Zasua 22:20 - Yálá laawoo hɛɓɛ (dc)

²⁰ Ɲələi Zera lon Akan ə nɛ̨ŋɛ̨n ɉəɠə la ɉɛn kɛ nɛ̨ŋɛ̨n naa mąą mɛ̨nį hu, kɛlɛi Israɛlə lonnii kəlee ɓə níiholi ə yɛɛ di mɛ̨i-yee! Ɛlɛɛ, yaa tɔ̨nɔ̨ hvəi haa nwɔ nɛ̨ŋɛ̨n tii mąą mɛ̨nį hu.»

Yálá laawoo hɛɓɛ

²⁰ Ɲələi Zera lon Akan ə nɛ̨ŋɛ̨n ɉəɠə la ɉɛn kɛ nɛ̨ŋɛ̨n naa mąą mɛ̨nį hu, kɛlɛi Israɛlə lonnii kəlee ɓə níiholi ə yɛɛ di mɛ̨i-yee! Ɛlɛɛ, yaa tɔ̨nɔ̨ hvəi haa nwɔ nɛ̨ŋɛ̨n tii mąą mɛ̨nį hu.»

Bible

²⁰ M̀ɛni nyɔ́mɔɔi Zera ǹóŋ Eekãŋ è gɛ̀i, m̀aa mɛ̂ni kíli fé lɛ̀ɛ ní kákili ŋá? Zãâi dí mò a gɛ́ɛ nùu da fé ziɣei è da sìɣe, ǹyaŋ káai a Eezuɛ-ŋai kélee káfe mɛni sôli káa ní zu? Ǹyaa tɔ̂nɔ fé sàa ní ŋɔsɔyɔ̂ŋ mɛni su.’ ”

Zasua 22:20 Referans Kwoze

Zasua 7:5

Ai nuą di nu pow haaɓa kɔ́w mɛ̨ida ɲɔ̨nwɔ̨mąn baa Israɛlə nuą lɔwai. Ai nuą di hvilɛn nu kpəliɠaa pulu diɛ di kpɛ, ə həɠə daa ɉįi la, ə həli Sevarimə; ɲee yɛɛi ɓə di di paa laa. Israɛlə nuą hvii ə kpɛɛ, ya ə laa di kɔ́lɔi.

Zasua 7:1

Ɉɛnŋąą ŋɛ̨i di tɔ́n dɔɔ mą, Israɛlə lonni di kulɔ nwoo mu laa kɛ mąą mɛ̨nį ɓa. Karmi lon Akan, yai kɛ a Ɉavdi lon, yɛ ɓo a Zera lon, Ɉuda huwu hu mun da, ɉɛn ŋɛ̨i kɛ tɔ́n dɔɔ mą, ə da həɠə, Yai-Laa ə nii ɲąąnwąnąą Israɛlə lonnii diɛ.

Korɛntə dɔlɔɔ 10:6

Mɛ̨nįɠaai tii di kɛ tii, ə gɛ, ə kɛ háákələi gu yəi a mɛ̨nį kɔ́ɔn mąą, ə gɛ, gu ɲɛ̨i hvo pa kulɔ mɛ̨nį ɲɔ̨n bɔ, yɛ bələi di ɲɛ̨i ə kula bɔ.

Zasua 7:24

Ɉosue ə nɛɛ mą ə Zera lon Akan hon, ə bɛlɛ nwali ɓa, da həɠə ə mą kɛ ɉɛni kpuwulu, ə bɛlɛ Akan lon ɉinąą da non nɛ̨ąą diɛ, da nwɔ nįŋɛ̨ɠaai, nwɔ hoohvaalənŋąą, da ɲəi taatɛlɛɛ pɛlɛɛɠaa kəlee, ə mą kɛ nwɔ həɠə pɛ́lɛ́i da yii kpɔ kɛ a Akan nwɔɔ. Da Israɛlə nuą kəlee di bɛlɛ gee ɓa di li Akɔrə ɓoloon ɉu.

Zasua 7:18

Yili pulu bɛlɛ́n nuą diɛ tɛɛ tɛi tɛi; Karmi lon Akan, yai a Zavdi lon, Zera lon yai kɛ a Ɉuda nu huwu ta, ya ɓə ə too mɛ̨i.

Piɛrə veelɛ 2:6

Yili pulu, Yálá ə Sɔdomə taa da Gomorə taa di hvɛla kɛ a nwɔ̨n, yii ə ɉu nuą kəlee nwun napili, di wɔ kili walawala laa mąą mɛ̨nį ɓa. Yálá ə yili kɛ ti, ə gɛ, ə nɛ mɛ̨nį ɲɔ̨n gɛ nuą diɛ, a mɛ̨nįi pai kɛi a diɛ, mąą pɔɔ kɔ́ɔn.

Levetekɔ 10:6

Moisə yɛ Aarɔn da nonnii hinąą hveelɛi, Eleazarə da Itamarə diɛ: «Ka hvə ka nwuɔ̨ kɛ yɔhɔ-yɔhɔ, ka hvo ka mąąhəɠə huɓɛla; ə gɛ ka hvo pa haa, Yai-Laa hvo pa niiɲąnwąną nɔi nuą kəlee diɛ. Ka nɛ̨ɛ̨ laa ka kaayɔwɔɠaa Israɛlə nuą kəlee di nuąi Yai-Laa ə di paa a nwɔ̨n, di haa wɔlɔ ɓo.

Zasua 22:21

Rubɛn lonnii, Gadə huwu, da Manase huwu bələ tɔ̨nɔ̨i tii ni, di Israɛlə kɔlaɠa nwun nąmįną woo pulu pənə diɛ mą:

Kɔlɔnikɔ Veerɛi 24:18

Di di kili kulɔ Yai-Laa di nąnni di wɔɔ Yálái ŋą pɛlɛ́i hu, diɛ kwɛli hvilɛn wulu kpiyɛnŋąą diɛ da haliɠaa. Di túwɔ́ pələi tii mąą mɛ̨nį ɓa, Yálá nwɔ liiɲąnwąnąi ə ɓɛla Ɉuda nuą mɛ̨i da Ɉerusalɛmə nuą.

Zôo 35:8

Ə́ ɓɛlaa lɔ ɓə, ə́ wɔ tuwɔ́ pələ ɲɔ̨n a həli diɛ, yá tələnmolaa kulɔ nwɔ̨nɔ̨, nuą lɔ ɓə a həli diɛ.