Zasua 22:5 - Yálá laawoo hɛɓɛ (dc)

⁵ Yii lɔ kɛa ka káá gɛi, ya ɓaa: dɔ́nŋąą da bɔ liɛwooɠaa Yai-Laa nwɔ tímun Moisə ə dɛɛ ka pɔ, ka ɉon, ka bɔ mɛ̨nįɠaa kɛ. 'Ka kólo kɛ Yai-Laa ɓa a ka lii kəlee, da, ka yíi pələ kəlee hu, 'ka kanąn nwɔ tɔ́nŋąąi diɛ, 'ka naa hon mo a kwəi tɔ̨nɔ̨ laa.»

Yálá laawoo hɛɓɛ

⁵ Yii lɔ kɛa ka káá gɛi, ya ɓaa: dɔ́nŋąą da bɔ liɛwooɠaa Yai-Laa nwɔ tímun Moisə ə dɛɛ ka pɔ, ka ɉon, ka bɔ mɛ̨nįɠaa kɛ. 'Ka kólo kɛ Yai-Laa ɓa a ka lii kəlee, da, ka yíi pələ kəlee hu, 'ka kanąn nwɔ tɔ́nŋąąi diɛ, 'ka naa hon mo a kwəi tɔ̨nɔ̨ laa.»

Bible

⁵ Káfe ǹîa ní Yâwɛɛ ŋɔtɔ̂ŋ-ŋai kélee mɛi káa mɛni ma nyíi ŋɔyée mu-nuui Mose è dɛ̀ɛ kápɔi, a gɛ́ɛ ká Káɣalai Yâwɛɛ wɛ́li, ká ǹîa mɛnii kɛ́, ká kánaŋ m̀a, ká tíi kɛ́ mì a kálii kélee da kámɔ̂leŋ kélee.”

Zasua 22:5 Referans Kwoze

Maafîu 22:37

Jesus yɛ mą: «‹Mąąnɛ̨ɛ̨ ə́ Ną́mu Yálá wɛli la kɛ a ə́ lii kəlee da ə́ kpinį kəlee ɛlɛɛ, da ə́ wɔ kiliŋąhiɛ kəlee.›

Lɛɛ gbɔwɔ ɓa 20:6

Kɛlaa, nuąi da nwɛ́lila kɛ diɛ lɛɛ nwɔ́ tɔ́n nwooɠaa pulu, ŋą́ mɛ̨inɛ̨ɛ̨ kɛ di lonnii diɛ, da di mąnįn bulu mąnįnŋąą diɛ gee mɛ̨i waa tamąą.

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Dutɛrɔnome 11:22

Mąąhɔlɔɓo, dɔnŋaa ŋɛ̨i gaa dɛɛi ka pɔ, ka ka yee kɛ mą kpɔ a nelee, a ɲąą pɛliɛ, kaa Yai-Laa ka wɔ Yálái wɛli la kɛ, kaa lɛɛ la nwɔ pələɠaai kəlee mɛ̨i, kaa kanąn mą a woo tɔ̨nɔ̨ laa;

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Maafîu 4:10

Jesus ə nwoo ɲąąpənə yɛ mą: «Ɓilihi həɠə búlú! Mąąhɔlɔɓo, bɛ̨ɛ̨i Yálá laawoo hɛɓɛ́ hu, diɛ mą: ‹Kwɛli hvilɛn ə́ Ną́mu Yálá yaa kɔ́w tɔ̨nɔ̨ gbən ɓa, ə́ mąąwiɛ tɛɛ bɔ.›»

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

Lomaŋ 1:9

Hvó gaai, Yálá kaa a nwɔ́ kɛla, yai gáá tíi mą níí hu, gɛ́ non mąą wɛlɛɛ lɛlɛɛ laa həli, ə gɔlɔn gbɔ yɛ, ŋą́ kɛ gílíŋąhiɛi kaa nwɔ́ Yálá hvɛliɛ pələ kəlee hu.

Gɛlaɠaa 27:23

Háá, a kwii hɛ̨ą, Yálái gáá ɲee kɔnma, gɛ́ tíi mą, nwɔ malaka ta ə gbɔwɔ lɛ mą́ą́,

Gɛlaɠaa 11:23

Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Ɉaan 14:15

«Akɛ ka nwɛ́li la kɛ, ka nwɔ liɛwooɠaa hon,

Lukə 1:74

a ku kulɔ ku yowoɠaa yee mu, ku lɛɛ ku kpɔɔ ɓa, əgɛ, ku tiɓo kɛ yaa tɔ̨nɔ̨ gbən ɓa a ku kwəinɛ̨ɛ̨.

Maafîu 6:24

«Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Azaya 55:2

Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.

Mąątɛ̨nɛ̨ 106:3

Nuąi da tɛ̨ą mɛ̨nį kɛ, di nwun na nɛ̨ɛ̨i, a diɛi ti da tələnmo yíi ɓo a yələ kəlee!

Dutɛrɔnome 11:13

A tɛ̨ąą! A kɛ ka ka wəli tɔɔ kpɔ a nɛlɛɛ nwɔ tɔ́nŋąą diɛ, yaai gáá háákələi naa həlii kaa, kaa Yai-Laa ka wɔ Yálái wɛli la kɛ, kaa tí mą a ka kwəi tɔ̨nɔ̨, a ka nwąnąąi kpɔ-kpɔɔ,

Dutɛrɔnome 11:1

Ka Yai-Laa ka wɔ Yálái wɛli la kɛ, nwɔ tíɓoɠaa nwɔ yɛnɛ̨ɛ̨ mąą tɔ́nŋąą, da nwɔ yɛnɛ̨ɛ̨ hon bələɠaai gáá dɛɛi ka pɔi, ka di kɛ a yələ kəlee.

