Zasua 18:28 - Yálá laawoo hɛɓɛ (dc)

²⁸ Sela, Elɛfə, Ɉebusə, Ɉerusalɛmə laa ta li kɛ, Givea, Kiriatə-Yearimə: gəlee pɛlɛɛ gee ɓa, taa kpɛa-kpɛaa pow kɔ́w nąąn, da di yee mu taa pɛlɛɛɠaa. Bɛnɉamɛn lonnii hee lɔi ka tii a gwəliɠaa laa.

Yálá laawoo hɛɓɛ

²⁸ Sela, Elɛfə, Ɉebusə, Ɉerusalɛmə laa ta li kɛ, Givea, Kiriatə-Yearimə: gəlee pɛlɛɛ gee ɓa, taa kpɛa-kpɛaa pow kɔ́w nąąn, da di yee mu taa pɛlɛɛɠaa. Bɛnɉamɛn lonnii hee lɔi ka tii a gwəliɠaa laa.

Bible

²⁸ Zela, Aielɛ, Zabusi (zu-kulâi ƃa Zerusâlɛŋ) Giƃe-a da Kiria-Zeriŋ. Gélee káa a taa-lêe puu káo náaŋ da díkpanâŋ-ŋai. Ǹɔii ŋí ƃé dí dɛ̀ɛ Bɛŋsima ŋɔsuui su-ƃelai pɔi.

Zasua 18:28 Referans Kwoze

Samia Veerɛi 21:14

Di Saulə da non Ɉonatan di kɔ́wɠaa tii loo Sela daai Bɛnɉamɛn lɔi hu, Saulə nąn Kisə kámą hu. Bələi kpɔ tii tɔɔmun ə mo la di gɛ kpɔlɔɔ tii. Yili pulu, Yálá ə ɲɛ̨i lɛlɛɛ hee nɔi ɓa.

Zasua 15:8

Nɔi ɲɛ̨n ə kɛi tɛɛ Bɛn-Hinɔmə ɓoloon ɉu pələ. Ɉebusə nuą di wɔ lɔi koo ɓa pələ, naa ɓa Ɉerusalɛmə. Yili pulu, di ɲɛ̨n ə kɛi tɛ kpɔ ɲee ton na. Hinɔmə ɓoloon ɲɛ̨i tɔwɔ, voló tooi pələ. Refaitə nu huwu di wɔ ɓoloon ɲələi pələ.

Osia 10:9

Ə həɠə Givea nwɔ hvólóɠaai diɛ, ə́ yee kaa lɔ nɛ̨ŋɛ̨n ɉu, Israɛlə di hvo ta həɠə li di tɔɔi. Gɔi da bɛlɛ nɔi kala nuą diɛ, hvo pai di hɔlɔɓoi Givea?

Azaya 10:29

di tɛɛ ɲee lɔwai, diɛ mą: «Ku kaa lii yii Gɛva!» Rama mąą kaa kpɛlin ɉii, Saulə pɔ taai Givea nuąi kaa pui.

Samia Veerɛi 5:8

Davidə ə mo a mąą yələi tii, yɛ diɛ: «Nui lɔpee yɛ ə Ɉebusə nuą hon, hvo kɛ li mąą nu ə lɔ ɲá wolo hu. Yii ɓaa kɔ́wɔ nwąną nuą da ɲɛ̨ipu nuą, da ɓaɠi lii tɛ a Davidə.» Yili mąą mɛ̨nį ɓə gɛ da kɛ kɛi la diɛ: «Ɲɛ̨ipumun da nuąi da too di kɔ́wɔ mɛ̨i, di hva pɛli lɔi bɛlɛ́n.»

Samuɛlə dɔlɔɔ 10:26

Saulə yaa kpɛli ə li bɔɔli Givea, gɔ́kulááɠaai Yálá ə di lii muhəɠə di lɛɛ bɔ.

