Zasua 17:16 - Yálá laawoo hɛɓɛ (dc)

¹⁶ Ɉosɛfə lonnii diɛ mą: «Ɲee ɓa lɔi hva pɛli kuɔ, yili pulu nwɔ̨nɔ̨, kwɛli wotoloɠaa kaa, Kanaan nuąi kəlee yəi diɛ heeni nɛ̨ŋɛ̨ lɔi hu, da yiiɠaai di kaa Bɛtə-Sean da gwɛlɛ lɔiɠaa hu, ə mąkɛ yiiɠaai Izreɛlə nɛ̨ŋɛ̨ lɔi hu.»

Yálá laawoo hɛɓɛ

¹⁶ Ɉosɛfə lonnii diɛ mą: «Ɲee ɓa lɔi hva pɛli kuɔ, yili pulu nwɔ̨nɔ̨, kwɛli wotoloɠaa kaa, Kanaan nuąi kəlee yəi diɛ heeni nɛ̨ŋɛ̨ lɔi hu, da yiiɠaai di kaa Bɛtə-Sean da gwɛlɛ lɔiɠaa hu, ə mąkɛ yiiɠaai Izreɛlə nɛ̨ŋɛ̨ lɔi hu.»

Bible

¹⁶ Dì mò m̀a dîyɛɛi, “Ǹyée lɔii tí fé kpɔ̂ɔ ní kúmɛni ma. É kúla nyíŋi pôlu, Keena-ŋai díkaa Bɛsãŋ taa-leei da Zariɛɛ lɔii tiŋ-tiŋ sui, kɔ́ kɔ́-keleŋ-ŋa kpɛtɛɛ a kɔli káa díyêei.”

Zasua 17:16 Referans Kwoze

Tɔɔɓɛlaa dɔlɔɔ 4:12

Ahiludə lon Baana ɓə kɛ, Taanakə da Megido ɛlɛɛ Bɛtə-Sean lɔi kəlee, yai kɛ Sartan kwɛlɛ Izreɛlə lɔi kɔ́wɔ mu. Ə həɠə Bɛtə-Sean ə həli Avɛlə-Mehola, yɛ li kpɔ Yokmoamə pulu.

Nwun mąąɓo 4:3

Israɛlə nuą di wɔlɔ Yai-Laa ɓa, mąąhɔlɔɓo, kɔ́ wotolo nwun mɛ̨inąąn ə kɛ Sisera yəi, ə ɓo a kwɛli, ɛlɛɛ, aa kɛ hee Israɛlə nuą nwun mɛ̨i kpɔ a nwalawalaa, kwɛlan bow hveelɛ yee mu.

Nwun mąąɓo 1:19

Yai-Laa ə kɛ Ɉuda pɔ, Ɉuda ə ɲee ɓa lɔi hon, kɛlaa, di hvo pɛli nɛ̨ŋɛ̨ lɔi hu nuą kpɛi, mąąhɔlɔɓo, kwɛli wotoloɠaa di kɛ yiliɠaai yəi.

Nwun mąąɓo 6:33

Madian nuą, Amalɛkə nuą, da nuąi da həɠə doo nwunma ɓa vóló kulɔi pələ, di pɛlɛ di kee ɓa, di jurdain teen, di pa di di wɔ ɓuwui pɛlɛ Izreɛlə.

Zasua 17:18

Kɛlaa, ɲee ɓa lɔwɔɠaai tii kəlee kaa a ka wɔɔ, ka gəlee mɛ̨i yali, ə lɛɛ ka yəi, ka Kanaan nuąi tii kpɛ laa nɔi, pələi mąn kwɛli wotolo kaa la di yəi, ə lɛɛ di hvaŋą kɛnɛ̨ɛ̨.»

Tɔɔɓɛlaa veelɛ 9:37

ɛlɛɛ, Ɉezabɛlə kaa pai kɛi yɛ tuluun bɔlɔ Izreɛlə ɲɛɛ kɔ́wɔ hu, nu ta hva kɛ diɛ: «Ɉezabɛlə kámą ka.»›»

Tɔɔɓɛlaa veelɛ 9:10

Yii ɓaa Ɉezabɛlə nwɛi, yilɛɠaa ɓə pai bowa mįi Izreɛlə ɲɛa. Di hvo pai bowa looi kámą hu.›» Ɉulɔnon tii ə gbɛɛ lɔ, ə bɛlɛ́ laa ɓo, ə tɛɛ a gilɛ.

