Zasua 13:5 - Yálá laawoo hɛɓɛ (dc)

⁵ Gevalə nuą di wɔ lɔi, da Liban lɔi kəlee voló ɓɛlai pələ. Ə həɠə Baalə-Gadə ɓa, Hɛrmɔn yee koomu, ə həli la Lebo-Hamatə ɓa.

Yálá laawoo hɛɓɛ

⁵ Gevalə nuą di wɔ lɔi, da Liban lɔi kəlee voló ɓɛlai pələ. Ə həɠə Baalə-Gadə ɓa, Hɛrmɔn yee koomu, ə həli la Lebo-Hamatə ɓa.

Bible

⁵ Geba-ŋai dílɔii, Lɛƃanɔŋ-ŋai dílɔii kélee, gɛ́ lî vóloi kulâi-pere, é siɣe Beega é lí Ɛmɔŋ Yeei kwára é seri Ama taa-leei ma.

Zasua 13:5 Referans Kwoze

Tɔɔɓɛlaa dɔlɔɔ 5:18

Kɛlaa, yiihui ŋɛ̨i, Yai-Laa aa liilaa tɛɛ bɔ́, kwa gwɛ́lɛ lɔiɠaa kəlee ku lɔwai, yowolaa hvo kɛa ku lɔwai, mɛ̨nį ɲąąnwąnąą takpɛli niihɛlɛn hvo kɛa mą́ą́.

Zasua 12:7

Dɔɔɓɛlaa Ɉosue da Israɛlə nuą di di hon gɔ́ hu Ɉurdɛn pulu pələ, voló tooi pələ diɛ ka: Ə həɠə Baalə-Gadə ɓa Liban yɛɛ kɔ́wɔ hu, ə həli la Halakə yee ɓa, Yaai Seirə pələ, Ɉosue ə gəlee tɛɛ Israɛlə nu huwuɠaa pɔ a di hee lɔi, yɛ bələi di hee kpəlin na ə kɛ la.

Izikiɛ 27:9

Gebalə hulɔgoloɠaa, da nwɔ mɛ̨nį kɔ́lɔn nuą di kɛ ə́ pɔɔli, yɛ kpomói kóló kɛ nuą, gboloyá hu kələnŋaa kəlee, da di hiɛ nuą, di kɛi ə́ pɔɔli lɔwɔ tiɛ̨ ya,

Mąątɛ̨nɛ̨ 83:7

Edɔmə nuą, Ismaɛlə lonnii, Moabə nuą da Hagarə lonnii,

Zasua 11:17

Ə həɠə Halakə yee ɓa, yaai tɔɔni Seirə pələ, ə həli la Baalə-Gadə ɓa, Liban yɛɛ kɔ́wɔ hu, Hɛrmɔn yee kɔ́wɔ mu. Ə nąą tɔɔɓɛlaa kəlee hon, ə di paa a ɓɔwa.

Lonon mo 34:8

Ə həɠə Hɔrə yee ɓa, ka ka ɲɛn naa, ka ɉəli Lebo-Hamatə ɓa. Ka ɲɛn gaa pai hvilɛn ɉii Sedadə ɓa.

Amɔsə 6:2

Ka li Kalne daai, mɛ̨nįi kɛi laa, ka gaa. Ka həɠə laa, ka li Hamatə daa lee hu, Yili pulu, ka yɛɛ Gatə daai Filisti nuą pɔɔli. Ka li, ka nąą kəlee mąąkpɛɛ. Kɛlɛi ka wɔ lɔi kɛnɛ̨i dɛɛ di wɛi ɓa ee! Ɛlɛɛ, ka hviɛlaɓoɔ diɛ.

Azaya 10:9

Kɛlɛi Kalno aa kɛ kɛa yɛ Karkemisə Hamatə ə ɓo yɛ Arpadə, Samari ə ɓo yɛ Damasə?

Dutɛrɔnome 3:25

Hvaa mą ŋį́ tɛɛ ɲá pulu pələ, nɔi lɛlɛɛi tii Ɉurdɛn pulu pələ ŋį́ ɲɛ̨́i tɔɔ mą, da ɲee lɛlɛɛi tii Liban.»

Dutɛrɔnome 1:7

Ka ka muhəɠə, ka ɉon a Amɔrə yee hu pələ, da gwɛlɛ nuą kəlee di wɔ lɔi hu, Ɉurdɛn ɲá-ɓoloon bɔ pələ, ɲee lɔi hu, nɛ̨ŋɛ̨ hu lɔi, Negɛvə nɔi pun ɉu, gboloyá kwɛlɛ, Kanaan lɔi hu, da Liban lɔi, ə həli kpɔ ɲá kɛnɛ̨ Eufratə ɓa.

Lonon mo 13:21

Nuąi tii di tɛɛ diɛ li nɔi mąąkpɛɛi. Ə həɠə Sin nɔi pun ma, ə həli la Rehɔvə, Lebo-Hamatə kwɛlɛ.

Zasua 11:3

Kanaan nuą di kɛ voló ɓɛlai pələ, da voló tooi pələ. Amɔrə nuą, Hɛtə nuą, Perizi nuą, Ɉebusə nuą, di kɛ ɲee lɔiɠaa hu. Hivi nuą di ɓo Hɛrmɔn yee kɔ́wɔ mu Mispa lɔi hu.

Tɔɔɓɛlaa dɔlɔɔ 8:65

Ɲąnin mɛ̨ihveelɛ yələ ɓə Salomɔn ə ɉɛli pu la da Israɛlə nuą, ə kɛ a ŋąąkpɔn gɛnɛ̨. Ə həɠə Lebo-Hamatə ə li Eziptə, nuą di kɛi həɠə nąą kəlee. Di kɛ Yai-Laa ku wɔ Yálá lííla hvóló mɛ̨ihveelɛ yee mu, di pənə di hvóló mɛ̨ihveelɛ laa mɛ̨i.

Ɉeremi 52:9

Kalde kɔ́kulááɠaa di Sedesiasə hon, di tɛ la Rivla daai, Hamatə lɔi hu, Babilonə tɔɔmun bɔ, yili ə Sedesiasə kiti tee.