Zasua 3:1 - Yálá laawoo hɛɓɛ (dc)

¹ Ɉosue da Israɛlə lonnii kəlee di di muhəɠə yələwala pɔ, di həɠə Sitimə lɔi hu, di həli Ɉurdɛn ɓa. Di həliɛ laa, di yii laa, gɛɛ di hvo kɛ ɲá teen ɉii.

Yálá laawoo hɛɓɛ

¹ Ɉosue da Israɛlə lonnii kəlee di di muhəɠə yələwala pɔ, di həɠə Sitimə lɔi hu, di həli Ɉurdɛn ɓa. Di həliɛ laa, di yii laa, gɛɛ di hvo kɛ ɲá teen ɉii.

Bible

¹ Zasua da Eezuɛ-ŋai kélee dí dímù sìɣe a ɣele-ƃɔ̂i dí kúla Akesia ƃɛ́i díƃûui è kɛ̀ naai dí lí Zɔdiŋ Ya-leei lá ƃɛ́i dí díƃûui pù naa díkɛ maa kpɛ̂ŋ kɛ̀ a gɛ́ɛ dí ǹyái tíyeŋ.

Zasua 3:1 Referans Kwoze

Zasua 2:1

Di lɛɛ Sitimə lɔi hu, Nun lon ɉulɔnu Ɉosue, ə nu hveelɛ tɔɔ, diɛ li kɔ́ nɛ̨lɛ̨ɛ̨n naa kɛi; yɛ diɛ: «Ka li, ka Ɉeriko lɔi hu kaa.» Di li di lɔ wɛlikɛ nɛ̨ɛ̨nu ta yəi bɛlɛ́n, yii di kɛi kɛ naa ɓaa Rahabə, di lɛɛ laa.

Markə 1:35

Mąą yələ laaɓoɔ, yələ ɓoi kpinį mu, Jesus ə kulɔ bɛlɛ́n ə li daa pulu pələ yɛ Yálá hvɛli dɔ̨nɔ̨ kɛɛnąą.

Mise 6:5

Yɛ́i a nwɔ́ nu huwu, ə́ kiliŋąhiɛ, mɛ̨nįi kɛ Moabə tɔɔmun Balakə kwəi yɛ hvilɛn na yɛ́ mą, ɛlɛɛ, bələi Beɔrə lon Balaamə ə nwoo pulu pənə la. Ə həɠə Sitimə, ə həli la Gilgalə, bələi Yai-Laa yee ə tɛɛ la ɲowoɠaa diɛ, ka káá pai gbaɠala kaai.

Ɉeremi 26:5

ká wala ká wəli tɔɔ nwɔ́ tínuą, da gwə́i mɛ̨nį hukulɔ nuą woo ɓa, diɛi ŋą́ kɛ di tɔɔ ká pɔɔli a yələ kəlee, ɛlɛɛ, yaan, ka hva kpɔ kɛ ka wəli tɔɔi diɛ.

Ɉeremi 25:3

«Ə həɠə Ɉuda tɔɔmun Ɉosiasə Amɔn lon nwɔ tɔɔlaa gwɛlan pow kɔ́w haaɓa yələ ɓa, ə həli la yiihu ɓa, aa kɛ kɛa a kwɛlan pow hveelɛ kɔ́w haaɓa, Yai-Laa a kɛ kpɔlɔɔ mɛ̨nį ɓoi mą́ą́, gɛ́ pa gɛ́ naa həli kaa, vįi hva kpɛɛ, kɛlaa, ka hvo ta ka wəli tɔɔ li nwóó ɓa.

Ɉeremi 7:13

Yai-Laa woo ka, yɛ diɛ: Yili ɓa, kaa kpɛli mąn, kaa túwɔ́ a ɲɔ̨nwɔ̨ɔ̨. Ŋą́ mo kaa, ŋį́ pənə ŋį́ mąą lɔ, kɛlaa, ka hvo gɛ li ka hvo ka wəli tɔɔ! Ŋą́ą́ ka təli hveelɛ hveelɛ, ka hvo gɛ li ka hvo hvaa nwóó mu.

Mąątɛ̨nɛ̨ 119:60

Gáá mą́ą́hulɔi, vá nwų́ɔ̨ wɔlɔ, ə́ wɔ tiɓoɠaai kɛ mɛ̨nį hu.

Lonon mo 25:1

Israɛlə ə hee Sitimə, nuą di gbala tɔɔ diɛ di yee lɔ wɛli mɛ̨nį hu, da Moabə nɛ̨ɛ̨lɛa.

Zɛnɛse 22:3

Mąą yələ laa ɓoɔ, Abrahamə ə humo, yələ ɓoi bɔ lɔwai ə kwɛi ɓɛla, yii di kaa li ɉaláá hɛn gələn ɉii la. Ə nwɔ hoohvaalən hąą yili, ə nwɔ luwɔ hinąą veelɛ həɠə, di tɛɛ diɛ li ɓɛi ŋɛ̨i di nąą lɛ mą, da Isaakə ni kəlee.

Zɛnɛse 21:14

Mąą yələ laa ɓoɔ, yələwala pɔ, Abrahamə ə kɔ̨nɔ̨nŋąą həɠə, da hvólówo tɔ̨nɔ̨ laahvɛɛ a ya, ə ɉəɠə ə dɛɛ Hagarə pɔ, ə bɛlɛ non ma, yɛ diɛ: «'Ka li!» Hagarə ə həɠə, yɛ li Beɛrə-Seva nɔi pun ɉu pələ.

Zasua 6:12

Yələwala pɔ, Ɉosue ə humun, da ɉaláá laa həli nuą ŋɛ̨i Yai-Laa nwɔ mįnɛ̨ kəhi ə kɛ di yəi.

Zasua 6:15

Voló mɛ̨ihveelɛ yələ, di humun, di daa mąątinɛn mɛ̨ihveelɛ, bələi lɔ hiɛ di kɛi gɛ la a bɔlɔ, di gɛ tii. Voló tɔ̨nɔ̨i tii, di daa mąątinɛ̨n mɛ̨ihveelɛ.

Zasua 7:16

Ɉosue ə humun kpɔ yələwala pɔ ə nuą tɔɔ a ɉuwuɠaa laa, Ɉuda nu huwu ɓə ə too di mɛ̨i.

Zasua 8:10

Ɉosue ə humun kpɔ yələwala pɔ, ə nwɔ kɔ́kulááɠaa mɛ̨i kaa, da diɛni di həɠə diɛ li pɛlɛi Ai taa ɓa. Israɛlə kalanɉonŋąą di ɓo gulááɠaa ɲɛ̨i tɔwɔ.

Nwun mąąɓo 20:19

Mąą yələ laa ɓoɔ, Israɛlə nuą di tɛɛ, də li di di wɔ kɔlaɠai pɛlɛ Givea taa kwɛlɛ.

Samuɛlə dɔlɔɔ 17:20

Davidə ə muhəɠə yələwala pɔ, ə nąn nwɔ taatɛlɛɛɠaai lɛɛ nu ta yəi, yɛ mɛ̨i kaa. Ə diɲɛ həɠə, yɛ li yɛ bələi nąn Ɉɛse ə dɔɔ la. Ə həli ɓɛi gɔ́ ɓuwu ə kɛ laa, nuą daa di muhəɠə kɛa diɛ li gɔ́ ɓa, diɛ tomą.