Zasua 4:14 - Yálá laawoo hɛɓɛ (dc)

¹⁴ Nąąlɔwai, Yai-Laa ə Ɉosue kɛnɛ̨ nuą ɲɛ̨i ɓa, nuą diɛ ɲɔw mą, yɛ bələi di kɛi ɲɔw la Moisə ɓa ɲíi hvóló kəlee hu.

Yálá laawoo hɛɓɛ

¹⁴ Nąąlɔwai, Yai-Laa ə Ɉosue kɛnɛ̨ nuą ɲɛ̨i ɓa, nuą diɛ ɲɔw mą, yɛ bələi di kɛi ɲɔw la Moisə ɓa ɲíi hvóló kəlee hu.

Bible

¹⁴ Maa ɣêlei tí, Yâwɛɛ è ƃaa kɛ́-maa kɛ́tɛ tɛ̀ɛ Zasua pɔ́ Eezuɛ-ŋai kélee sáma. Ŋumɛ mâa kɛ́tɛ è kɛ̀ Eezuɛ-ŋai yêei Zasua mɛni ma, ŋɔkɛ-ɣéniɛi su yɛ̂ɛ berei è kɛ̀ la díyêei Mose mɛni mai.

Zasua 4:14 Referans Kwoze

Zasua 3:7

Yai-Laa yɛ Ɉosue ɓa: «Ə həɠə háákələi ɓa, gáá pai ə́ kɛnɛ̨i Israɛlə nuą kəlee ɲɛ̨i ɓa; əgɛ, di gɔlɔn diɛ, gáá ə́ pɔ, yɛ bələi ŋį́ kɛ la Moisə pɔ.

Kɔlɔnikɔ Veerɛi 30:12

Ɉuda lɔi hu ɓə Yálá ə tunwɔ̨n naa nuą lii ɓa, nu kəlee di hvaa mą, mɛ̨nįi tii tɔɔmun da nwɔ kalanɉonŋąą di mo, di ɉon, di bɔ mɛ̨nį kɛ yɛ bələi Yai-Laa hvaawoo ə kɛ la.

Lomaŋ 13:4

Mąąhɔlɔɓo, gaa tíi Yálá ɓa, əgɛ, ə́ ə́ ɲąątɔɔ a mɛ̨nį lɛlɛɛ kɛɛ ɓa. Kɛlaa, akɛ yá mɛ̨nį ɲɔ̨n gɛi, 'ɲɔw kani kiti tee mun ma. Mąąhɔlɔɓo, hvaŋąi gaa ɲəi yɛ mɛ̨nį kɛ la, hvo ɲəi kpɛli, gaa Yálá ŋą kóló ɓa, yɛ Yálá nwąną kulɔ la, mɛ̨nį ɲɔn gɛmun ma.

Tɔɔɓɛlaa dɔlɔɔ 3:28

Giiti tii tɔɔmun ə dee, bələ ə taɠa taɠa Israɛlə lɔi hu; nu kəlee diɛ ɲɔw tɔɔmun ma. Mąąhɔlɔɓo, di gaa diɛ Yálá-taa kili kaa mą, yɛ mɛ̨nįɠaa hutɔɔ la.

Hanwon 24:21

Nón, ɲɔw Yai-Laa ɓa, da tɔɔmun. Nuąi da nɔgili kɛ, diɛ mɛ̨nįɠaa mąąhvalin, 'hvó too di pɔ.

Samuɛlə dɔlɔɔ 12:18

Samuɛlə ə Yai-Laa hvɛli. Yai-Laa ə yələgbąnąą tulɔ pu, a mąą yələi tii. Nɔi lonnii kəlee di ɲɔw Yai-Laa da Samuɛlə diɛ.

Lɛɛ gbɔwɔ ɓa 14:31

Bələi Yai-Laa ə nwɔ sə mɛ̨nį kɛ la, yɛ Israɛlə lonnii kulɔ Eziptə nuą yəi, di nąą kaa, di ɲɔw Yai-Laa ɓa, di laa na; di laa nwɔ̨nɔ̨ nwɔ tímun Moisə la.

Korɛntə dɔlɔɔ 10:2

ɛlɛɛ, di di kəlee di mąąwaa da Moisə ni dulɔ kpinįn mu, da gboloyá hu.

Zasua 4:13

Kɔ kɔ́ nuą nu waa pow nąąn ɲɔ̨nwɔ̨mąn ə tɛɛ Yai-Laa lííla, di Ɉurdɛn teen, diɛ li Ɉeriko nɛ̨ŋɛ̨i pələ.

Zasua 4:15

Yai-Laa ə mo Ɉosue ɓa, yɛ mą:

Lɛɛ gbɔwɔ ɓa 11:3

Yai-Laa ə Israɛlə lonnii wɛli too Eziptə nuą diɛ. Yii ɓaa Moisə nwɛi, mąąwiai kɛ Eziptə nɔi nuą kəlee ɲɛ̨i ɓa, ə mą kɛ tɔɔmun nwɔ nu kpɛa-kpɛai da nɔi lonnii kəlee.

Tɔɔɓɛlaa veelɛ 2:15

Yálá kwəi mɛ̨nį hukulɔ nuą di wɔ kalan nɛa ŋɛ̨i kɛ Ɉeriko, yii kɛa di gaa tii, diɛ di kee ɓa: «Yálá nwɔ Kilii ŋɛ̨i kɛ Eli yəi, yɛ Yálá kwəi mɛ̨nį ɓo la, aa lɔ Elise hu.» Di nɛɛ mą, di pa, di Elise laakwiɛn, di pɛlɛ nɔi ɓa di kwɛli hvilɛn mą;

Kɔlɔnikɔ Maa-ŋuŋ 29:25

Yai-Laa ə Salomɔn kɛnɛ̨ kpɔ kpąą Israɛlə nuą kəlee ɲɛ̨i ɓa, ɛlɛɛ ə nwɔ tɔɔlaai mąąɲįnɛ̨n gɛ mą, ɲɔ̨nwɔ̨mąn və ta kɛli mą a Israɛlə tɔɔmun da.