Zasua 22:30 - Yálá laawoo hɛɓɛ (dc)

³⁰ Nwooɠaa tii Rubɛn huwu, Gadə huwu, da Manase huwu bələ tɔ̨nɔ̨ di mo, tooi ə mo ɉaláá laa həli mun Pinasə wəlii, da nu kpulu ɲɛ̨itɔwɔ nuą, ə mą kɛ, Israɛlə kɔlaɠa nwun nąmįną, nwoo tii ə nu kəlee lii hon.

Yálá laawoo hɛɓɛ

³⁰ Nwooɠaa tii Rubɛn huwu, Gadə huwu, da Manase huwu bələ tɔ̨nɔ̨ di mo, tooi ə mo ɉaláá laa həli mun Pinasə wəlii, da nu kpulu ɲɛ̨itɔwɔ nuą, ə mą kɛ, Israɛlə kɔlaɠa nwun nąmįną, nwoo tii ə nu kəlee lii hon.

Bible

³⁰ Gɛ́ɛ zâla láa soŋ-nuui Finea da Eezuɛ láa túɛ-ƃelai da Lubiŋ, Gâa da Manasɛ ŋɔsuui su-ƃelai wóo mɛ́nii, dílii è làa.

Zasua 22:30 Referans Kwoze

Zasua 22:33

Yili ə Israɛlə lonnii lii hon, di mąąwiɛ tɛɛ Yai-Laa pɔ, ɛlɛɛ, di wɔ kiliŋąhiɛi tii kɛ diɛ, diɛ kɛ di wolo la Rubɛn huwu, Gadə huwu, da di wɔ lɔi ɓa, di di kili həɠə yili nąą.

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Hanwon 15:1

Woo ɲąąpənə lɛlɛɛ, a líi holi kpɛla bələi. Kɛlaa, woo ɲɔ̨n moɔ nu ɓa, a líi holi ta pɛlɛ mą.

Kɔlɔnikɔ Veerɛi 30:4

Mɛ̨nį hon bələi tii, ə nɛ̨ɛ̨ tɔɔmun da nuą kəlee diɛ.

Samuɛlə dɔlɔɔ 29:6

Akisə ə Davidə təli, yɛ mą: «Yai-laa Yálá hvulúmąą laa hu, nu haŋąą ɓaa yɛ́. Gwə́i nɛ̨ɛ̨ mɛ̨nį ɓa gwa yɛ gwəli gɔ́ ɓa, mąąhɔlɔɓo, və́ mɛ̨nį ɲɔ̨n gaa li ə́ yee pɔ. Yii kpɔ ə́ pa bɔ́, ə lɛɛ ɉu háákələi hvóló a həli. Kɛlaa, ə́ wɛli hvo nɔi nwun nąmįną diɛ.

Nwun mąąɓo 8:3

Kaa ɓə Yálá ə Madian tɔɔɓɛlaa hveelɛi, a Orɛvə da Ɉeɛvə di too ka yee ŋą. Lə kpɔ ɓə ŋą́ gɛ, yaai ka hvo gɛ li?» Ɛfraimə nuą di wɔ líiholii ɲąą ə yɛɛ, nwooi tii Zedeɔn ə mo diɛ mąą mɛ̨nį ɓa.

Zɛnɛse 28:8

Esau ə gbaɠala kaa, yɛ Kanaan nɛ̨ąą wɛli hvo di nąn Isaakə ɓa.

Zasua 22:29

Yálá ə ku kihiɓo, kuɔ li ku kwɛli teei Yai-Laa ɓa, ɛlɛɛ, kuɔ ku pulu tɔɔ háákələi Yai-Laa ɓa, kuɔ haláá kulɔi takpɛli pɛli, ɓɛi da haláá yii da gəlee kələn da liilaa haláá kulɔ laa; ə kulɔ Yai-Laa gu wɔ Yálá nwɔ haláá kon mɛ̨i pulu, yaai gaa heeni nwɔ pɛ́lɛ́i laaləi.»

Zasua 22:31

Ɉaláá laa həli mun Eleazarə lon Pinasə, yɛ Rubɛn huwu, Gadə huwu, da Manase huwu bələ tɔ̨nɔ̨ ni diɛ: «Ku kili aa pu ɉu, kuɔ Yai-Laa kaa gu lɔwai, mąąhɔlɔɓo, ka hvo kɛ nɛ̨ŋɛ̨n daaləi tii həɠə li Yai-Laa ɓa, kaa Israɛlə lonnii kulɔ la tii Yai-Laa yəi.»