Zasua 11:4 - Yálá laawoo hɛɓɛ (dc)

⁴ Nuąi tii di kulɔ da di wɔ kɔlaɠaɠaa kəlee, nu kpulu hu kɛnɛ̨i kɛ yɛ gboloyá kwɛlɛ ɲɛ̨ą kɔ́w. Hoo kpulu kɛnɛ̨ da kɔ́ kɔ́ wotolo kpulu kɛnɛ̨ ə kɛ di yəi.

Yálá laawoo hɛɓɛ

⁴ Nuąi tii di kulɔ da di wɔ kɔlaɠaɠaa kəlee, nu kpulu hu kɛnɛ̨i kɛ yɛ gboloyá kwɛlɛ ɲɛ̨ą kɔ́w. Hoo kpulu kɛnɛ̨ da kɔ́ kɔ́ wotolo kpulu kɛnɛ̨ ə kɛ di yəi.

Bible

⁴ Dí pà a kɔ-kûluƃa támaa, soo-ŋa da kɔ́ kɔ́-keleŋ-ŋa támaa kpɔ́ yɛ̂ɛ yúo ma ŋãya.

Zasua 11:4 Referans Kwoze

Nwun mąąɓo 7:12

Madian nuą, Amalɛkə nuą, da doonwunma nuąi həɠə voló həɠəi pələ, di hu hiaa kpɔ kɛ nɛ̨ŋɛ̨ hu laa yɛ peeləɠaa. Di wɔ ɲɔ̨nwɔmɛ̨ɛ̨ɠaai, kwɛdɛn və kɛ mą, ə kɛ yɛ gboloyá kwɛlɛ ɲɛ̨ąkɔw.

Samuɛlə dɔlɔɔ 13:5

Filisti nuą di di muhəɠə di kɔ́ pɛlɛ Israɛlə ɓa. Kɔ kɔ́ wotolo waa pow haaɓa ə kɛ di yəi. Nu waa mɛ̨ida di ɓo hoo mɛ̨i, ə lɛɛ, gɔ́laɠa kɛnɛ̨ yɛ gboloyá kwɛlɛ ɲɛa kɔ́w. Di tɛ di di tɔɔi kulɔ Mikmasə Bɛtə-Awɛn voló həɠəi pələ.

Zɛnɛse 32:12

Nɛ̨ɛ̨i Yɛ́, nwún mąąɓo níɛ Esau yəi, mąąhɔlɔɓo, gáá ɲɔwi mą, hvo pa ku paa, ɲą́ą́, nɛ̨́ą da nɛapɛlɛɛ.

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Tɔɔɓɛlaa dɔlɔɔ 4:20

Ɉuda nuą Israɛlə nuą, di kpulu hu kɛnɛ̨ɛ̨ kɛ yɛ gboloyá kwɛlɛ ɲɛ̨ą kɔ́w. Di kɔ̨nɔ̨n ə kɛ di yəi, da di kpələ lɔɔ, ɛlɛɛ, di ɓo di nɛ̨ɛ̨ hu.

Samia Veerɛi 17:11

Yili ɓa, niɛwooi gaa ná, ya ka: Israɛlə nuą kəlee di di ɲąąkpɔn ə́ kwɛlɛ, ə həɠə Dan ə həli Beɛrə-Seva, di tamą yɛ gboloyá kwɛlɛ ɲeakɔw, ə lɛɛ, ə́ hvilɛn di ɲɛ̨i tɔwɔ, kaa li gɔ́ ɓa.

Zasua 11:5

Dɔɔɓɛlaa tii di kuu hee di kee ɓa, di pa di pu di kee ɓa Meromə yá la, ə gɛ, di kɔ́ pɛlɛ Israɛlə ɓa.

Mąątɛ̨nɛ̨ 20:8

Kɔ kɔ́ wotolo kaa nu taɠaa yəi, daɠaa di wɛi ə ɓo a hooɠaa; Kɛlaa ku wɛi, Yai-Laa ku wɔ Yálái laa ɓə ku yəi; ya ɓə kwa vɛli.