Zasua 18:16

Ə kɛi yɛɛ ɲee kpɛlai, Bɛn-Hinɔmə ɓoloon tənən ma, Refaitə nuą di wɔ yɛɛ kɔwɔ ɲánwuɔ̨ pələ, ə kɛi laa a Hinɔmə ɓoloon, yɛ hee Ɉebusə nuą di wɔ lɔi ɓa ɉɛɠɛɛ pələ, yɛ hee Ein-Rogɛlə ɓa.

Zasua 15:63

Kɛlaa, Ɉebusə nuąi kɛ heeni Ɉerusalɛmə, Ɉuda lonnii di hvo pɛli di kpɛi laa, Ɉebusə nuą tii kaa háákələi heeni Ɉuda lonnii lɔwai Ɉerusalɛmə daai.

Lonon mo 33:54

Ka káá pai nɔi ɲąąkwɛlɛi ka huwuɠaa lɔwai, kaa gɔ́ a kpɛɛn, huwu yii gɛnɛ̨, nwɔ lɔi a kɛnɛ̨, huwu yii golɔɔ, nwɔ lɔi a kolo. Nu kəlee kaa pai lɔi hɔlɔɓoi ɓɛi gbɛɛn a ɉee laa. Mąąnɛ̨ɛ̨ ka ɲakwɛlɛ ka huwuɠaa lɔwai, a ka káá pələ.

Lonon mo 26:54

Huwui a kɛnɛ̨, yá nwɔ lɔi kɛnɛ̨. Huwui a kolo, ə́ nwɛi kolo. Di kaa pai huwu kəlee nwɔ lɔi kɔ́ɔn ɉi, yɛ bələi di kpulu a kɛ la.

Lonon mo 26:38

Bɛnɉamɛn lonnii di wɔ pɛlɛ́ɠaai ka: Bɛla lonnii di wɔ pɛ́lɛ́i; Asbɛlə lonnii di wɔ pɛ́lɛ́i; Ahiramə lonnii di wɔ pɛ́lɛ́i;

Zasua 18:27

Rɛkɛmə, Yirpeɛlə, Tareala,

Zasua 19:1

Gbɛɛn bili veelɛnąą, Simeɔn ɓə naa ə kulɔ. Simeɔn lonnii heekpəli na kɛɛ a gwəliɠaa laa. Di wɔ lɔi ə kɛ Ɉuda lonnii di wɔ lɔi hąąi.

Samia Veerɛi 5:6

Tɔɔmun da nwɔ nuą də li Ɉerusalɛmə daai, kɔ́ pɛlɛi Ɉebusə nuą tii kɛ heeni laa nɔi diɛ. Diɛ Davidə ɓa: «Hvá pɛli lɔi ɓɛ, hvo kɛ li yá ɲɛ̨ipu nuą da nuąi da too di kɔ́wɔ mɛ̨i yá di həɠə bələi. Mukulaa ɓaa: Davidə hva pɛli lɔi laa.

Samia Veerɛi 23:29

Netofa mun Baana lon Helɛvə, Bɛnɉamɛn mun kɛ Givea diɛ kɛ mą Rivai, non Itai,

Ɉeremi 6:1

Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Nwun mąąɓo 1:21

Yii ɓaa Ɉebusə nuą ŋɛ̨i kɛ heeni Ɉerusalɛmə daai, Bɛnɉamɛn nu huwu hvo di kpɛ. Ɉebusə nuą di lɛɛ heeni Ɉerusalɛmə daai, da Bɛnɉamɛn nu huwu, da diɛni di kaa háákələi laa.

Nwun mąąɓo 19:10

Yili nwɛi, ɉulɔnui tii hvo kɛa hvaa mą, di di muhəɠə, di hvilɛn bələ pɔ, yaa, nwɔ wɛlinɛ̨ą da nwɔ hoohvaalən veelɛi. Di lɛɛ pai, di həli Ɉebusə daa kpala, ya ɓaa a Ɉerusalɛmə.

Kɔlɔnikɔ Maa-ŋuŋ 8:28

Diɛi tii ɓə kɛ a pɛlɛ́ nąmįną, di wɔɔ həɠə gee pɔi tii hu; di heɛ ə ɓo Ɉerusalɛmə daai.