Tɔɔɓɛlaa dɔlɔɔ 21:23

Yai-Laa ə pənə ə da ɓo yɛ hvilɛn na Ɉezabɛlə ɓa, yɛ diɛ: «Yilɛɠaa kaa pai Ɉezabɛlə mįi Izreɛlə daai.

Tɔɔɓɛlaa dɔlɔɔ 21:1

Mɛ̨nįɠaa tii tɛɛ pulu, mɛ̨nįi kɛ ya ka: Viɲə yɛa ə kɛ Izreɛlə mun da yəi, diɛ kɛ naa ɓaa: Nabɔtə. Viɲə yɛai tii ə kɛ Samari tɔɔmun Akabə nwɔ pɛlɛ́i kwɛlɛ.

Tɔɔɓɛlaa dɔlɔɔ 18:46

Eli ə ɉąą yili, Yai-Laa ə ɲee pɛlɛ mɛ̨i, ə tɛɛ Akabə tɔwɔ a gilɛ, ə lɛɛ la ɉu, di li di həli Izreɛlə.

Nwun mąąɓo 4:13

Sisera ə nwɔ kɔ́ wotoloɠaai kəlee ŋąąkpɔn, kwɛli wotolo nwun mɛ̨inąąn, da gɔ́ kɔ́ nuąi kpɔ kɛ ɲee mu. Ə həɠə Harosɛtə-Goimə lɔi ɓa, ə həli la Kisɔn yá ɓa.

Zasua 19:18

Di ɲɛ̨n ə kɛi həɠə Izreɛlə pələ, da Kesulotə, da Sunɛmə,

Zasua 17:11

Isakarə da Asɛrə di wɔ lɔi hu, Bɛtə-Sean da ɲeemu taaɠaa di kɛ Manase yəi, da Yivleamə ə mą kɛ ɲeemu taaɠaa, Dɔrə taa da ɲeemu taaɠaai, Ein-Dɔrə da ɲeemu taaɠaa, Taanakə da ɲeemu taaɠaa, Megido da ɲeemu taaɠaa. Ɲee lɔwai taa haaɓai diɛ kpɛli.

Zasua 17:15

Ɉosue yɛ diɛ: «Akɛ ka kpulu kɛnɛ̨ɛi yɛ bələi ka ka moi la, ka li Perizi nuą da Refaitə nuą di wɔ lɔwɔi hu, ka nwɛlai tii mɛ̨i yali a ka wɔɔ; hvo gaai Ɛfraimə ɲee lɔi hvo kɛnɛ̨ li ka mąą mɛ̨nį ɓa.»

Zasua 17:17

Ɉosue yɛ Ɉosɛfə nwɔ pɛ́lɛ́i mu nuą diɛ, diɛ ɓaa: Ɛfraimə da Manase lonnii, yɛ diɛ: «Ka káá a nu kpulu kɛnɛ̨ɛ̨, yii hvaŋą kaa ɲəi kɛnɛ̨, ka wɔ lɔi hvo pai lɛɛi lɔ tanɔ̨n.

Tɔɔɓɛlaa dɔlɔɔ 18:45

Tulɔ kpinįn ə kɛi ɲələi tɛɠi, hvaŋą yɛ dɛɛ; tulɔ ə pu kpɔ kɛnɛ̨. Ə kɛ kpɔlɔɔ tii, Akabə aa kɛ tɛ ɉoo mɛ̨i yɛ li Izreɛlə daai pələ.

Ɉeremi 49:2

Yili mąą mɛ̨nį ɓa, Yai-Laa yɛ diɛ: «Hvolóɠaa kaa pai həlii, gɛ́ kɔ́ kɔ́ woo tɔɔ Raba Amɔn nuą mɛ̨i, naa a lɛɛ a lɔi pun, diɛ ɲee kɔ́nma taaɠaa kələn, ɛlɛɛ, Israɛlə yɛ pənə yɛ gwɛlin ɉəɠə nuą hɔlɔɓo a nwɔɔ.» Ɲą́ą́ Yai-Laa nwóó li!

Zasua 15:56

Izreɛlə, Yɔrkeamə, Ɉanoa,

Samuɛlə dɔlɔɔ 29:1

Filisti nuą di di wɔ kɔ́kulááɠaa kəlee ɲąąkpɔn Afɛkə, Israɛlə nuą di di tɔɔ gulɔ ɲee lɔwai, Izreɛlə kwɛlɛ.