Zasua 3:11 - Yálá laawoo hɛɓɛ (dc)

¹¹ Lɔi kəlee Nąmu nwɔ mįnɛ̨ kəhi kaa pai tɛɛi ka tɔwɔ Ɉurdɛn yá hu.

Yálá laawoo hɛɓɛ

¹¹ Lɔi kəlee Nąmu nwɔ mįnɛ̨ kəhi kaa pai tɛɛi ka tɔwɔ Ɉurdɛn yá hu.

Bible

¹¹ Ka gáa, zâla láa soŋ-ƃelai da pâi Kúnuu-namui nyíi gáa a ǹɔii kélee ŋɔkâloŋ ŋɔkono-tee gãlai siɣêi dí tɛ́ɛ la kútuɛ é lɛ́ɛ la zu dí pîlaŋ Zɔdiŋ Ya-leei su.

Zasua 3:11 Referans Kwoze

Zakari 6:5

Yɛ mą́ą́: «Hvaŋą nąąn ga tii, di kɛ tɔɔni lɔi kəlee Nąmu kwɛlɛ, di kɛɛ kɛa lii ka tii.»

Zakari 4:14

Yɛ mą́ą́: «Nu hveelɛi nwulɔ mɛ̨nį nwun na, di ɓo tɔɔni lɔi pilɛɛ gee mɛ̨i Nąmu lííla, diɛ li.»

Mąątɛ̨nɛ̨ 24:1

Davidə nwɔ Yálá mąątɛ̨nɛ̨ wələ. Yai-Laa nwɔɔ ɓaa, a lɔi da ɉu hɛn gɔwɠaa kəlee, nwɔɔ ɓaa, a yɛnɛ̨ɛ̨ da ɉu hee ɓo nuą!

Mise 4:13

'Ə́ muhəɠə, 'mɔ̨nun dan Siɔn nɛ̨ɛ̨gbɛla, gáá pai ə́ mįnɛ̨ɠaa kɛi a kwɛli, gɛ́ ə́ kɔ́wɔɠaa kɛ yɛ kwɛli kpɔlu, ə́ kaa pai lɔi tamąą kiin-giin ɉii, ɉɛn ə́ pai ɉon ɉii a kɔ́, yɛ́ gulɔ Yai-Laa ɓa a haláá, yɛ́ di yəi hɛngɔwɠaa kɛ a Yai-Laa kɔ́ hɛn.

Zasua 3:13

Ɓɛlɔwai lɔi kəlee Nąmu Yai-Laa nwɔ mįnɛ̨ kəhi həɠə nuą kɔ́wɔ kaa pai hvilɛn ɉii la ɲái, nąąlɔwai Ɉurdɛn yá a tee ɲələi pələ, ɉu a tee ɉu di tɔwɔ.»

Zakari 14:9

Mąą yələi tii, Yai-Laa a gbɔwɔ lɛ a yɛnɛ̨ɛ̨ kəlee nwɔ tɔɔmun, a kɛ tii, Yai-Laa yaa tanɔ̨n mə a kɛ laa, naa ə ɓo tanɔ̨n.

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Ɉeremi 10:7

Gbɛɛ a pɛli niikpələi a yɛ́! Lɔiɠaa di wɔ tɔɔmun! Mąą nɛ̨ɛ̨ kilimąą nuą di hɔlɔɓo lɔi kəlee hu, di tɔɔ, lɔiɠaa hu, Kɛlaa, nu ta hvo laa yɛ ɓo yɛ yɛ́!

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Azaya 3:12

Éé kə́! Nwɔ́ nu huwui! Nwɔ́ nu huwui laanɔ̨nwɔ̨ ɓomun gaa a tunun, nɛ̨ąą ɓə mun nɔi ɲąąwoo kaa di la; Éé kə́! Nwɔ́ nu huwui! Nuąi ka ɲɛ̨́i tɔwɔ di kaa ka lan ɉi, di kaa pələ lɛi kaa a viənŋąą.

Zôo 41:11

Mąlą mąlą yɛ kulɔ na, nwɔ̨n gbalənŋąą diɛ kulɔ laa.

Dutɛrɔnome 9:3

Ka káá pai gili kɔ́lɔn ɉii kaa diɛ, Yai-Laa ka wɔ Yálái ɓə pai tɔɔi ka ɲɛ̨i tɔwɔ yɛ Ɉurdɛn teen a kaa, yɛ nwɔ̨n gbəɠiɛ; yaa tii ɓə pai Anakə nuą huwu pui, yɛ di tɛɛ ka pɔ, ka káá pai nɔi kulɔi di yəi, ka di kpɛɛ yɛnɛ̨ɛ̨ ɲąąɓa, yɛ bələi Yai-Laa ə di laakwɛlanmo la kaa.

Mąątɛ̨nɛ̨ 97:5

Yeeɠaa di kɛi həɠeen Yai-Laa tɔwɔ, yɛ kwɛ̨ingban, yɛnɛ̨ɛ̨ nąą kəlee ɲąąwooɓo Yálá tɔwɔ.

Kɔlɔnikɔ Maa-ŋuŋ 29:11

Heeɓolaa, huwalawalalaa, lɛlɛ, mąąɲįnɛ̨n, mąąwiɛ, di kaa Ə́ yəi, gbala ə tɔɔ, hɛn lɔpee yələ kɔ́lɔn ɉu, da lɔi ɓa, Ə́ wɔɔ ɓaa a gəlee. Ə́ wɔ tɔɔlaa da ɲąąwooɓolaa pɛlɛɛi hɛn gəlee mɛ̨i.