Zasua 2:5 - Yálá laawoo hɛɓɛ (dc)

⁵ Yii kɛa hvitili ə kɛi pu, diɛ pa ɉį́i laa kpului, nuąi tii di kulɔ, ɓɛ pələi də li la, və́ nąą pələ kɔ́lɔn, ka hvilɛn di pulu, ka káá pai di hon ɉii.»

Yálá laawoo hɛɓɛ

⁵ Yii kɛa hvitili ə kɛi pu, diɛ pa ɉį́i laa kpului, nuąi tii di kulɔ, ɓɛ pələi də li la, və́ nąą pələ kɔ́lɔn, ka hvilɛn di pulu, ka káá pai di hon ɉii.»

Bible

⁵ Ǹyaŋ dílɛɛ pâi daa-lêei ŋɔsiɣãŋ láa tɛ̂i a ŋ̀ele wûlii, dífeerɛ dí kùla bɛ́rɛi mu. Kɛ́lɛ fé ƃɛ́i kɔ́lɔŋ dí lì naai. Kà lɛ̀ɛ dípôlu a maa félaa, ka pâi dísoniî.”

Zasua 2:5 Referans Kwoze

M̀ɛni-lɛɛi 21:25

Ɉįi nwąną ŋą kponŋaa laa hvo kɛli kpulu a yələ kəlee, mąąhɔlɔɓo, nąą nwɛi, kpinį hva pɛlɛ laa.

Izikiɛ 47:12

Ɲá hvɛɛi tii kwɛlɛ, gbonwon ɲa hveelɛi ɓa, ɓá wulu huwu kəlee kaa pai kɛi ɓɔn ɉii laa, di laa hvo pai kpalai di ɲa, di ɓa hvo pai kpɛɛi di hu; di kaa pai ɓa nįnɛ̨ ɓoi ɲąnin dɛi tɛi yeemu, mąąhɔlɔɓo ɲáleei tii kaa kulɔi Yálá hee pɛlɛ́ mu. Di ɓa kaa pai kɛi a kɔ̨nɔ̨n, di laa ə ɓo a hali.

Ɉeremi 50:20

Nąąlɔwai, ɲələ lee lee tii, di kaa pai kɛi di ɲɛ̨i laai a Israɛlə nwɔ túwɔ́ pələ ɲɔ̨n, di hva kɛa gaa, da Ɉuda nwɔ nɛ̨ŋɛ̨nŋaai, di hva kɛa di kaa; Mąąhɔlɔɓo, nuą gbəliɠai da lɛɛ yɛnɛ̨ɛ̨, ŋą di mąąhvaalɛɛ, Ɲą́ą́ Yai-Laa nwóó li!

Azaya 60:11

Ə́ wɔ kponŋaai laa kaa pai kɛi a moɔ a yələ kəlee, di hva di laa kpulu, ə kɛ a hvóló ə kɛ a kpinį, nuą diɛ pɛli pai ə́ pɔ a hįį lɔi takpɛliɠaa hu hɛngɔwɠaa, di wɔ tɔɔɓɛlaa ɓə pai kɛi pai a ɉɛnŋąąi tii, di ɓo yɛli ɓa.

Nehemi 13:19

Túwɔ́ lɔwɔ mąą yii yələ wulii pɔ, gɛɛ hvitili hvo pu, gɛi di hvo Ɉerusalɛmə hį́i laa kpulu, di hvo naa ɓo, hvo kɛ li túwɔ́ lɔwɔ a kpɛɛ. Ŋą́ nwɔ́ koló kɛ nuą taɠaa tɔɔ ɉį́i la, ə gɛ, túwɔ́ lɔwɔ a ɉəli, nu ta hvo lɔ a tiɛ̨.

Zasua 2:7

Nuą di hvilɛn bələ ɓa diɛ li Ɉurdɛn kwɛlɛ pələ, ɓɛɠaai ŋɛ̨i da ɲa teen nąą di kɔ́ɔn ŋą. Di ɉį́i laa kpulu di pulu pələ.

Zasua 2:4

Kɛlaa, Rahabə ə nu hveelɛi tii həɠə, ə di loo, yili pulu ə nuąi tii woo pulu pənə yɛ diɛ: «Teą li, nuąi tii di pa ɓɛ, kɛlaa, və́ kɛ di həɠəi kɔ́lɔn.

Zasua 2:6

Kɛlaa, aa kɛ di tɛ ɲəi gbaan ɉu, aa di mɛ̨ikpulu a yee konŋąą.

Samuɛlə dɔlɔɔ 19:14

Saulə ə nuą tɔɔ Davidə hon mɛ̨nį ɓa, Mikalə yɛ diɛ: «Gɔlɔi hvo pɔ̨nɔ̨ li.»