Zasua 14:13 - Yálá laawoo hɛɓɛ (dc)

¹³ Ɉosue ə lúwɔ́ too Yefunɛ lon Kalɛbə ɓa, ə Hebrɔn tɛɛ bɔ a ɉee lɔi.

Yálá laawoo hɛɓɛ

¹³ Ɉosue ə lúwɔ́ too Yefunɛ lon Kalɛbə ɓa, ə Hebrɔn tɛɛ bɔ a ɉee lɔi.

Bible

¹³ Nya ƃe Zasua è lûwa tòo Kelɛ, Zefunɛ ǹóŋ ma é Iburɔŋ lɔii tɛ́ɛ bɔ́ a gɔ̃̂liŋ.

Zasua 14:13 Referans Kwoze

Nwun mąąɓo 1:20

Yɛ bələi Moisə ə di tí la, di Hebrɔn lɔi tɛɛ Kalɛbə pɔ, Kalɛbə ə Anakə lonnii haaɓai kpɛ laa.

Zasua 22:6

Yili pulu, Ɉosue ə lúwɔ́ too diɛ, ə di lɛɛ laa də li. Nu kəlee ə li ɲəi bɛlɛ́ laaləi.

Zasua 15:13

Di lɔi tɛɛ Yefunɛ lon Kalɛbə pɔ Ɉuda lonnii lɔwai, yɛ bələi Yai-Laa ə mo la Ɉosue ɓa Kiriatə-Arba yii gaa Hebrɔn. Arba ə kɛ a Anakə lon, ɉee taa.

Wɛli 6:9

Nwɛ́i! Yɛ́ lɔ ɓə a nwɔ́ tonwələn gbɔlun, yá ɓə a mɛ̨nį laahvɛɛ kəlee Yaa tanɔ̨n nɔ ɓə nee ə gaa, ɛlɛɛ nwɛli kaa gaa lee ɓa kpɔ kɛnɛ̨. Nɛ̨ąą takpɛliɠaa da gaa, diɛ nwɔ nwun na nɛ̨ɛ̨ mąątɛ̨nɛ̨. Tɔɔmun nɛ̨ąni, da nwɔ wɛliɠaa, diɛ mąątɛ̨nɛ̨.

Samuɛlə dɔlɔɔ 1:17

Eli yɛ mą: «Lí a ə́ liilaa yɛ, yii ə́ vɛli Israɛlə nwɔ Yálá ɓa, ə dɛɛ ə́ pɔ.»

Zɛnɛse 47:10

Ɉakɔbə ə pənə nwɔ̨nɔ̨ ə lúwɔ́ too tɔɔmun ma, ə yələwala kɛ mą.

Zɛnɛse 47:7

Ɉosɛfə ə nąn di li tɔɔmun bɔ ə nąn nɛ mą. Ɉakɔbə ə lúwɔ́ too tɔɔmun ma.

Zasua 14:14

Hebrɔn lɛɛ mɛ̨nį Yefunɛ lon Kalɛbə yəi, yai kɛ a Kenizi pɛlɛ́ mu mun, yɛ kɛ a ɉee lɔi, nwun ga tii; lɛɛ ɓə ə mo Yai-Laa, Israɛlə nwɔ Yálá pulu kwəi tɔ̨nɔ̨ laa hu.

Samuɛlə dɔlɔɔ 30:14

Kuɔ ɓə li doo mɛ̨i kɛi Kereti lɔi ɉɛɠɛɛ pələ, Ɉuda lɔi, da Kalɛbə nwɔ lɔi ɉɛgɛɛ pələ; ɛlɛɛ, kuɔ ɓə nwɔ̨n bili Siklagə.»

Samuɛlə dɔlɔɔ 30:31

da Hebrɔn nuą, da ɓɛi lɔpee Davidə da nwɔ nuą di tɛɛ laa.

Samia Veerɛi 2:1

Mɛ̨nįɠaa tii kəlee tɛɛ pulu, Davidə ə Yai-Laa mąąnin gɛ, yɛ mą: «Akɛ tii, mąąnɛ̨ɛ̨ mɔ̨ɔ̨ ŋą́ li Ɉuda taa ta hu?» Yai-Laa yɛ mą: «Ee! Li.» Davidə yɛ mą: «Daa nɛlɛ ɓə ŋą́ li ɉu?» Yai-Laa yɛ mą: «Hebrɔn daai.»

Kɔlɔnikɔ Maa-ŋuŋ 6:4

Merari lonnii ɓaa: Mali da Musi. Levi nwɔ pɛlɛ́i ka tii, yɛ bələi, bɛlɛ nąmįną laa ə kɛ la.

Nehemi 11:25

Yii hvilɛn na daa pɛlɛɛɠaa diɛ nɔwɔ mu, Ɉuda nu huwu taɠaa di kɛ heeni Kiriatə-Arba da gwɛlɛ taaɠaa. Daɠaa di ɓo Divɔn da gwɛlɛ taaɠaa hu, ə mą kɛ Yekavseɛlə da gwɛlɛ taaɠaa hu.