Zasua 1:5 - Yálá laawoo hɛɓɛ (dc)

⁵ Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Yálá laawoo hɛɓɛ

⁵ Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Bible

⁵ Núu da kélee yée fé pâi pɔrîi yâ ífulu-laai su. Ŋa pâi kɛ̂i íkɔlɛ yɛ̂ɛ berei nɔ́ ŋá kɛ̀ la Mose kɔlɛi. Ḿve pâi teêi ípôlu kpaa máŋ ŋá ḿbôlu tɔɔ yâ.

Zasua 1:5 Referans Kwoze

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

Dutɛrɔnome 20:4

Mąąhɔlɔɓo, Yai-Laa ka wɔ Yálái ɓə vilɛn ŋąą ka tɔwɔ, yɛ gɔ́ kɔ́ da ka yowoɠaa, yɛ kpɔnmąą tɛɛ ka pɔ.»

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

Mąątɛ̨nɛ̨ 46:11

Yɛ kɛ diɛ: «'Ka gwɛlihɛnŋaa laa, 'ka gɔlɔn kaa diɛ ɲą́ą́ ɓə gaa a Yálá! Ŋą́ hį́iɠaa ɲąąwooɓo, gɛ́ lɔi ɲąąwooɓo.»

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Zasua 3:7

Yai-Laa yɛ Ɉosue ɓa: «Ə həɠə háákələi ɓa, gáá pai ə́ kɛnɛ̨i Israɛlə nuą kəlee ɲɛ̨i ɓa; əgɛ, di gɔlɔn diɛ, gáá ə́ pɔ, yɛ bələi ŋį́ kɛ la Moisə pɔ.

Lɛɛ gbɔwɔ ɓa 3:12

Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Lomaŋ 8:37

Kɛlaa, yili kəlee hu, yeetɛɛmąąlaa kaa ku yəi, nui ku wɛlila kɛ ɉaalai.

Zasua 1:17

Pələi lɔ ku kɛ la Moisə woo ŋą, mɛ̨nį kəlee hu, bələ lɔ ɓə ku kaa gɛi la a yɛ́. A tɛ̨ą, Yai-Laa ə́ wɔ Yálai kaa pai kɛi ə́ pɔ, yɛ bələi ə kɛ la Moisə pɔ.

Dutɛrɔnome 7:24

Gaa pai di wɔ tɔɔɓɛlaa tooi ka yee ŋą ka di laa kpɛɛ lɔi mɛ̨i, dai lɔpee hvo pai tɔɔi ka la; ə lɛɛ ɉu, ka di huwu pu kpɔ tɛ̨ɛ̨tɛ̨ɛ̨.

Zasua 6:27

Yai-Laa ə kɛ Ɉosue pɔ, naa ə tɛ, mąą tin ə too nɔi nąą kəlee.

Dutɛrɔnome 31:23

Yai-Laa ə mɛ̨nįɠaa ŋɛ̨i ɓo kpɔ Nun lon Ɉosue ɓa a nwąnąąi, yɛ mą: «Ə́ liikpələ, ə́ tɔɔ a ə́ nwąnąąi, mąąhɔlɔɓo, nɔi ŋį́ nwóó kwɛlɛ la Israɛlə lonnii diɛ, ŋį́ naakwɛlanmo diɛ, gɛ́ gáá dɛɛi di pɔ, yɛ́ ɓə pai di lɔi ɉu. Ɲą́ą́n, gáá pai kɛi ə́ pɔ.»

Dutɛrɔnome 4:31

Mąąhɔlɔɓo, Yai-Laa ka wɔ Yálái kaa a liinɛ̨ɛ̨ gwəi Yálá, hva gili kulɔ ka hu, hva ka huwu pu, ɛlɛɛ, mįnɛ̨i da ka nąnni di ɉəɠə, yɛ gwɛla ɉu, hva ɉəɠə mą.

Zasua 10:8

Yai-Laa yɛ Ɉosue ɓa: «Hvo ɲɔw, mąąhɔlɔɓo ŋą́ą́ nɔ ə́ yee ŋą, di ta lɔpee hvo pai tɔɔi ə́ tɔwɔ.»

Nwun mąąɓo 2:18

Ɓɛlɔwai lɔpee kɛ Yai-Laa a kuláá ta tɔɔ la, a kɛ bɔ yaa kpinįi, yɛ di nwun mąąɓo di yowoɠaa yəi, guláái tii nwɔ lɔwai hu. Mąąhɔlɔɓo, ɓɛlɔwai da di ɓɛlɛkpɛɛ la diɛ, diɛ di laanɔ̨nwɔ̨ ɓo, di ɲɛ̨imąąwɛli a too Yai-Laa ɓa.

Nwun mąąɓo 6:16

Ya ɓə, Yai-Laa a kɛ mą: «Gáá pai kɛi ə́ pɔ, yili ɓa, ə́ kaa pai Madian nuą kɛlɛi, yɛ yá kɛi nu tɔ̨nɔ̨ kɛlɛ.»

