Zasua 13:13 - Yálá laawoo hɛɓɛ (dc)

¹³ Kɛlaa Israɛlə lonnii di hvo Gesurə nuą da Maaka nuą di wɔ lɔi kulɔ di yəi. Gesurə da Maaka di lɛɛ heeni Israɛlə nuą lɔwai ə mą kɛ háákələi.

Yálá laawoo hɛɓɛ

¹³ Kɛlaa Israɛlə lonnii di hvo Gesurə nuą da Maaka nuą di wɔ lɔi kulɔ di yəi. Gesurə da Maaka di lɛɛ heeni Israɛlə nuą lɔwai ə mą kɛ háákələi.

Bible

¹³ Eezuɛ-ŋai dífe Gɛsɔ da Maka-ƃelai kpɛ́ ní. Da dîa-ni díkaa sâa Eezuɛ lɔii ma é too gɔlɔi ŋí pɔ̃yɛ tãi ma.

Zasua 13:13 Referans Kwoze

Zasua 13:11

Galaadə nuą, Gesurə nuą da Maaka nuą di wɔ lɔi. Ɛlɛɛ, Hɛrmɔn yee kəlee, Basan kəlee, ə həli la Salka.

Lonon mo 33:55

Kɛlaa, ka wala nɔi hu nuą kpɛ ka tɔwɔ, yiiɠaai ka káá pai di lɛɛi laa, di kaa pai kɛi a kiə́n, yɛ lɔ ka ɲɛ̨i. Diɛ kɛ a ɲąąlən, diɛ lɔ ka kɔ́lɔ hu. Di kaa pai kɛi heei ka hu nɔi tii hu. Ɓɛi ka káá pai kɛi laa.

Samia Veerɛi 3:3

Veelɛnąą ɓa a: Kileavə, yai ə gaa Karmɛlə hulɔnu Navalə nɛ̨ą Avigailə ɓa. Ɉaaɓa nąą ɓa a: Absalɔn, yai ə gaa Gesurə tɔɔmun lon nɛ̨ɛ̨nu Maaka ɓa.

Dutɛrɔnome 3:14

Manase lon Yairə ə Argɔvə lɔi kəlee hon ə həɠə Gesurə nuą di wɔ lɔi ɓa, ə həli Maaka nuą di wɔ lɔi ɓa, ə gbɔwɔ laa hee Basan lɔiɠaa diɛ; di kɛ lɔ ni di təli a Yairə taaɠaa.

Zasua 12:5

Nwɔ tɔɔlaa ə kɛ Hɛrmɔn yee mɛ̨i, da Salka da Basan lɔi kəlee ə həli la Gesurə lɔi da Maakati lɔi di ɲɛ̨n ma, ɉəliɛ Galaadə bələ tɔ̨nɔ̨ Hɛsbɔn tɔɔmun Sihɔn nwɔ lɔi ɲɛ̨n ma.

Zasua 13:12

Basan lɔi hu, Ogə nwɔ lɔi kəlee, Ogə ə kɛ a tɔɔmun Astarotə da Ɛdrɛi mɛ̨i, ə kɛ a Refaitə huwu, yiiɠaa kɛ daa lɛɛ yɛnɛ̨ɛ̨ di ta. Moisə ə di hon kɔ́ hu ə́ nɔi kulɔ di yəi.

Zasua 13:14

Levi huwu yaa tɔ̨nɔ̨ lɔ ɓə Moisə hvo lɔi tɛɛ bɔ, di hɔlɔɓo hɛn nɔ ɓaa Yai-Laa Israɛlə nwɔ Yálá kɔ́ haláá hɛnŋąą, yɛ bələi ə mo la.

Samuɛlə dɔlɔɔ 27:8

Davidə da nwɔ nuą də li, di kɔ́ pɛlɛ Gesurə nuą diɛ, da Girze nuą da Amalɛkə nuą, nuąi tii ɓə kɛ heeni Surə ə lɛɛ ɉu ə həli Eziptə lɔi hu. Nu huwuɠaai tii ɓə heeni nɔi tii hu wɔlɔ kɛ ɓa.

Zɛnɛse 35:22

Ɓɛlɔwai di kɛ la laa, Rubɛn ə laa a nąn nɛ̨ą Bilha. Israɛlə kili ə pu ɉu. Israɛlə lonnii di kɛ a nu pow kɔ́w hveelɛ.

Samia Veerɛi 10:6

Amɔn nuą di gaa diɛ daa túwɔ́ pələ ɲɔ̨n gulɔ a Davidə. Di nɛɛ mą di nuą tɔɔ Bɛtə-Rehɔvə, di Aramə nuą da Sova Aramə nuą yá, di kɛ a di wɔɔ kɔ́kulááɠaa, nu waa pow hveelɛ ɲɔ̨nwɔ̨mąn. Maaka tɔɔmun ə nu waa tɔ̨nɔ̨ tɛɛ, Tɔvə nuą nu waa pow kɔ́w hveelɛ.