Zasua 10:41 - Yálá laawoo hɛɓɛ (dc)

⁴¹ Ɉosue yee ə tɛɛ diɛ, ə həɠə Kadɛsə-Barnea, ə həli la Gaza, ə həli Gosɛn lɔi ɓa, ə həli la Gabaɔn.

Yálá laawoo hɛɓɛ

⁴¹ Ɉosue yee ə tɛɛ diɛ, ə həɠə Kadɛsə-Barnea, ə həli la Gaza, ə həli Gosɛn lɔi ɓa, ə həli la Gabaɔn.

Bible

⁴¹ Zasua è lɛ̀ɛ lɔii kula yêei kɛ̂i é síɣe Kedɛ Bania é seri Geza da Gosɛŋ é tóo Giƃiyɔŋ.

Zasua 10:41 Referans Kwoze

Zasua 11:16

Bələ ɓə Ɉosue ə nɔi kəlee hon na: Ɲee lɔwai lɔi kəlee, ɉɛɠɛɛ pələ lɔi kəlee, Gosɛn lɔi kəlee, nɛ̨ŋɛ̨ hu lɔi kəlee, Ɉurdɛn ɲa-ɓoloon bɔ lɔi, Israɛlə yeeɠaa da nɔi kɛ gɔwɔ mu.

Zasua 15:51

Gosɛn, Holɔn, Gilo; taa pow kɔ́w tanɔ̨n da nwɔ taa pɛlɛɛɠaa.

Dutɛrɔnome 9:23

Ɛlɛɛ gu kɛɛ Kadɛsə-Barnea, ɓɛlɔwai Yai-Laa ə ka tɔɔ la yɛ kɛ kaa: «Ka li, nɔi gáá dɛɛi ka pɔ, ka hee ɉu», ka ka pulu tɔɔ mą, ka hvo ka wəli tɔɔ nwoo ɓa.

Zɛnɛse 10:19

Kanaan lɔi ɲɛ̨n ma kɛ a Sidɔn lɔi, yɛ li la Gerarə lɔi ɓa, ə lɛɛ ɉu ə həli kpɔ Gaza lɔi ɓa, yili pulu, yɛ li la Sodomə taa da Gomorə taa, Adma taa da Sevoimə taa, yɛ li la Lɛsa daai.

Gɛlaɠaa 8:26

Gu Nąmu nwɔ malaka ə kɛ Filipə ɓa: «'Li ɉɛ̨ɠɛɛ pələ, bələi ti a həɠə Ɉerusalɛmə yɛ li Gaza, ə́ hvilɛn mą. Bələi ti mɛ̨i tɔɔi kɛ ton-ton.»

Zakari 9:5

Askelɔn a pa nąą kaai, ɉu kaa pai pui mą a ɲɔw, Gaza hu yɛ kɛ ə yali a mɔ̨nɔ̨, ɛlɛɛ Ɛkrɔn tɔɔ bulu hvo kɛa pai kɛi mą. Tɔɔmun va kɛa kɛ Gaza, nu hva kɛa kɛ Askelɔn.

Tɔɔɓɛlaa dɔlɔɔ 3:5

Ɓɛlɔwai Salomɔn ə kɛ nií la Gabaɔn, Yai-Laa ə gbɔwɔ lɛ mą a kpinį hįį pələ, yɛ mą: «Hɛn ə kaa bɔ, 'vɛli mą́ą́, ŋį́ dɛɛ ə́ pɔ.»

Samuɛlə dɔlɔɔ 6:17

Ɲɔ̨n tii pɛlɛ Filisti nuą diɛ, yai di mąąnįnįn ɉəɠə a hɛni, di nɛ̨ɛ̨mąą hvə la Yai-Laa ɓa; diɛ ka: Dɔ̨nɔ̨ ə kɛ a Asdɔdə nwɔɔ, dɔ̨nɔ̨ Gaza, dɔ̨nɔ̨ Askelɔn, dɔ̨nɔ̨ Gatə, dɔ̨nɔ̨ Ɛkrɔn.

Nwun mąąɓo 16:21

Yili pulu, Filisti nuą di ɉon, di ɲɛ̨i wolo. Di ɉəɠə də li la Gaza daai, di ɲili a ɓala kwɛli yɔwɔn veelɛ. Samsɔn ɓə kɛa kɛ laa, yɛ gaho nąmįną kɔ̨nɔ̨n ɉiɠɛ.

Nwun mąąɓo 16:1

Yələ ta, Samsɔn ə li Gaza daai, ə wɛlikɛ nɛ̨ɛ̨nu ta kaa laa; ə li ə yíi bɔɔli.

Zasua 10:12

Ɲələi tii Yai-Laa ə Amɔrə nuą too la Israɛlə lonnii yee ŋą, Ɉosue ə mɛ̨nį ɓo Yai-Laa ɓa Israɛlə lonnii kəlee ɲɛ̨i ɓa, yɛ mą: «Hvóló tɔɔ Gabaɔn taa mɛ̨i! Ɲąnin tɔɔ Ayalɔn nɛ̨ŋɛ̨ hu.»

Zasua 10:2

Nuą di ɲɔw kpɔ mɛ̨nįi tii hu kɛnɛ̨, mąąhɔlɔɓo Gabaɔn ə kɛ a taa kɛnɛ̨, da dɔɔɓɛlaa hee taa di pɛliɛ; gɛnɛ̨ɛ kɛ Ai ɓa, ə lɛɛ ɉu nuą kəlee di kɛ a huwalawala nuą.

Lonon mo 34:4

Ə laa a Ɲɔ̨n-gaalə Yee lɔwai pələ, ə tɛɛ Sin, ə li ə hee Kadɛsə-Barnea ɓa gɔwɔ mu pələ, ə pənə ə ɉaŋą a Hasarə-Adarə pələ, ə tunwɔ̨n Asmɔn ɓa.

Lonon mo 32:8

Mɛ̨nįi lɔ ka nąnni di gɛ ɓɛlɔwai ŋį́ kɛ la Kadɛsə-Barnea, gɛ́ di tɛɛ nɔi hu kaai, da lɔ ka ŋɛ̨i ka laa ɓa.

Lonon mo 13:26

Di pənə di pa di həli Moisə ɓa, da Aarɔn, ə mą kɛ Israɛlə lonnii kəlee, ɓɛi di kɛ laa Paran nɔi pun ɉu, Kadɛsə daai. Di di kwɛlanmo Moisə da Aarɔn diɛ nu kpulu kəlee ɲɛ̨i ɓa. Nɔi tii hu hihɛnŋąąi di paa la di nɛ diɛ.

Dutɛrɔnome 1:19

Yili pulu, nɔi pun gɛnɛ̨ɛ mąą ɲɔuwɔ ŋɛ̨i Horɛbə, ku həɠə laa, yaai ka gaa Amɔrə yeeɠaa lɔwai, gu tɛɛ ɉu; yɛ bələi Yai-Laa gu wɔ Yálái ə mo la guɔ. Ka gu pa gu həli Kadɛsə-Barnea.

Dutɛrɔnome 2:23

Bələ lɔ ɓə ə naa la Avi nuą diɛ, diɛi tii kɛ di taɠa taɠaa daa pɛlɛɛɠaa hu, ə lɛɛ ɉu ə həli Gaza, Kaftɔrə nuą diɛi həɠə Kaftɔrə di di paa, di hee di heei.

Zasua 11:22

Anakə mun da lɔpee hvo lɛɛ Israɛlə nuą di wɔ lɔi hu, ə kulɔ lɔ: Gaza, Gatə, da Asdɔdə taaɠaa di pulu.