Zasua 10:20 - Yálá laawoo hɛɓɛ (dc)

²⁰ Kpɛɛi Ɉosue da Israɛlə lonnii di mo a gɔ́ kalaa diɛ kpɔ hɔwɔ-hɔwɔ, diɛ di kəlee di paa; nu taɠaa nwun ə kulɔ ɉu, di pu, di lɔ daa kpɛa kpɛaɠaa hu, di mąą tínɛ̨n ŋąą a hįį kpoloon.

Yálá laawoo hɛɓɛ

²⁰ Kpɛɛi Ɉosue da Israɛlə lonnii di mo a gɔ́ kalaa diɛ kpɔ hɔwɔ-hɔwɔ, diɛ di kəlee di paa; nu taɠaa nwun ə kulɔ ɉu, di pu, di lɔ daa kpɛa kpɛaɠaa hu, di mąą tínɛ̨n ŋąą a hįį kpoloon.

Bible

²⁰ Zasua da Eezuɛ-ŋai kɛ́ɛ da Amɔra-ŋai dámaa páai, gbéli-ŋai dí pù dí tɛ́ dítaa lêe maa kónaŋɔɔ-ŋai su.

Zasua 10:20 Referans Kwoze

Zasua 8:24

Yii kɛa Ai nuą ŋɛ̨i kɛ ɲɛa kɔ́ɔɠaa hu, di yiliɠaa gəlee paa, di di hu tee tee a ɓɔwa, Israɛlə nuą di pənə di pa Ai daai, nu kpəli woloi lɛɛ, di yiliɠaa kəlee paa.

Ɉeremi 8:14

Gu kaa ɓɛ tɔɔni kpɛli-kpɛli lə mɛ̨nį ɓa? Ka gu gu ɲąąkpɔn, ka gu lɔ daɠaa hįi kaa mą ɉu; ka gu lɛɛ laa gu haa mąąkpɔn. Hvo gaai guɔ Yálá a gu laakwɛlanmo haa ɓa; aa pilimąą tɔɔ gu la, gu haa mɛ̨nį ɓa. A tɛ̨ą, kwaa ku hɔn gɛ a Yai-Laa.

Kɔlɔnikɔ Veerɛi 13:17

Abiya da nwɔ nuąi di yee ə tɛɛ diɛ kpɔ tɛ̨ɛ̨tɛ̨ɛ̨, di nu waa nwun nɔɔli paa Israɛlə nuą lɔwai.

Samia Veerɛi 20:6

Davidə yɛ Avisai ɓa: «Yii hui ŋɛ̨i, Bikri lon Seva kaa pai mɔ̨nɔ̨ lɔi gu pɔ, ə tɛɛ la Absalɔn nwɛi ɓa. Yɛ́ kpįnįi, ə́ wɔ mɛ̨nį Nąmu nwɔ hvólóhiɠaai həɠə, ka diɛni ka hvilɛn Seva pulu, gɛɛ hvo pa kɛ həlii daaɠaai mąątinɛ̨n ŋąą a hįi diɛ, hvo pu gu yəi.»

Zasua 10:10

Yai-Laa ə gɛ, di pu Israɛlə nuą ɲɛ̨i tɔwɔ, ə gɔ́ kala diɛ kpɔ hɔwɔ-hɔwɔ, Gabaɔn daai, ə hvilɛn di pulu Bɛtə-Horɔn yee ɓa pələ, ə hee di hu, ə lɛɛ kpɔ ɉu di həli Azeka di həli kpɔ la Makeda.

Dutɛrɔnome 20:16

Kɛlaa nu huwuɠaai ŋɛ̨i Yai-Laa ka wɔ Yálái kaa di wɔ taaɠaai tɛɛi ka pɔ a ka hee taa, nąąɠaa lɔ ɓə mąą hvo nɛ̨ɛ̨li ka hvo nu kan da lɔpee lɛɛ la a vulú.

Zasua 10:19

Ka wɛi, ka hvo kpəla ka hvo tɔɔ, 'ka hvilɛn ka yowoɠaa pulu, 'ka laa di tɔwɔ, ka hvo di lɛɛ laa di hvo lɔ di wɔ taaɠaai hu, Yai-Laa gu wɔ Yálá aa di lɔ gu yee ŋą.»

Zasua 10:21

Nuą di pənə di pa liilaa hu Ɉosue pɔ Makeda, nu ta hvo pɛli mɛ̨nį ta kɛi Israɛlə lonnii diɛ.

Ɉeremi 4:5

Ka noloɓo Ɉuda lɔi hu! Ka Ɉerusalɛmə nuą kilaa pɔ̨nɔ̨! «Ka dulu hvɛɛ nɔi nąą kəlee ka tomą a ka woo kɛnɛ̨, kaa diɛ: ‹Ka pa-o! Ka ka ɲąąkpɔn daaɠaai hįi kaa diɛ ɉu!›

Zasua 11:8

Yai-Laa ə di lɔ Israɛlə yee ŋą, di yee ə tɛɛ diɛ. Di hvilɛn di pulu, di lɛɛ di kpɛi, di həli Sidɔn kɛnɛ̨mun ma Misrefotə-Maimə, da Mispe ɲɛɛ kɔ́wɔ hu, voló ɓɛlai pələ. Ɉosue yee ə tɛɛ diɛ, di hvo kpɛli nu tɔ̨nɔ̨ kpɛli lɛɛ a vulú.

Zasua 11:12

Ɉosue ə daaɠaa kəlee hon, da ɉu tɔɔɓɛlaa, ə di kɛ a kɔ́ kɔ́ ɓɔwa kɔ̨nɔ̨n da daai nuą kəlee, yɛ bələi Yai-Laa nwɔ tímun Moisə ə mo la.

Tɔɔɓɛlaa dɔlɔɔ 20:21

Yili pulu, Israɛlə tɔɔmun ə pənə ə kulɔ, ə too ɉoo nąmįną hu da nwotolo nąmįną, ə Aramə nuą paa kpɔ kɛnɛ̨.