Samuɛlə dɔlɔɔ 10:7

Ya mɛ̨nįɠaa tii kaa diɛ həli yɛ́, mɛ̨nį lɔpee ya gaa, yɛ́ ə́ yee a pɛli mą, ə́ gɛ. Mąąhɔlɔɓo, Yálá kaa ə́ pɔ.

Tɔɔɓɛlaa dɔlɔɔ 1:37

Bələi tii Yai-Laa ə kɛ la nwɔ́ mɛ̨nį nąmu tɔɔmun Davidə pɔ, bələ lɔ ɓə gaa kɛi la Salomɔn pɔ. Gaa pai nwɔ tɔɔlaa mąąwiɛi ə ɉu kɛnɛ̨ ə dɛɛ nwɔ́ mɛ̨nį nąmu tɔɔmun Davidə nwɛi ɓa.»

Tɔɔɓɛlaa dɔlɔɔ 6:13

Ɛlɛɛ, akɛ tii, ŋą́ kɛ kɛa Israɛlə lonnii lɔwai; nwɔ́ nu huwui ŋɛ̨i a diɛ, vá di lɛɛ laa tɔ̨nɔ̨ kpɛli.»

Tɔɔɓɛlaa dɔlɔɔ 8:57

Yai-Laa, ku wɔ Yálá ə kɛ gu pɔ, yɛ bələi ə kɛ la gu nąnni pɔ! Hvo ɲee ɓo guɔ, hvo həɠə gu pulu.

Tɔɔɓɛlaa dɔlɔɔ 11:38

Mɛ̨nįɠaa kpɔ gáá pai naai ə́ nwuɔ̨, yá ə́ wəli tɔɔ diɛ, yá hiɛ nwɔ́ pələɠaa hu, mɛ̨nįi ɉaŋąą ɲɛ̨́i ɓa yɛ́ gɛ, ə́ yee ə ɓo nwɔ́ tɔ́n nwooɠaai da nwɔ́ tiɓoɠaa diɛ, yɛ bələi nwɔ́ tímun Davidə ə gɛ la, ŋą́ kɛ ə́ pɔ, ŋą́ pɛlɛ́ tɔɔ yɛ́, a nwalawalaa yɛ bələi ŋą́ dɔɔ la Davidə ɓa; ŋą́ Israɛlə tɛɛ ə́ pɔ,

Kɔlɔnikɔ Maa-ŋuŋ 28:20

Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Azaya 42:16

Gáá pai ɲɛ̨ipu nuą hvilɛn ɉii pələi di hvo gɔlɔn mɛ̨i, lɔwɔ mu pələɠaai di hvo di kɔ́lɔn, diɛ ɓə da kɛ hiɛi mɛ̨i, gɛ́ kpinį mąąpənə di ɲɛ̨i tɔwɔ a kɛɛ pɔ̨nɔ̨, gɛ́ pələ hu heɛɠaa mąąpənə a ɉaŋąą, gáá pai mɛ̨nįɠaai tii kəlee kɛi, vá dɔ̨nɔ̨ kpɛli lɛɛ laa.

Ɉeremi 1:8

'Hvó ɲɔw, gáá ə́ pɔ, gɛ́ ə́ kulɔ mɛ̨nįi. Yai-Laa woo li.»

Danîa 11:16

Gɔ too mun tii, yii a nɛɛ mą, ya ɓə gaa pai gɛi, mąąhɔlɔɓo, hɛn da hva kpəɲan dɔwɔ. A kpɛɛ kɛa a gɛɛ kɛnɛ̨ɛ tii kalaa, nɔi nɛlɛi kɛɛnąą ɓə a hee laa.

Zɛnɛse 39:2

Yai-Laa ə kɛ Ɉosɛfə pɔ, yili ɓə gɛ, mɛ̨nįi lɔpee ə kɛi ɲee too ɉu, gəlee hu ə kɛi nɛ̨ɛ̨. Ɉosɛfə ə kɛ lɔ Potifarə yəi bɛlɛ́n.

Dutɛrɔnome 20:1

Ka kulɔ kaa li pɛlɛi ka yowoɠaa diɛ a kɔ́, ka hooɠaa kaa, da kɔ́ kɔ́ wotoloɠaa, di kpulu hu kɛnɛ̨ dɛɛ kaa, mąą hvo nɛ̨ɛ̨li ka hvo ɲɔw; mąąhɔlɔɓo Yai-Laa ka wɔ Yálái kaa ka pɔ, yaai ka kulɔ Eziptə lɔi hu.

Zasua 21:44

Bələi lɔ Yai-Laa ə naakwɛlanmo la di nąnni diɛ, bələ ɓə ə gɛ la; a liilaa lɔi, ɲee kəlee hu. Di yowo ta hvo pɛli tɔɔi di la. Yai-Laa ə di yowoɠaa kəlee lɔ di yee ŋą.