Zasua 22:15 - Yálá laawoo hɛɓɛ (dc)

¹⁵ Di həli Rubɛn lonnii diɛ, da Gadə lonnii, ə mą kɛ Manase huwu bələ tɔ̨nɔ̨ Galaadə lɔi hu, di nwooɠaa ŋɛ̨i ɓo diɛ,

Yálá laawoo hɛɓɛ

¹⁵ Di həli Rubɛn lonnii diɛ, da Gadə lonnii, ə mą kɛ Manase huwu bələ tɔ̨nɔ̨ Galaadə lɔi hu, di nwooɠaa ŋɛ̨i ɓo diɛ,

Bible

¹⁵ Nya ƃe dí pà Lubiŋ, Gâa da Manasɛ-ŋai pɔ́ naa Gilia lɔii su, dîɛ dîai,

Zasua 22:15 Referans Kwoze

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Korɛntə dɔlɔɔ 5:4

Gu Ną́mu Jesus laa hu, da nwɔ Hééɓolaa laa hu, hvo kɛli ká kpɔn doo mɛ̨nįi tii ɓa, ŋą́ ɓo ká lɔwai a gíli.

Korɛntə dɔlɔɔ 1:10

Kɛlaa, ną́n nonni, gáá ka liɛwoo ɓoi gu Ną́mu Jesus Kristə laa hu, gɛ́: Ká woo ə kɛ ɉu tanɔ̨n, ɓɛlaɓo hvo kɛ ká lɔwai. 'Ká yili ka kii ɓa kili tɔ̨nɔ̨ hu kiliŋąhiɛ tanɔ̨n ɉu.

Maafîu 18:17

Akɛ a wala nwəli tɔɔ nuą tii woo ɓa, doo Yálá nwɔ nu kpului ɓa. Akɛ a wala nwəli tɔɔ di woo ɓa, yá gwɛdɛn yɛ nui hvo Yálá kɔ́lɔn, a wala kɛ tii, yɛ nįįhɔ̨nwɔ̨ kulɔ mun.»

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Mąątɛ̨nɛ̨ 78:8

Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Ɛsdrasə 9:15

Yai-Laa, Israɛlə nwɔ Yálá, ə́ tələnmoɔi, háákələi hvólói ŋɛ̨i yee mu, yá ku kaa ku ɓo ni a ku húlú, yɛ́ ɓə nu kpəli woloi ŋɛ̨i kulɔ ɉu. Kwaa pa ə́ lííla a ku wɔ nɛ̨ŋɛ̨nŋąąi, ɛlɛɛ yaan, mɛ̨nį a kɛ ŋɛ̨i, nui lɔpee ta hva pɛli tɔɔi ə́ lííla.»

Ɛsdrasə 9:2

Diɛ, da di lonnii, daa nɛ̨ą həɠə ɓɛ a di nɛ̨ąni, Yálá nwɔ nu huwui hu, da nɔi nuą daa humo a di kee. Bɛlɛ nąmįną, da galanɉonŋąą ɓə di yee lɔ dúwɔ́ pələ ɲɔ̨n tii hu tɔwɔ.»

Kɔlɔnikɔ Veerɛi 28:13

diɛ diɛ: «'Ka hvo pa ɓɛ a gɔluwɔɠaa tii, ka gɛ tii, gu hvo pa kɛ a hɔnmąą nuą Yai-Laa ɲɛ̨i ɓa. Ka káá bɔ, ka ká hɔn da ka kɛ nɛ̨ŋɛ̨n da kɛ mą? Ya pa, gu wɔɔ nɛ̨ŋɛ̨n gɛnɛ̨i, ɛlɛɛ Yálá liiholiɛ Israɛlə pɔ!»

Kɔlɔnikɔ Veerɛi 26:18

Di mo tɔɔmun Oziasə ɓa, diɛ mą: «Yɛ́ hvəi ə́ mąąnɛ̨ɛ̨ ə́ lansan kələn Yai-Laa ɓa, kɛlaa, ɉaláá laa həli nuą ŋɛ̨i a Aarɔn lonnii, diɛ ɓə. Diɛ ɓə di laakwɛlanmoɔ golói tii kɛɛ ɓa! 'Tɛɛ ə́ kulɔ! Mąąhɔlɔɓo, yáá pulu kulɔ mɛ̨nį kɛ! Ə́ ɲɛ̨i pɔ̨nɔ̨ mɛ̨nį hvaa a yii Yai-Laa mąą mɛ̨nį hu!»

Kɔlɔnikɔ Veerɛi 25:27

Amasiasə a kulɔ kɛ nąą ta, hvo kɛi hiɛ Yai-Laa nwɔ liɛwoo kpaalə mɛ̨i. Nuą di lɔgilii Ɉerusalɛmə daai, ə pu, ə li Lakisə. Di nuą tɔɔ bulu Lakisə, nąą ɓə di baa laa.

Kɔlɔnikɔ Veerɛi 10:19

Israɛlə ə nwun gulɔ Davidə nwɔ pɛlɛ́i mu, ə mą kɛ háákələi.

