Zasua 15:13 - Yálá laawoo hɛɓɛ (dc)

¹³ Di lɔi tɛɛ Yefunɛ lon Kalɛbə pɔ Ɉuda lonnii lɔwai, yɛ bələi Yai-Laa ə mo la Ɉosue ɓa Kiriatə-Arba yii gaa Hebrɔn. Arba ə kɛ a Anakə lon, ɉee taa.

Yálá laawoo hɛɓɛ

¹³ Di lɔi tɛɛ Yefunɛ lon Kalɛbə pɔ Ɉuda lonnii lɔwai, yɛ bələi Yai-Laa ə mo la Ɉosue ɓa Kiriatə-Arba yii gaa Hebrɔn. Arba ə kɛ a Anakə lon, ɉee taa.

Bible

¹³ Yâwɛɛ è mò Zasua ma a gɛ́ɛ é Zuda lɔii gbua tɛ́ɛ Zefunɛ ǹóŋ Kelɛ pɔ́ é lɛ́ɛ pâi Iburɔŋ taa-leei tɛɛ̂i bɔ́. Ǹaa láa ƃé kɛ̀ a Aba taa-leei. Aba è kɛ̀ a Ana ǹâŋ.

Zasua 15:13 Referans Kwoze

Lonon mo 13:30

Nu kpului tii kɛ tɔɔni Moisə kwɛlɛ, Kalɛbə ə di laa pilɛ, yɛ diɛ: «'Ka gwəli, gu kɔ́ pɛlɛ diɛ, gu di hon! Gu yee kaa lii tɛɛi diɛ hɛa hvo ɉu.»

Zɛnɛse 23:2

Sara ə haa Kiriatə-Arba, mukulaa ɓaa Hebrɔn, Kanaan lɔi hu. Abrahamə ə nɛ̨ą haa wɔlɔ ɓo, ə mąąwɛli hee ɓo.

Lonon mo 13:6

Ɉuda huwu hu nuą, Yefunɛ lon Kalɛbə ɓə di gulɔ.

Zasua 21:11

Daaɠaai di dɛɛ di pɔ, diɛ ka: Kiriatə-Arba, Hebrɔn laa ta li kɛ, yii gaa Ɉuda nwɔ yeei ɓa, da gwɛlɛ kpomóɠaa. Arba ə kɛ a Anakə nąn.

Nwun mąąɓo 1:10

Yili pulu, Ɉuda ə li ə kɔ́ pɛlɛ Kanaan nuąi kɛ Hebrɔn diɛ, ɓɛi kɛ nąą laa ɓaa a: Kiriatə-Arba, di yee ə tɛɛ Sesai ɓa da Ahiman, ə mą kɛ Talmai diɛ.

Samuɛlə dɔlɔɔ 25:3

Ɉulɔnui tii laa ɓa kɛ a Navalə, nɛ̨ą laa ɓaa Avigailə. Nɛ̨ɛ̨nui tii ə kɛ a kilimąą nɛ̨ɛ̨nu. Kɛlaa, ɉilɛ kili walawalaa kɛ, nwɔ mɛ̨nį ɲɔ̨nwɔ̨ɔ̨. Ə kɛ a Kalɛbə nu huwu ta.

Samuɛlə dɔlɔɔ 30:14

Kuɔ ɓə li doo mɛ̨i kɛi Kereti lɔi ɉɛɠɛɛ pələ, Ɉuda lɔi, da Kalɛbə nwɔ lɔi ɉɛgɛɛ pələ; ɛlɛɛ, kuɔ ɓə nwɔ̨n bili Siklagə.»

Kɔlɔnikɔ Maa-ŋuŋ 6:56

Gɛrsɔmə lonnii yɛ bələi di wɔɔ pɛlɛ́ɠaa kaa la, di Golan tii Basan da gwɛlɛ lɔi, Astarotə da gwɛlɛ lɔi; yili ɓə di ɉɔlɔɓo Manase huwu bələ tɔ̨nɔ̨ yəi.

Zɛnɛse 13:18

Abramə ə́ nwɔ taai həɠə, ə li ə bu Mamre taa nwɛla kwɛlɛ, yai kɛ a Hebrɔn daa lee nwɔɔ. Ə nɛɛ mą ə haláá kulɔi pɛli laa Yai-Laa ɓa.

Zasua 11:21

Nąąlɔwai, Anakə nuąi kɛ heeni yeeɠaa ɓa, Ɉosue ə gəlee paa, diɛ kɛ a Hebrɔn nuą, Devirə da Anavə nuą, ə mą kɛ da yiiɠaai kɛ Ɉuda yeeɠaa ɓa, da Israɛlə yeeɠaa. Ɉosue ə gəlee nwun na pili da di wɔ taaɠaai.

Zasua 20:7

Israɛlə lonnii di Kɛdɛsə taa həɠə ɉu, Galile lɔi hu, Nɛftali yee ɓa, da Sisɛmə, Ɛfraimə yee ɓa, da Kiriatə-Arba yai a Hebrɔn laa ta, Ɉuda yee ɓa.

Nwun mąąɓo 1:20

Yɛ bələi Moisə ə di tí la, di Hebrɔn lɔi tɛɛ Kalɛbə pɔ, Kalɛbə ə Anakə lonnii haaɓai kpɛ laa.

Samuɛlə dɔlɔɔ 30:31

da Hebrɔn nuą, da ɓɛi lɔpee Davidə da nwɔ nuą di tɛɛ laa.

Samia Veerɛi 2:1

Mɛ̨nįɠaa tii kəlee tɛɛ pulu, Davidə ə Yai-Laa mąąnin gɛ, yɛ mą: «Akɛ tii, mąąnɛ̨ɛ̨ mɔ̨ɔ̨ ŋą́ li Ɉuda taa ta hu?» Yai-Laa yɛ mą: «Ee! Li.» Davidə yɛ mą: «Daa nɛlɛ ɓə ŋą́ li ɉu?» Yai-Laa yɛ mą: «Hebrɔn daai.»

Kɔlɔnikɔ Veerɛi 11:10

ə Sorea taa tɔɔ da Ayalɔn da Hebrɔn taa; daa walawalaɠaa li Ɉuda da Bɛnɉamɛn lɔi hu.