Zasua 14:8 - Yálá laawoo hɛɓɛ (dc)

⁸ Nán nonnii tii kwa diɛ ni kwəli, di yá laa nuą kɔ́lɔi, kɛlaa nwɛ́i, vílɛn ŋąą kɛ Yai-Laa pulu, nwɔ́ Yálá, və́ tɔɔ takpa-takpa.

Yálá laawoo hɛɓɛ

⁸ Nán nonnii tii kwa diɛ ni kwəli, di yá laa nuą kɔ́lɔi, kɛlaa nwɛ́i, vílɛn ŋąą kɛ Yai-Laa pulu, nwɔ́ Yálá, və́ tɔɔ takpa-takpa.

Bible

⁸ Kɛ́lɛ diai kwa dîa-ni kú lii, dí pà pôlu Eezuɛ-ŋai pɔ́ a lii-too pôlu koraŋ ƃò. É máŋ kɛ́ tí, ŋá ńii kélee tɛ̀ɛ Ɣâla Yâwɛɛ pɔ́.

Zasua 14:8 Referans Kwoze

Lonon mo 14:24

Kɛlaa, nwɔ́ tímun Kalɛbə nwɛi, yii kpɔ kili takpɛli ɓə too gwəi, ə nwóó hon, nɔi tii ə li mɛ̨i kaai, gaa lɔi ɉu, ɉuwu hu nuą di da hɔlɔɓo.

Dutɛrɔnome 1:36

Ə kulɔ Yefune lon Kalɛbə pulu, nwɛi gaa pai nąą kaai, nɔi tii ə ɉu hiɛi, gáá pai dɛɛi, yaa da nonnii di pɔ. Mąąhɔlɔɓo ə hvilɛn Yai-Laa pulu a woo tɔ̨nɔ̨ laa.»

Zasua 14:14

Hebrɔn lɛɛ mɛ̨nį Yefunɛ lon Kalɛbə yəi, yai kɛ a Kenizi pɛlɛ́ mu mun, yɛ kɛ a ɉee lɔi, nwun ga tii; lɛɛ ɓə ə mo Yai-Laa, Israɛlə nwɔ Yálá pulu kwəi tɔ̨nɔ̨ laa hu.

Lonon mo 13:31

Kɛlaa, di ɓɛlaai ŋɛ̨i da diɛni di li di pənə diɛ nuą diɛ: «Gu hva pɛli lii gu hvo kɔ́ pɛlɛ nuąi tii diɛ, mąąhɔlɔɓo, di hvaŋą tɛɛi guɔ.»

M̀ɛni-lɛɛi 14:4

Di hvo di mąąliɓi li a nɛ̨ɛ̨nu mɛ̨nį, mąąhɔlɔɓo, di hvo nɛ̨ɛ̨nu mɛ̨nį hu kɔlɔn. Di hvilɛnŋąąi mɛlaa Lon bulu, ɓɛi aa kɛli li laa, diɛ ɓo bɔ. Diɛ ɓə di nwun mąą aa ɓo nu kanŋaa lɔwai, yɛ dɔɔ dɔwɔɠaa a Yálá nwɔɔ, ɛlɛɛ, da Mɛlaa Lon,

Lonon mo 32:12

Nuąi lɔ di laa hvo ɉu diɛ ɓaa Yefunɛ lon Kalɛbə Kenizi mun da Nun lon Ɉosue. Hvo gaai di wɛi di hvilɛn Yai-Laa pulu, ɲinɛ̨ ɲinɛ̨n və kɛ di hu.

Lonon mo 14:1

Israɛlə lonnii kəlee di tómą a wɔlɔ kɛnɛ̨, di yíi kpɔ wɔlɔi pili pili.

Dutɛrɔnome 1:28

Mįnɛ̨ pələ ɓə ku kaa tɛɛi la? Ku nąn nonnii daa gbɛa ku hviikpɛɛ, a kɛi di mo kuɔ: ‹Nuą tii kpɛa-kpɛai, di hvaŋą kɛnɛ̨ guɔ, di wɔ taaɠaa kpɛa-kpɛai, di mąą tinɛ̨n ŋąą a hįį mɛ̨i kwɛaɠaa kpɔ ləɠə ləɠə yɛ tɛ yələkɔlɔn ma, nu huwui ŋɛ̨i da kɛ diɛ Anakə nuą di kaa hɔlɔɔ mun laa.›»