia 4:15

Yii kpɔ yɛ́, Israɛlə, yá kɛ wɛli hon ɉii, Mąą hvo nɛ̨ɛ̨li Ɉuda yaa kpɛlimąn, hvo tɔɔ yɛ ɉɔn gɛ. 'Ka hvo li Gilgalə, 'ka hvo tɛ Bɛtə-Awɛn, 'ka hvo ka kwɛla, kaa kɛ diɛ: «A kɛ kpɔ Yai-Laa kaa a vulú.»

Amɔsə 5:5

Kɛlaa, Yálá hee pɛlɛ́i ŋɛ̨i gaa Betɛlə daai hvəi ka gwɛ́li laa. Ka hvo kpɛli li Gilgalə daai. Ka hvo kɛ ka káá lii Beɛrə-Seva daai Mąąhɔlɔɓo, Gilgalə nuą kaa pai li luwɔlaa hu. Yálá hee pɛlɛ́i ŋɛ̨i gaa Betɛlə daai, naa kaa pai lɛɛi a nąnį nwɔ pɛlɛ́.