Zasua 10:24 - Yálá laawoo hɛɓɛ (dc)

²⁴ Dɔɔɓɛlaa lɔɔlii tii kulɔi di mo di pa a diɛ Ɉosue pɔ, yili ə Israɛlə lonnii təli, yɛ gɔ́laɠa ɲɛ̨itɔwɔ nuą diɛ: «Ka lɛɠɛ ɓɛ, ka ka kɔ́wɔ hvilɛn dɔɔɓɛlaai ŋɛ̨i kɔ́n bulu.» Di lɛɠɛ laa, di di kɔ́wɔ hvilɛn dɔɔɓɛlaa kɔ́n bulu.

Yálá laawoo hɛɓɛ

²⁴ Dɔɔɓɛlaa lɔɔlii tii kulɔi di mo di pa a diɛ Ɉosue pɔ, yili ə Israɛlə lonnii təli, yɛ gɔ́laɠa ɲɛ̨itɔwɔ nuą diɛ: «Ka lɛɠɛ ɓɛ, ka ka kɔ́wɔ hvilɛn dɔɔɓɛlaai ŋɛ̨i kɔ́n bulu.» Di lɛɠɛ laa, di di kɔ́wɔ hvilɛn dɔɔɓɛlaa kɔ́n bulu.

Bible

²⁴ Dí páa a dia Zasua pɔ́i, è Eezuɛ-ŋai kélee ŋáa tɛ̀ ma é m̀ó gɔ-kuluƃa-ŋai láa túɛ-ƃelai dîa ǹyɛɛi, “Ka pá ƃɛ́ ká kákɔɔ tɔ́ɔ gâloŋ-ŋai ŋí kɔŋ lá.” Nya ƃe dí pà dí gɛ́ tí.

Zasua 10:24 Referans Kwoze

Lomaŋ 16:20

Ɉu hvo kɛa kwɛa li Liilaa-Yálá, yɛ pa ɓilihi nwun nwoloi ka kɔ́wɔ mu. Gu Ną́mu Jesus nwɔ mɛ̨inɛ̨ɛ̨ ə kɛ ka pɔ!

Mąątɛ̨nɛ̨ 110:5

Ną́mu kaa ə́ ɓa-mįi-yee hu pələ, ə tɔɔɓɛlaa hu wolo a níiholi yələi

Mąątɛ̨nɛ̨ 110:1

Yálá mąątɛ̨nɛ̨ wələ. Davidə nwɔ wələ. Mɛ̨nįi Yai-Laa ə mo nwɔ́ mɛ̨nį nąmu ɓa, ya ka: «'Hee mamįiyee hu pələ, ə lɛɛ ɉu, ŋį ə́ yowo kɛ a ə́ kɔ́wɔ tɔɔ kpəlin!»

Mąątɛ̨nɛ̨ 107:40

Yili pulu, Yálá ə wɛlikpɛɛmąą laa lɔ nu kpɛa kpɛa kili pɔ, ə di lɛɛ laa diɛ li di nwun na pili pələ mɛ̨i.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Mąątɛ̨nɛ̨ 91:13

Ə́ kaa pai hiɛi yala da tumo di mɛ̨i, yɛ́ ɓɔlɔn yala lon da yíleen di mɛ̨i.

Mąątɛ̨nɛ̨ 18:40

Yá ɉú wala wala, ə́ hvąŋą kɛ̨nɛ̨, kɔ́ kɔ́ mɛ̨nį ɓa, yá gɛ ɲówóɠaa diɛ pɛlɛ gɔ́wɔ mu.

Nwun mąąɓo 8:20

Yili pulu, Zedeɔn ə mo non ɉulɔnu dɔlɔɔ Yɛtɛrə ɓa, yɛ mą: «Li ə́ nuąi tii paa!» Ɉulɔnon tii hvo pɛli nwɔ ɓɔwai kulɔi daai, mąąhɔlɔɓo, ə kɛi ɲɔw, ɛlɛɛ, ə kɛ ni a hulɔnon.

Hebreu 1:13

Ɛlɛɛ, malakaɠaa tii, nɛlɛ ɓə aa ta kɛ mą: «'Hee mamįiyee hu, ŋą́ ə́ yowoɠaa kəlee pɛlɛ ə́ kɔ́wɔ mu, yɛ haɠa?»

Samia Veerɛi 22:41

Yá ɲówoɠaa kpowola lɛ mą́ą́, Nuąi da tɔɔ ná, gɛ́ pɛli di hukalai.

Azaya 51:23

gáá pai nɔɔi tii tɛɛi ə́ mɔ̨nɔ̨ ɓo nuą pɔ, diɛi tii kɛi kɛ yɛ́: «'Pɛlɛ, ə gɛ ku tɛɛ», ɛlɛɛ yɛ́ kpɛli yɛ́ ə́ hɛ̨ą kɛ a pələ, a nuą tɛɛ kpaalə.

Samia Veerɛi 22:39

Ŋą́ą́ gəlee paa kpɔ tɛ̨ɛ̨tɛ̨ɛ̨, di hvo kɛa pai di muhəɠəi, daa too gɔ́wɔ́ mu.