Zasua 4:12 - Yálá laawoo hɛɓɛ (dc)

¹² Yili pulu, Gadə nu huwu, Rubɛn da Manase huwu bələ tɔ̨nɔ̨ nuą, yiiɠaai kɛ a kɔ́ kɔ́ nuą, di tɛɛ Israɛlə nuą yiiɠaai tii tɔwɔ, yɛ bələi Moisə ə mo la diɛ.

Yálá laawoo hɛɓɛ

¹² Yili pulu, Gadə nu huwu, Rubɛn da Manase huwu bələ tɔ̨nɔ̨ nuą, yiiɠaai kɛ a kɔ́ kɔ́ nuą, di tɛɛ Israɛlə nuą yiiɠaai tii tɔwɔ, yɛ bələi Moisə ə mo la diɛ.

Bible

¹² È kɛ̀ tí, Lubiŋ da Gâa dílônii da Manasɛ ǹônii sinaai kpéli-ŋai dí tɛ̀ɛ ǹûai túɛ pere, díkpîŋ kpɛtɛ kɔ́ kɔ́ mɛni ma yɛ̂ɛ bere Mose è mò la dîai.

Zasua 4:12 Referans Kwoze

Zasua 1:14

Ka nɛ̨ąni ka lonnii da ka wɔ taatɛlɛɛɠaai, di kaa lɛɛi nɔi, ɓɛi Moisə ə nąą tɛɛ ka pɔ, Ɉurdɛn pulu pələ. Yili ɓa kaa ŋɛ̨i a ɉinąą, kaai kpɔ a kulaa walawalaɠaa, ka ka hąą yili, ka tɛɛ ka kaayɔwɔɠaa tɔwɔ, ka kpɔn mąą tɛɛ di pɔ,

Lɛɛ gbɔwɔ ɓa 13:18

Yili ɓə gɛ, Yálá ə di ɲɛ̨i tinɛ̨n, di tɛɛ a nɔi pun ɉu pələ, veegbɔnɔ̨ gboloyá pɔ pələ. Israɛlə lonnii kpulu hu kɛnɛ̨i kpɔ kɛ diɛ həɠə Eziptə.

Lonon mo 1:24

Gadə lonnii lɔwai, yiiɠaai di kaa kwɛlan ə kɛ pow hveelɛ, da yiiɠaai di wɛi tɛɛ ɉu, diɛ pɛli ɓɔwa kwɛaa yalai daa hu, di hee kpəlin na kɛi di mo a gwəliɠaa laa da bɛlɛ́ɠaa laa,

Lonon mo 32:17

Kuɔ kpinįi kwa gɔ́ kɔ́ hɛnŋąą həɠə a mąą hulaa, kuɔ tɛɛ Israɛlə lonnii ɲɛ̨itɔwɔ; ə lɛɛ ɉu ku di lɔ di wɔ lɔi hu. Ku lonnii kaa lɛɛi ɓɛ daaɠaa hu, di mąątínɛ̨n ŋąą a hįį kpoloon. Di mąą yɛ kpɛ la tii nɔi hu nuą tɔwɔ.

Dutɛrɔnome 3:18

Nąąlɔwai ɓə ŋį́ mɛ̨nįi ŋɛ̨i ɓo la kaa, gɛ́ kaa: «Yai-Laa ka wɔ Yálái ɓə nɔi ŋɛ̨i tɛɛ ka pɔ a ka wɔɔ. Kaai kpɔ a gɔ́kulááɠaa, ka Ɉurdɛn teen, ka ka hąą yili, ka tɔɔ ka nąn nonnii Israɛlə nuą tɔwɔ.

Dutɛrɔnome 33:21

Gadə aa nɔi nɛlɛɛ həɠə, yii a kulaa tɔɔi, ya ɓə ə ɉəɠə. Aa too nɔi nwun nąmįną pɔ, Aa Yai-Laa nwɔ tələnmolaa pɔ túwɔ́ ɓo, da mɛ̨nįɠaa Yai-Laa ə naa gwə́i Israɛlə ɓalo mɛ̨nį ɓa.»

Zasua 4:11

Ɓɛlɔwai nuą kəlee di ɲá teen na, ɉaláá laa həli nuą di tɛɛ nuą tɔwɔ a mįnɛ̨ kəhi.

Zasua 4:13

Kɔ kɔ́ nuą nu waa pow nąąn ɲɔ̨nwɔ̨mąn ə tɛɛ Yai-Laa lííla, di Ɉurdɛn teen, diɛ li Ɉeriko nɛ̨ŋɛ̨i pələ.