Kɔlɔnikɔ Maa-ŋuŋ 21:3

Ya ɓə Ɉoabə a kɛ mą: «Gɛ́ Yai-Laa ə nwɔ nuą tamą a ɉeei waa tamąą! Di kəlee di hvo mɔ̨ɔ̨ a nwɔ́ mɛ̨nį nąmu tɔɔmun, nwɔ tí nuą? Lə ɓə kɛ yai ə́ kaa nonon mo yili kɛi? Israɛlə kaa pai nɛ̨ŋɛ̨n yili həɠəi lə mɛ̨nį ɓa?»

Samuɛlə dɔlɔɔ 15:23

Kɛlaa, nu kulaa Yálá woo mu nɛ̨ŋɛ̨n gaa lɔ yɛ, kwɛli hvilɛn ŋąą hali ɓa nwɔ nɛ̨ŋɛ̨n, da wəli kpɔlɔ nɛ̨ŋɛ̨n, ə mą kɛ tɔlu kpɛ nɛ̨ŋɛ̨n. Yii kpɔ yáá lənə Yai-Laa woo ɓa, yaa kpɛli aa lənə yɛ́, hvó kɛa a tɔɔmun.»

Zasua 22:18

Ya ɓə kaa ŋɛ̨i ka káá həɠəi Yai-La nwɔ pələi mɛ̨i, kaa ka kwɛli tee Yai-Laa ɓa, yɛ pa nwɔ̨nɔ̨ tínąą niiholii Israɛlə nu kpulu kəlee pɔ.

Zasua 22:12

Israɛlə lonnii di yili bələ mąn nɔ-o, nu kpulu kəlee ə ɲąąkpɔn Silo daai diɛ li kɔ́ pɛlɛi diɛ.

Dutɛrɔnome 30:17

Kɛlaa, akɛ, ka ka pulu tɔɔ mą, ka ka kili kulɔ nwoo hu, ka nɛɛ laa di ka ɲąąhɛŋi kaa kwɛli hvilɛn haliɠaa diɛ, kaa tí diɛ;

Dutɛrɔnome 7:4

Mąąhɔlɔɓo, da ləi di nwun dinɛ̨n, di wɔ haliɠaa pɔ pələ; di di pulu tɔɔ Mą́ą́, yili a kɛ tii a Ɲą́ą́ Yai-Laa nwɔ́ liiholi muhəɠə ka pɔ, yɛ ka nwun na pili.

Lonon mo 32:15

Akɛ ka wala gɛ ka hvo hvilɛn bulu, gaa nwɔ̨nɔ̨ pai Israɛlə lamui nii nɔi pun ɉu, ɛlɛɛ nu huwui ŋɛ̨i kəlee nwun na pili mɛ̨nį wulu yɛ lɛɛ ka nwuɔ̨.»

Lonon mo 14:43

Amalɛkə nuą da Kanaan nuą di kaa laa ka tɔwɔ, di kaa lii ka paai, mąąhɔlɔɓo, kaa ka pulu tɔɔ Yai-Laa ɓa, ɛlɛɛ, Yai-Laa hvo kpɛli ka pɔ yili hu.»

Lonon mo 5:6

«'Mo Israɛlə lonnii diɛ, yɛ́ diɛ, «Akɛ hulɔnu, awala kɛ tii, nɛ̨ɛ̨nu, a ɉɔn gɛ a Yai-Laa, ə nɛ̨ŋɛ̨n ɉəɠə mɛlan gaalon ma, mąą nu aa kɛ a hɔn mąą mun.

Levetekɔ 26:40

«Kɛlɛɛ, di kaa pai hvaai di hɔn ma, da di nąnni, diɛ kɛ daa nɛ̨ŋɛ̨n ɉəɠə mą́ą́, daa tɔɔ Ná.

Levetekɔ 5:19

Nu pɔɔŋą pɛli haláá li, hvo gaai mąą nu aa kɛ ɉɔn gɛ a Yai-Laa.»

Lɛɛ gbɔwɔ ɓa 32:8

Niɛwooɠaai ŋɛ̨i ŋį́ dɛɛ, di pɔ, daa di pulu tɔɔ mą, daa nįŋɛ̨ lon bɛli di kpɔɔ ɓa, diɛ pɛlɛ gɔwɔ mu, diɛ haláá kulɔ mą, diɛ kɛ mą: Israɛlə, ka gu wɔ yálái ka, yai gu kulɔ Eziptə lɔi hu.»

Zasua 22:14

da kalanɉon bow, yiiɠaa kulɔ nu huwu tɛitɛi kəlee lɔwai, gəlee di ɓo a pɛlɛ́ nąmįną Israɛlə kwəliɠaa hu.

Zasua 22:16

diɛ kɛ diɛ: «Yai-Laa nwɔ nu huwui kəlee woo ka: Lə ɓə kɛ yaai, ka káá kulɔi Israɛlə Yálá pulu, kaa ka mąąkwɛa Yai-Laa ɓa háákələi? Kaa haláá kulɔi tɔɔ a kaa kpinįi ka wɔɔ, ɛlɛɛ, kaa ka kwɛli tee la tii Yai-Laa ɓa háákələi?