Zasua 22:8 - Yálá laawoo hɛɓɛ (dc)

⁸ Yɛ diɛ: «Ka káá pənəi ka li ka wɔ pɛlɛ́ɠaai mu a hɛn gɔw kɛnɛ̨, da taatɛlɛɛ kpulu kɛnɛ̨, a wali, hɛni, ɓala kwɛli, kwɛli leelee, da həɠəɠaa, kpɔ tamąą. Ɉɛnŋąąi ka ɉɔlɔɓo a kɔ́ pulu hɛn ka yowoɠaa yəi, ka ɲąąkwɛlɛ, ka ka nąn nonnii ka lɔwai, 'ka di kɔ́.»

Yálá laawoo hɛɓɛ

⁸ Yɛ diɛ: «Ka káá pənəi ka li ka wɔ pɛlɛ́ɠaai mu a hɛn gɔw kɛnɛ̨, da taatɛlɛɛ kpulu kɛnɛ̨, a wali, hɛni, ɓala kwɛli, kwɛli leelee, da həɠəɠaa, kpɔ tamąą. Ɉɛnŋąąi ka ɉɔlɔɓo a kɔ́ pulu hɛn ka yowoɠaa yəi, ka ɲąąkwɛlɛ, ka ka nąn nonnii ka lɔwai, 'ka di kɔ́.»

Bible

⁸ È mò dîa ǹyɛɛi, “Ka lí kápɔ-taai a dɔɔ sãai ŋí: taa-tûlɛ-ŋa, káne, gôo, ƃara, kɔli da zeɣe-ŋa, ǹyɛɛ dîa ka lí a zãâi ŋí ká da tɛɛ káƃarâai Eezuɛ-ŋai pɔ́.”

Zasua 22:8 Referans Kwoze

Lonon mo 31:27

Ɉɛnŋąąi di di hon, di di ɲąąkwɛlɛ, bələ tɔ̨nɔ̨ ə lɛɛ nuąi li gɔ́ ɓa di yəi, bələ tɔ̨nɔ̨ ə lɛɛ nuąi lɛɛ nɔi di yəi.

Hanwon 3:16

A nu yíi kwɛa, ɛlɛɛ, yɛ yee la hvólón da mąąwiɛ tɛɛ bɔ pələ kəlee hu.

Samuɛlə dɔlɔɔ 30:24

Gbɛɛ kpɔ ɓə a pɛli nwəli tɔɔi ka woo ɓa mɛ̨nįi ŋɛ̨i hu. Nui a li gɔ́ ɓa, da nui a lɛɛ ɉɛnŋaakwɛlɛ, di kɔ́ pələ a kɛ lɔ tɔ̨nɔ̨ gɔ́ honŋaa tii, da gəlee pɛlɛ lɔ gee ɓa, di ŋaakwɛlɛ.»

Hebreu 11:26

Ə Kristə ŋą mɔ̨nɔ̨i kaa a hɛn viɛlaɓoɔ ə tɛɛ Eziptə hɛn gɔw ɓa. Mąąhɔlɔɓo, ɲɛ̨i heɛi kɛ hvɛla kulɔ ɓa.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Mąątɛ̨nɛ̨ 68:12

Ną́mu! Ə nwɔ tínuąi tí, nwɔ wɛlɛɛɓo nuąi kaa a kɔlaɠa hu kɛnɛ̨.

Kɔlɔnikɔ Veerɛi 17:5

Yai-Laa ə nɔi hvaŋą ta pɛlɛ mą ɲee ŋą. Ɉuda nuą di kɛi pa Ɉosafatə pɔ a mɛ̨inɛ̨ɛ̨ hɛnŋąą; yili ɓə gɛ, ə kɛ la a hɛngɔw nąmu kɛnɛ̨, ɛlɛɛ, mąą ə wiɛ.

Samuɛlə dɔlɔɔ 30:16

Ɉulɔnui tii ə tɔɔ Davidə tɔwɔ, də li Amalɛkə nuą daa kɛ taɠa taɠa nɔi nąą kəlee diɛ kɔ̨nɔ̨n mįi, diɛ di kpələ, diɛ kwəinɛ̨ɛ̨ kɛnɛ̨ kulɔ a ɉɛn gɛnɛ̨i tii di ɉɔlɔɓo Filisti lɔi hu da Ɉuda lɔi hu.

Kɔlɔnikɔ Veerɛi 32:27

Ezekiasə ə hɛn gɔw kɛnɛ̨ hɔlɔɓo, da mąąwiɛ. Ə wali, hɛni, kúɔ-kwɛni lɛlɛɛɠaa, mąątí wulɔ, kɔ-kɔ gbala da hɛn mąą mɛ̨nį nwąnąąɠaa huwui lɔpee gəlee hɔlɔɓo, ə bu gee mɛ̨i.

Kɔlɔnikɔ Maa-ŋuŋ 5:9

Voló ɓɛlai pələ, di hee lɔi ə həli nɔi pun mą Eufratə ɲalee kwɛlɛ, mąąhɔlɔɓo, di wɔɔ taatɛlɛɛi gbulu hu kɛnɛ̨i kɛ Galaadə lɔi hu.