Dutɛrɔnome 6:17

Mąąnɛ̨ɛ̨ ka Yai-Laa ka wɔ Yálái nwɔ tíɓoɠaa kɛ, da nwɔ tɔ́n nwooɠaa, da nwɔ lɔi hu yíi ɓo pələɠaa, yaai Ə naa ka nwuɔ̨.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Hanwon 4:23

Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Samuɛlə dɔlɔɔ 12:24

Yii lɔ gaa mą a ɉaŋąą, ya ɓaa: Ka ɲɔw Yai-Laa ɓa, ka tí mą a ka kwəi kwɛlɛɛ a kilitɔɔmąąlaa, mąąhɔlɔɓo, aa gbɔwɔ lɛ kaa, yɛ gɛnɛ̨i.

Samuɛlə dɔlɔɔ 12:20

Samuɛlə yɛ nɔi lonnii diɛ: Ka hvo ɲɔw, tɛ̨ą li kaa ɓə mɛ̨nį ɲɔ̨n ŋɛ̨i kəlee kɛ, ə mą kɛ tii, ka hvo ka pulu tinɛ̨n Yai-Laa ɓa, ka tí Yai-Laa ɓa kwəi tɔ̨nɔ̨ laa hu.

Samuɛlə dɔlɔɔ 7:3

Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»

Zasua 23:8

Kɛlaa, 'ka kanąn Yai-Laa ka wɔ Yálái ɓa, yɛ bələi kaa gɛ la, aa lɛɛ ɉu háákələi yələ aa həli.

Dutɛrɔnome 13:4

Mąą hvo nɛ̨ɛ̨li, ka hvo ka wəli tɔɔ mɛ̨nį hukulɔ mun tii ɓa, a wala kɛ tii, ɉįi kaamun tii. Mąąhɔlɔɓo, Yai-Laa ka wɔ Yálá ka tii pai kɛi ka hukɔɔn ɉii, ə gɛ, ə ka káá a nuąi da Yai-Laa ka wɔ Yálái wɛlilakɛ a di kwəi tɔ̨nɔ̨, a di nwąnąi kpɔ-kpɔɔ.

Dutɛrɔnome 10:20

Yai-Laa ka wɔ Yálái ɓə mąąnɛ̨ɛ̨ ka ɲɔw mą, kaa tí mą, ya ɓə ka ka kwɛla a naa.

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Dutɛrɔnome 4:6

Mąąnɛ̨ɛ̨ ka ka yee kɛ diɛ, ka di pɔ mɛ̨nį kɛ. Yili ɓə a ka kɛ a kilimąą nuą da mɛ̨nį hukpɛ nuą, nuąi pai dɔ́nŋąą tii mɛ̨n ɉii di ɲɛ̨i ɓa, diɛ kɛ diɛ: «Nu kpulu kɛnɛ̨i ŋɛ̨i kaa a nu huwu kilimąą, diɛ ɓo a mɛ̨nį hukpɛ nuą.»

Dutɛrɔnome 4:4

Ɛlɛɛ, kaa ŋɛ̨i a Yai-Laa nwɔ nuą ka káá ni yɛnɛ̨ɛ̨ háákələi.

Ɉeremi 12:16

Akɛ da tɔɔ a di nwąnąąi, diɛ di túwɔ́ a nɛlɛɛ yɛ nwɔ́ nuą, diɛ di mąą kwɛli a di woo kwɛlɛɛ a náá, yɛ́ bələi lɔ di nwɔ́ nuą mąą kwɛli la a di woo kwɛlɛɛ Baalə ɓa, diɛ kɛ mą: «A tɛ̨ą Yai-Laa kaa a vulú» da gɛ tii, da di heei hɔlɔɓo nwɔ́ nuą lɔwai.

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun

Lɛɛ gbɔwɔ ɓa 23:25

Yai-Laa ka wɔ Yálái ɓə ka káá pai kɛi kwɛli hvilɛn ɉii mą, ka gɛ tii, gáá pai lúwɔ́ tooi ka kɔ̨nɔ̨n ma, da ka wɔ yáɠaai diɛ, gɛ́ ɲɔ̨n mąą kwɛa kaa.

Dutɛrɔnome 4:29

Nąąlɔwai, ka káá pai Yai-Laa ka wɔ Yálái kwɛlii nɔiɠaa tii hu, akɛ, ka gwɛli a ka lii kəlee, a kwəi tɔ̨nɔ̨ laa, ka gaa.

Dutɛrɔnome 5:10

Kɛlaa, nuąi da nwɛ́lilakɛ, diɛ di yee kanąn nwɔ́ tíɓoɠaai diɛ, Ŋą́ di wɛlilakɛ, ə həli la di wɔ mąnįn bulu mąnįn waa tamąą ɓa.

Mąątɛ̨nɛ̨ 78:7

'Di wɔ kilitɔɔmąąlaa a kɛ Yálá ɓa, 'di hva lɛ̨ą Yálá kɛ mɛ̨nį kpɛa kpɛaɠaa diɛ; 'di nwɔ tiɓoɠaai kɛ.

Lɛɛ gbɔwɔ ɓa 23:13

«‹Mɛ̨niɠaa kpɔ ŋą́ mo kaa, ka gəlee hon a nɛlɛɛ, ka hvo kwɛli hvilɛn haliɠaa diɛ, nu ta hvo kpɛli di laa mɛ̨n ka la.