Zasua 10:29 - Yálá laawoo hɛɓɛ (dc)

²⁹ Ɉosue da Israɛlə nuą kəlee di həɠə Makeda, də li Livna, da nąą nuą di kɔ́ kɛ.

Yálá laawoo hɛɓɛ

²⁹ Ɉosue da Israɛlə nuą kəlee di həɠə Makeda, də li Livna, da nąą nuą di kɔ́ kɛ.

Bible

²⁹ Nya ƃe Zasua da ŋɔkɔ kûluƃa-ŋai dí tɛ̀ɛ Makeda dí lí Lina dí kɔ́ pɛ́lɛ ǹaa-ƃelai dîa.

Zasua 10:29 Referans Kwoze

Zasua 21:13

Di Hebrɔn da nwɔ kpomóɠaa, ɛlɛɛ, Livna da nwɔ kpomóɠaa tɛɛ ɉaláá laa həli mun Aarɔn lonnii pɔ, a nu paa mun mąąkilɛ taaɠaa.

Zasua 15:42

Livna, Etɛrə, Asan,

Ɉeremi 52:1

Sedesiasə kaa kwɛlan ə kɛ a kwɛlan pow hveelɛ kɔ́w tɔ̨nɔ̨, ɓɛlɔwai ə dɔɔlaa hɔlɔɓo la. Ə tɔɔlaa kɛ Ɉerusalɛmə a kwɛlan bow gɔw tɔ̨nɔ̨. Nee laa ɓaa kɛ a Hamutalə ə kɛ a Livna mun Yimeyahu lon nɛ̨ɛ̨nu.

Tɔɔɓɛlaa veelɛ 19:8

Yii kɛa gwɛli hɛn ɉəɠə mun ə bələ mɛ̨n, diɛ kɛ Asiri tɔɔmun aa kɛ həɠə Lakisə, ə pa ə gaa Livna, diɛ kɔ́ kɔ́.

Tɔɔɓɛlaa veelɛ 8:22

Bələ ɓə Edɔmə nuą di kulɔ la Ɉuda nuą yee mu; ə lɛɛ la ɉu ə həli la háákələi ɓa. Nąąlɔwai, Livna nuą diɛ kpɛli di kulɔ Ɉuda yee mu.

Zasua 12:15

Livna tɔɔmun nu tɔ̨nɔ̨. Adulamə tɔɔmun nu tɔ̨nɔ̨.

Zasua 10:28

Voló tɔ̨nɔ̨i tii yeemu, Ɉosue ə lɔ Makeda daai, ə ɉu nuą kɛ a kɔ́ kɔ́ ɓɔwa kɔ̨nɔ̨n, ə mą kɛ nąą tɔɔmun; ə di kəlee di paa kpɔ tɛ̨ɛ̨tɛ̨ɛ̨, hvo hɛn da lɔpee lɛɛ a vulúmąą, ə mą kɛ nu tɔ̨nɔ̨ ɓə, hvo nɛɛ laa a vulú; ə Makeda tɔɔmun ɉon, yɛ bələi ə Ɉeriko tɔɔmun ɉon na.

Zasua 8:29

Yii ɓaa Ai tɔɔmun nwɛi, di ɉɛlɛn wulu ta ɓa, ə lɛɛ laa hɛlɛn ni, ə lɛɛ la ɉu, yələ ə wulu, ɓɛlɔwai hvóló ə laa la kpɔlɔ ŋą, Ɉosue ə mo, di bowa kulɔ nwulu ɓa, di doo Ai daa mąąkpɛ hį́i gbon na, di kwɛni hį́i tɔɔ mɛ̨i, gaa laa háá ɓa háá.

Zasua 8:2

Bələi ə́ gɛ la a Ɉeriko taa da nwɔ tɔɔmun, bələ ɓə yá gɛ la a Ai taa da nwɔ tɔɔmun. Kɛlaa yaamun, hɛn kpɔ ka ɉɔlɔɓo laa, ə mą kɛ daatɛlɛɛɠaa, ka gəlee həɠə a ka wɔɔ, yɛ kɔ́ pulu hɛn. Ka bələ ɲąątɛ di tɔwɔ ɉįi la di pulu pələ.»

Zasua 6:21

Hɛnŋąą kpɔ kɛ daai, di gəlee hu kala kpɔ tɛ̨ɛ̨tɛ̨ɛ̨?: Ɉinąą mąn, nɛ̨ąą mąn, nu nwunuɠaa, ə mą kɛ, nu pɔlɔ pɔlɔɠaa, Nįŋɛ̨, ɓɛlaa, ɉoohvaalənŋąą, di gəlee paa.

Lonon mo 33:20

Di həɠə Rimɔn-Pɛrɛsə, di tɔɔ Livna.

Zasua 10:30

Yai-Laa ə daai tii da ɉu tɔɔmun di lɔ Israɛlə yee ŋą. Yili ə di kɛ a kɔ́ kɔ́ ɓɔwa kɔ̨nɔ̨n, da nuąi kpɔ kɛ laa, hvo nu ta lɛɛ laa a vulú; di naa lɔ tɔɔmun ma, yɛ bələi di naa la Ɉeriko tɔɔmun ma.

Azaya 37:8

Gɔ́kuláai tii ə pənə ə li Asiri tɔɔmun bɔ, yili aa kɛ kɔ́ pɛlɛ Livna taa ɓa, ə bələ mąn diɛ mą tɔɔmun aa kɛ həɠə Lakisə daai.

Kɔlɔnikɔ Veerɛi 21:10

Bələi mąn ə kɛ la tii, Edɔmə kwɛli teɛi lɔ kɛ Ɉuda tɔɔlaa ɓa, gaa lɔ tii háá ɓaa a háá. Nąąlɔwai tii hu lɔ nwɔ̨nɔ̨, Livna ə gwɛli tee Yoramə ɓa. Mąąhɔlɔɓo, Yoramə aa kɛ gili kulɔ nąnni di wɔɔ Yálái, Yai-Laa hu.